2022-12-20 15:48
Соб.инф.
0
ԳԵՈՊՐՈՄԱՅՆԻՆԳ ԳՈԼԴԸ ԵՐևԱՆԻ ԵՐԱԺՇՏԱԿԱՆ ՔՈԼԵՋԻ ԵՎ ԱՐԱՐԱՏԻ ԱՐՎԵՍՏԻ ՄԱՍՆԱԳԻՏԱՑՎԱԾ ԴՊՐՈՑԻ ՀԱՄԱԳՈՐԾԱԿՑՈՒԹՅԱՆ ՀՈՎԱՆԱՎՈՐ (ՏԵՍԱՆՅՈՒԹ)
Դեկտեմբերի 16-ը Արարատի՝ Ղազարոս Սարյանի անվան միջնակարգ մասնագիտացված դպրոցի համար պատմական էր: ԳեոՊրոմայնինգ Գոլդ ընկերության հովանավորությամբ այսուհետ համագործակցություն է ծավալվելու դպրոցի և Երևանի՝ Ռոմանոս Մելիքյանի անվան պետական երաժշտական քոլեջի միջև: Քոլեջի տնօրեն, ՀՀ վաստակավոր արտիստ Վարազդատ Խաչումյանի գլխավորությամբ Արարատ այցելած պատվիրակության կազմում էին երաժշտագետ, արվեստագիտության թեկնածու, պրոֆեսոր, ՀՀ արվեստի վաստակավոր գործիչ Արմեն Բուդաղյանը, կոմպոզիտոր, դաշնակահար և դիրիժոր Գևորգ Մանասյանը, իրենց երկարամյա աշխատանքային վաստակով քոլեջի պատմությունը հարստացրած արվեստագետ-մանկարավարժներ:
«Երկու հիանալի ղեկավարներ, ինչպիսիք են Ռոմաանոս Մելիքյանի անվան քոլեջի և Ղազարոս Սարյանի անվան դպրոցի ղեկավարները, ընկերության և համագործակցության հուշագիր են ստորագրում: Սա շատ կարևոր իրադարձություն է և պետք է օրինակ դառնա մյուս բոլոր կրթօջախների համար»,-ասաց Արմեն Բուդաղյանը:
Համագործակցության հուշագրի ստորագրման հանդիսավոր արարողությանը հաջորդեց նվերի հանձնումը: Ղազարոս Սարյանի դուստրը՝ Սոֆյա Սարյանը իր մեծանուն հայրիկի դիմանկարը նվիրեց նրա անունը կրող դպրոցին: Դիմանկարը պատկանում էր կոմպոզիտորի երևելի հոր՝ վարպետ Մարտիրոս Սարյանի վրձնին:
Արմեն Բուդաղյանն էլ մանրամասնորեն ներկայացրեց և դպրոցին հանձնեց բավականին արժեքավոր գրականություն: Նախքան այցը պարզել էին, որ դպրոցը 7-րդ դասարանի «Երաժշտական գրականության» դասագրքի կարիք ունի:
Համագործակցությունից երկու կողմերն էլ ակնկալում են արդյունավետություն, փոխաջակցություն և մշակութային կրթության որակի բարձրացում: Ռոմանոս Մելիքյանի անվան պետական քոլեջի տնօրեն Վարազդատ Խաչումյանը նշեց, որ մեծանուն երաժիշտը՝ ինքն էր խրախուսում իր ամբողջ կյանքի ընթացքում խրախուսում շրջաններ այցելելն ու տեղի մշակութային հաստատությունների զարգացմանը նպատելը: «Այժմ շատ ուրախ ենք քոլեջ-դպրոց համագործակցության մեկնարկի առթիվ: Կարևոր է, որ երեխաները կշփվեն միմյանց հետ, միմյանցից կսվորեն և առաջընթաց կունենան»,-ասաց Վարազդատ Խաչումյանը: Ղազարոս Սարյանի անվան դպրոցի տնօրեն Գայանե Հովհաննիսյանն էլ համագործակցության հուշագրի ստորագրումը կարևոր համարեց փորձի փոխանակման, համատեղ նախաձեռնություններով հանդես գալու, մեթոդական և կադրային հարցերում աջակցություն ստանալու առումով:
Համագործակցության հուշագրի ստորագրման առթիվ կողմերին շնորհավորեց ԳեոՊրոմայնինգ Գոլդ ընկերության պաշտոնական ներկայացուցիչ Ռուզաննա Գրիգորյանը ասաց․ «Մեր ընկերությունն ավանդաբար մեծ ուշադրություն է դարձնում մշակութային և սոցիալական նախագծերին, որոնք կամուրջներ են կառուցում մարդկանց, հասարակությունների և երկրների միջև: Երկու ուսումնական հաստատությունների համագործակցության գաղափարն ուղղված է մայրաքաղաքի և մարզերի միջև մշակութային և ստեղծագործական կապերի զարգացմանը։ Համոզված եմ, որ երկու կողմերն էլ ունեն հետաքրքիր նախագծեր և տաղանդավոր կատարողներ՝ միմյանց հետաքրքրելու և ստեղծագործաբար զարգանալու համար»։
Նա ընկերության ղեկավարության անունից վստահեցրեց, որ ընկերությունը պատրաստակամ է հովանավորել մշակութային երկու հաստատությունների համատեղ միջոցառումները: Հենց այդպիսիս միջոցառմամբ ամրապնդվեց համագործակցության սկիզբը: Արարատի՝ Ղազարոս Սարյանի անվան դպրոցի և Երևանի՝ Ռոմանոս Մելիքյանի անվան պետական երաժշտական քոլեջի սաները ներկայացան համատեղ համերգով։ Միջոցառման ընթացքում անդրադարձ եղավ նաև ԳեոՊրոմայնինգ Գոլդ ընկերության կողմից Արարատ քաղաքում իրականացված ներդրումային ծրագրերին, որոնք ուղղված են եղել համայնքի բնակիչների սոցիալ-տնտեսական վիճակի բարելավմանը, համայնքի բարեկարգմանն ու զարգացմանը:
ПОСЛЕДНИЕ ОТ АВТОРА
-
New2024-04-25 11:12Открытое письмо В связи с необходимостью оказания экстренной медицинской помощи Рубену Варданяну руководители ряда общественных организаций Арцаха и Армении обратились с открытым письмом к президенту Международного Комитета Красного Креста госпоже Мирьяне Сполярич-Эггер.
-
2024-04-24 15:39Кавказ - не место слабых людей, здесь невозможно демонстрировать слабость и при этом выживать. Об этом заявил Sputnik Армения духовный пастырь Берда Арам Мирзоян.
-
2024-04-24 10:21Научно-образовательная общественная организация "Армянский проект", основанная группой армянских ученых и экспертов, распространила заявление, в котором призывает ответственные за судьбу Армении политические силы взглянуть в лицо реальности нависшей над нашей тысячелетней государственностью угрозы, разработать механизмы для урегулирования разногласий между собой и обеспечения реальной политической консолидации, со своей стороны обещая внести свою лепту в вопрос предложения таких механизмов, возможности их применения и реализации.
-
2024-04-23 13:57"Чтобы получить более четкое представление о том, что делает пашиняновская хунта для ослабления границ Армении, в частности, в плане ликвидации минных полей в Тавуше, было бы полезно ознакомиться с опытом ряда других государств, - пишет на своей странице в Фейсбук доктор политических наук, военный историк Армен Айвазян.
ПОСЛЕДНЕЕ ПО ТЕМЕ
-
2023-12-19 11:42Այս տարի մենք առաջինը Հայաստանի արդյունաբերությունում ֆինանսական տեղեկության բացահայտման հետազոտություն ենք կատարել՝ կապված կլիմայի փոփոխության հետ, մենք միացել ենք աշխարհի առաջատար ընկերություններին, որոնք մտադիր են ամեն տարի չափել և կրճատել ածխաջրային հետքը։ Այս մասին Զանգեզուրի պղնձամոլիբդենային կոմբինատի (ԶՊՄԿ) զարգացման թեմային նվիրված համաժողովում դեկտեմբերի 19-ին ասել է կոմբինատի գլխավոր տնօրեն, «GeoProMining» ընկերությունների խմբի նախագահ Ռոման Խուդոլիյը։
-
2023-07-14 19:03ԳեոՊրոՄայնինգ-ի նախագահի շնորհավորական ուղերձը ԶՊՄԿ հիմնադրման 70-ամյակի կապակցությամբ և հանքարդյունաբերության աշխատակիցներին մասնագիտական տոնի առթիվ Հարգելի գործընկերներ, ընկերներ, կոմբինատի աշխատակիցներ և այս հիասքանչ տարածաշրջանի բնակիչներ, 70 տարի առաջ՝ հեռավոր 1952 թվականին Հայաստանի Խորհրդային Հանրապետության տնտեսության զարգացման համար հուսալի հիմք դրվեց։ Ձեր հայրենակիցները կառուցեցին արդյունաբերական հսկան՝ Զանգեզուրի պղնձամոլիբդենային կոմբինատը, որը երկար տարիներ դարձավ երկրի արդյունաբերության ու տնտեսության հիմքը և դրական ազդեցություն ունեցավ երկրի զարգացման ու բազմաթիվ սերունդների կյանքի վրա։
-
ԳԵՈՊՐՈՄԱՅՆԻՆԳ ԸՆԿԵՐՈՒԹՅՈՒՆԸ ՍԱՆԿՏ ՊԵՏԵՐԲՈՒՐԳԻ ՄՐՑԱՇԱՐԻՆ ՀԱՅ ԲՌՆՑՔԱՄԱՐՏԻԿՆԵՐԻ ՄԱՍՆԱԿՑՈՒԹՅԱՆ ՀՈՎԱՆԱՎՈՐ2022-12-23 15:562022 թվականի դեկտեմբերի 11-ից 18-ը Սանկտ Պետերբուրգում անցկացվեց բռնցքամարտի հերթական ամենամյա պատանեկան մրցաշարը՝ օլիմպիական չեմպիոն Գենադի Շատկովի մրցանակի համար, որին մասնակցեցին նաև Հայաստանի բռնցքամարտիկները։
-
2022-12-07 11:52«ԳեոՊրոՄայնինգ գոլդը» ԵՊՀ ուսանողների և ավագ դպրոցի աշակերտների համար կազմակերպել էր ճանաչողական շրջայց Արարատի ոսկու կորզման ֆաբրիկայում։