2022-12-27 09:02
Информагентства
Գեղամ Ստեփանյան․ Ադրբեջանը ճանապարհը փակ է պահելու այնքան, որքան կարողանա (ՏԵՍԱՆՅՈՒԹ)
Արցախի ժողովուրդը 14 օր շրջափակման մեջ լինելով՝ չի փոխել և չի փոխելու իր դիրքորոշումը. իր որոշումը վերջնական է, որ որևէ կարգավիճակով Ադրբեջանի կազմում Արցախը երբեք չի լինելու։ Այս մասին այսօր՝ դեկտեմբերի 26-ին, Ազնավուրի հրապարակում լրագրողների հետ զրույցում ասաց ԱՀ ՄԻՊ Գեղամ Ստեփանյանը՝ անդրադառնալով Ստեփանակերտում տեղի ունեցած հանրահավաքին։
«Սա ամենակարևոր ուղերձն էր, որ հղվել է միջազգային հանրությանը։ Ի ուրախություն մեզ՝ պետք է նշեմ, որ միջազգային մեդիաներ ինչ-որ չափով անդրադարձել են այս հարցին։ Կարծում եմ՝ տարբեր երկրներում որոշում կայացնողներին ի գիտություն է գնացել այդ ուղերձները, որոնք հղվել են Ստեփանակերտից։ Ուժեղ ուղերձ էր, որ որևէ ձևով մեզ վրա ճնշում գործադրելով մեր կամքը չեք ընկճի, մեր որոշումը չեք փոխի, ցանկացած պարագայում Արցախում ապրողը հայը պնդելու է, որ Ադրբեջանի կազմում ինքը չի լինելու»,- ընդգծեց ԱՀ ՄԻՊ-ը։
Ստեփանյանի խոսքով՝ Ադրբեջանը ճանապարհը փակ է պահելու այնքան, որքան կարողանա. «Այսինքն՝ այդ ճնշումը մշտապես գործադրելու է արցախցիների նկատմամբ։ Ես չեմ բացառում, որ թեկուզ վաղը բացելու պարագայում 10 օր հետո նորից չի փակելու Ադրբեջանը, որովհետև հանցավոր որևէ արարք Ադրբեջանի կողմից ես չեմ բացառում»։
Գեղամ Ստեփանյանի կարծիքով՝ միջազգային հանրությունը պետք է Ադրբեջանի նկատմամբ պատժիչ միջոցներ կիրառի. «Այլապես մենք տեսնում ենք, որ Ադրբեջանն անպատժելիության մթնոլորտում է աշխատում»։
Հիշեցնենք, որ արդեն երկու շաբաթ է Արցախը կտրված է աշխարհից ու Հայաստանից։ Մոտ 120 հազար արցախցի մնացել է շրջափակման մեջ։ Ավելի քան 1100 մարդ, որից 270-ը անչափահաս, չի կարողանում վերադառնալ սեփական տները։ Ճանապարհի՝ փակ լինելու պատճառով Արցախում հումանիտար ճգնաժամի ռիսկն օրեցօր մեծանում է։ Ամեն օր Հայաստանից 400 տոննա սննդամթերք ու դեղորայք հնարավոր չի լինում հասցնել Արցախ։
News.am
ПОСЛЕДНИЕ ОТ АВТОРА
-
New2025-07-18 15:56Армения может выйти из Организации Договора о коллективной безопасности (ОДКБ) в феврале 2026 года, сообщает онлайн-ресурс hraparak.am, ссылаясь на свои источники.
-
New2025-07-18 15:53Перспективы разблокирования транспортных коммуникаций в регионе обсудили вице-премьер Армении Мгер Григорян и посол Ирана Мехди Собхани.
-
New2025-07-18 15:50«Правящая партия «Грузинская мечта», будучи «политической командой, подотчетной грузинскому народу и ответственной за мир и стабильность», выступила с заявлением, где в очередной раз «подробно разъяснила общественности скрытые и не видимые на поверхности политические мотивы враждебной кампании против Грузии», - говорится в заявлении партии, которое зачитал премьер-министр Ираклий Кобахидзе.
-
New2025-07-18 15:47Первый вице-премьер правительства Азербайджана Ягуб Эюбов не приедет в Москву на заседание Экономического совета Содружества независимых государств (СНГ). Об этом изданию Trend сообщил осведомленный источник.