2022-12-15 14:17
Информагентства
«Թաթոյան» հիմնադրամի բացահայտումները․ Ովքեր են իրականում ադրբեջանական «էկոակտիվիստ» առաջնորդները
Արցախ-Հայաստան ճանապարհը փակած ադրբեջանական «բնապահպան ակտիվիստ առաջնորդներն» ուղիղ ֆինանսավորվում են Ադրբեջանի Կառավարությունից կամ իշխանությունների հետ առնչություն ունեցող կազմակերպություններից: «Արմենպրես»-ի փոխանցմամբ՝ այս եզրահանգմանն է եկել Իրավունքի և արդարության կենտրոն «Թաթոյան» հիմնադրամում ստեղծված աշխատանքային խումբը՝ մասնագիտական վերլուծության ենթարկելով Արցախ-Հայաստան ճանապարհը փակած ադրբեջանական «էկոակտիվիստ» առաջնորդների վերաբերյալ փաստական տվյալները։
Ըստ փաստական տվյալների, «էկոակտիվիստ» ներկայացող անձանց կազմակերպությունները, Ադրբեջանի կառավարության կողմից ֆինանսավորվելուց բացի, որոշ դեպքերում ֆինանսավորվում, են նաև Ադրբեջանի առաջին փոխնախագահ և առաջին տիկին Մեհրիբան Ալիևայի ղեկավարած Հեյդար Ալիևի Ֆոնդից։
Բացի այդ, վերլուծությունները ցույց են տալիս, որ Արցախ-Հայաստան ճանապարհը փակած ադրբեջանական «բնապահպան ակտիվիստ առաջնորդներն» իրենց սոցցանցերի էջերում առանձնակի ջանասիրությամբ են տարածում Ալիևների ընտանիքին վերաբերող տեղեկությունները, լուսանկարները, անում են հակահայկական ու հայատյաց գրառումներ, քարոզ։ Բայց գլխավոր հարցն այն է, որ նրանք ապահովում են ադրբեջանական Կառավարական քաղաքականությունը։
«Թաթոյան» հիմնադրամ փաստերը հիմնավորող մեկ օրինակ է ներկայացրել.
«Թելման Քասիմովը, ով «ակցիայի» առաջնորդներից է, ճանապարհը փակելու վայրում հայերենով կոչեր է հնչեցնում, միասին ապրելու հորդորներ անում, բայց «Ֆեյսբուք» սոցիալական ցանցի իր էջում հպարտությամբ տեղադրում է Հայաստանի ու Արցախի դրոշը ոտքի տակ գցած ադրբեջանական զինվորականների լուսանկարները, ուրախանում հայկական կողմի մարդկային կորուստներով։ Փաստերն ապացուցում են, որ նա իրականում հայատյաց զինվորական է, ըստ հավաստի աղբյուրների` ռազմական հատուկ հետախուզական ծառայության սպա, ով նաև ակտիվորեն քարոզում է Ադրբեջանի նախագահի ռազմատենչ հայտարարությունները։
Նա իր սոցիալական ցանցերի նկարներում անթաքույց ցուցադրում է Գորշ գայլեր ահաբեկչական-ազգայնական խմբի հետ առնչությունը, հպարտությամբ լուսանկար է հրապարակում հայ սպա Գուրգեն Մարգարյանին քնած ժամանակ կացնով սպանած և Հունգարիայում ցմահ դատապարտված Ռամիլ Սաֆարովի հետ»:
Ակցիայի մյուս «առաջնորդների» դեպքում ևս նմանատիպ պատկեր են արձանագրվել, որոնց մասին իրական տեղեկությունները լուսանկարներում են։
«Հետևաբար, բացարձակ ճիշտ է այն պնդումը, որ Արցախը Հայաստանին կապող միակ ճանապարհը փակելը և Արցախը շրջափակելը որևէ բնապահպանական նպատակ չունի. այն արցախահայության բնաջնջման, արտաքին աշխարհից մեկուսացնելու ադրբեջանական հանցավոր քաղաքականության մաս է, հերթական փորձը միջազգային կանոնների բացարձակ խախտումով ճնշելու արցախահայության ինքնորոշման բացարձակ լեգիտիմ իրավունքը»,- նկատում է «Թաթոյան» հիմնադրամում ստեղծված աշխատանքային խումբը:
ПОСЛЕДНИЕ ОТ АВТОРА
-
New2025-06-04 11:47В приграничных сёлах Хознавар, Вагатур и Хнацах Сюникской области экономическая ситуация ухудшилась после того, как в результате войны 2020 года значительную часть близлежащих пастбищ и сенокосов захватил Азербайджан. Об этом заявила пресс-служба АРФ «Дашнакцутюн» (АРФД).
-
New2025-06-04 11:41Опубликованная часть обвинительного заключения по делу Рубена Варданяна, занимавшего три месяца пост госминистра Нагорного Карабаха, «в очередной раз показывает как причудливость самого процесса, так и глубину этнического раскола на Южном Кавказе». Об этом заявил российский политолог Михаил Виноградов, комментируя обвинения Баку в адрес Варданяна. Резонансных «аргументов» у Бакинского военного суда против Варданяна у обвинения всего три. Их качество, по словам эксперта, «выглядит довольно наглядно»:
-
New2025-06-04 11:35В Ереване на 78-м году жизни скончался политический и государственный деятель, бывший замминистра обороны Ваан Ширханян, сообщили СМИ его родственники.
-
New2025-06-04 11:33В Армении зарегистрирован первый в этом году случай заражения лихорадкой Западного Нила (ЛЗН), вызываемой вирусом, который переносится комарами. Об этом сообщает Минздрав Армении.