2022-12-24 09:40
Информагентства
Ալեքսանդր ԺԻԼԻՆ․ ՖԻԶԻԿԱԿԱՆ ՈՉՆՉԱՑՄԱՆ ՄԻՋՈՑՈՎ ՑԱՆԿԱՆՈՒՄ ԵՆ ԱՐՑԱԽԻ ԲՆԱԿԻՉՆԵՐԻՑ ԽԼԵԼ ԲՆԱԿԵԼԻ ՏԱՐԱԾՔԸ
Ազգային անվտանգության հանրային կիրառական հիմնախնդիրների ուսումնասիրության կենտրոնի ղեկավար, պաշտոնաթող գնդապետ Ալեքսանդր Ժիլինը մեկնաբանել է Լեռնային Ղարաբաղում իրավիճակի հերթական սրացման հետևանքները։
Նրա խոսքով՝ Արցախի հարցը նույնիսկ տարածքի մեջ չէ, այլ այնտեղ ապրող մարդկանց փրկելու մեջ է, որոնցից ցանկանում են ֆիզիկական ոչնչացման միջոցով խլել իրենց կենսատարածքը։
«Արցախում ստեղծված իրավիճակը բնութագրվելու է Ադրբեջանի կողմից սադրիչ գործողությունների հետագա սրմամբ։ Բաքվին/Անկարային ձեռնտու է իրավիճակը սրել մինչև կրիտիկական մակարդակ, քանի որ ռազմական ներուժի գերակայությունը նրանց կողմից է։ Սադրանքների էությունը լինելու է հայերին ռուս խաղաղապահների դեմ հանելը։ Մեղավոր ներկայացնելու մեզ և այդպիսով տարածաշրջանից հեռացնելու համար»,- ասել է նա «Незыгарь»-ին:
Ինչպես նշել է գնդապետը, կարևոր է նշել, որ ռուս զինվորների բարոյական, երբեմն էլ նույնիսկ ֆիզիկական նվաստացումներն արդեն սկսվել են, և նրանք դառնում են իրավիճակի պատանդը. «Այս իրավիճակը շտապ շտկելու կարիք կա։ Խաղաղապահ զինվորն ու սադրիչները պետք է իմանան, որ առաքելության թիկունքում կանգնած են Ռուսաստանի Դաշնության բոլոր զինված ուժերը, այդ թվում՝ միջուկային։ Հետո նրանց ոչ ոք մատով չի դիպչի։ Ինչպես, օրինակ, ՆԱՏՕ-ի KFOR-ին»,- ասել է Ժիլինը:
Ըստ փորձագետի՝ Թուրքիան Բաքվի ձեռքով ստեղծում է անտանելի կենսապայմաններ տեղի բնակչության համար՝ փակելով տրանսպորտային ուղիները, էներգետիկ մայրուղիները և այլն։ Կոտորածին ու հայ բնակչության ֆիզիկական ոչնչացմանը ընդամենը մեկ քայլ է մնացել.
«Ի՞նչ պետք է անի Հայաստանը. պետք է դաշնակիցներ փնտրի: Պետք է մերձենալ Իրանի հետ և խաղալ Իրանի և Թուրքիայի հակասությունների վրա։ ԻՀՊԿ-ն իրականում կարող է ռազմական օգնություն ցուցաբերել:
Արցախի ղեկավարությունը՝ ի դեմս Վարդանյանի, կարող է նույնիսկ սահմանափաակ քանակությամբ զորքեր խնդրել Թեհրանից, ինչը մեծապես կսառեցնի անսանձ ադրբեջանցիներին։ և, իհարկե, Երևանին այլ բան չի մնում, քան Նենսի Փելոսիի հետ պայմանավորվածություններից հետո Վաշինգտոնի հետ մերձենալը։
Ասում են՝ Արցախը թույլ բանակ ունի: Այո, ո՛չ աչքի ընկնող: Սակայն այն հոգով ուժեղ է: Որովհետև Արցախը ապրում է յուրաքանչյուր հայի սրտում։ Կարո՞ղ եք օգնել Արցախի բանակին։ Այո՛։ Հայկական հարուստ սփյուռքը հեշտությամբ կարող է վարձել մի քանի լուրջ մասնավոր ռազմական ընկերություններ, որոնք կհամալրեն ազգային անվտանգության ուժերի շարքերը։ Նույն Վագները բացառություն չէ»,- կարծում է գնդապետ Ժիլինը։
ПОСЛЕДНИЕ ОТ АВТОРА
-
New2025-06-13 18:25Президент Турции Реджеп Тайип Эрдоган резко осудил атаку Израиля на Иран, отметив, что израильская администрация пытается втянуть весь регион и мир в катастрофу, передает ТАСС.
-
New2025-06-13 18:23Правительство Ирана провело экстренное заседание в связи с ударами Израиля. Об этом сообщает пресс-служба президента Ирана Масуда Пезешкиана.
-
New2025-06-13 18:21Военная операция Израиля против Ирана только начинается, страна готова к ответным действиям со стороны Тегерана, заявил пресс-секретарь Армии обороны Израиля (ЦАХАЛ) Эфи Дефрин.
-
New2025-06-13 18:21Премьер-министр Израиля Биньямин Нетаньяху планирует провести ряд телефонных разговоров с мировыми лидерами, включая президента России Владимира Путина, на фоне эскалации с Ираном, сообщила канцелярия премьера.