2022-12-20 18:10
Информагентства
Եվրոպական եկեղեցիների համաժողովը և Եկեղեցիների համաշխարհային խորհուրդը դատապարտել են Արցախի շրջափակումը
Եվրոպական եկեղեցիների համաժողովը և Եկեղեցիների համաշխարհային խորհուրդը Եվրոպական Միության արտաքին քաղաքական գերատեսչության ղեկավար Ջոզեֆ Բորելին ուղղված համատեղ նամակում դատապարտել են Ադրբեջանի կողմից էթնիկ հայկական Արցախ/Լեռնային Ղարաբաղ տարածաշրջանի շրջափակումը «որպես եռակողմ համաձայնագրի, միջազգային մարդասիրական իրավունքի և մարդու իրավունքների իրավունքի, ինչպես նաև բարոյական ամենահիմնարար սկզբունքների խախտում»։ Այս մասին հայտնել են Եվրոպական եկեղեցիների համաժողովի մամուլի ծառայությունից:
Նամակում նշվում է, որ Լաչինի մարդասիրական միջանցքի արգելափակմանն ուղղված գործողություններով և տարածաշրջանի գազամատակարարման ժամանակավոր դադարեցմամբ Ադրբեջանը միտումնավոր արտակարգ հումանիտար իրավիճակ է ստեղծում 120000 հայերի համար:
«Դա հետևում է Ադրբեջանի վարքագծի հստակ մոդելին, որը հակասում է նրա կողմից բարի կամքի և մարդասիրական պատասխանատվության մասին ցանկացած հայտարարության»,- ասվում է նամակում:
Նամակում անդրադարձ է կատարվում նաև Ադրբեջանի զինվորականների և անվտանգության ուժերի կողմից հայերի նկատմամբ մարդու իրավունքների կոպիտ խախտումների մասին վկայություններին: Նշվում է, որ Բաքուն իր նման գործելաոճի համար պատասխանատվության չի ենթարկվել:
«Այս պայմաններում չի կարելի հաշվի չառնել հայերի մտավախություններն իրենց դեմ ցեղասպանության վերսկսման վերաբերյալ, և Լեռնային Ղարաբաղի շրջափակմամբ այդ մտավախությունները զգալիորեն և հասկանալի պատճառներով խորանում են»,- ասված է նամակում:
Եվրամիությանը կոչ է արվում ձեռնարկել հնարավոր դիվանագիտական քայլերը, որ Ադրբեջանը վերաբացի Լաչինի միջանցքը և համապատասխան երաշխիքներ տրամադրի, որ այն բաց կմնա։ Նաև կոչ է արվում երկարաձգել ԵՄ մոնիթորինգային առաքելության մանդատը՝ դրանում ներառելով Լաչինի միջանցքը:
News.am
ПОСЛЕДНИЕ ОТ АВТОРА
-
New2025-06-30 16:27Мэрия Еревана демонтировала баннер с надписью "Свободу Самвелу Карапетяну" и фотографией предпринимателя, размещенный на здании ТЦ "Ташир" в центре Еревана.
-
New2025-06-30 16:23Два агента ФСБ России, работавшие под прикрытием в «Sputnik Азербайджан», задержаны, сообщили азербайджанские СМИ.
-
New2025-06-30 16:20Самыми популярными зарубежными направлениями для командировок в первой половине 2025 года оказались Минск (доля – 8,6%), Стамбул (7,1%) и Дубай (5,8%). Серьезно вырос интерес к деловым поездкам в столицу Беларуси: туда совершено на 19% заказов больше.
-
New2025-06-30 16:16Россия обеспокоена тем, что более двух часов российские дипломаты в Баку не могут связаться с журналистами – гражданами России. Об этом заявила ТАСС официальный представитель МИД России Мария Захарова.