2023-01-11 11:28
Информагентства
Մոսկվան վաղուց չի հավատում Փաշինյանին, անկախ այն բանից, որ նրան օգտագործել է․ Աշոտյան
Մոսկվան վաղուց չի հավատում Փաշինյանին, անկախ այն բանից, որ ՌԴ-ն Փաշինյանին օգտագործել է եւ, հնարավոր է, դեռ օգտագործում է, բայց դա չի նշանակում, որ փոխգործակցությունը բարձր մակարդակի վրա է։ Այս մասին հունվարի 10-ին Facebook-ի իր էջի ուղիղ եթերում ասաց Հայաստանի Հանրապետական կուսակցության փոխնախագահ Արմեն Աշոտյանը։
«Նոյեմբերի 9-ի հայտարարության վեցերորդ կետի վերաբերյալ Հայաստանը գործառույթներ չունի։ Բայց այդ դեպքում ինչու Հայաստանի ԱԳՆ ղեկավարը չմեկնեց Ռուսաստան ու այդ մասին չասաց Մոսկվային ու Բաքվին։ Սա՞ է բարձր մակարդակի հարաբերությունները»,- տարակուսում է նա:
Աշոտյանը վստահ է, որ Ռուսաստանի ռազմական ներկայությունից սպառնալիքի մասին Փաշինյանի հայտարարությունը տեղավորվում է Փաշինյանին իշխանության բերելու, Արցախի հայաթափման գործընթացի տրամաբանության մեջ։ Այս ամենը աշխարհաքաղաքական վերադասավորումների մեթոդներ են։ «Փաշինյանն իսկապե՞ս կարծում է, որ արեւմտյան երկրների հետախուզական ծառայությունները գիտեն, որ Ռուսաստանն ու Հայաստանը Երեւանի ներկայիս իշխանությունների օրոք համատեղ ծրագրում են ինչ-որ ռազմական գործողություններ Ադրբեջանի դեմ։ ՀԱՊԿ-ն այս փուլում լավագույն ռազմաքաղաքական կոալիցիան չէ, դարձյալ ներկայիս իշխանությունների պայմաններում։ Մեկ օրինակ՝ 2016 թվականին նույն ՀԱՊԿ-ը հայտարարություն է ընդունել՝ ելնելով Արցախի շահերից»,- ընդգծեց ՀՀԿ փոխնախագահը։ 44-օրյա պատերազմը քառօրյա ապրիլյան պատերազմով հիմնավորելու Փաշինյանի փորձը նա անընդունելի համարեց։ «2016-ին 400 հա՝ 2020-ի 10 000 քկմ-ի դիմաց։ Բացի այդ, քառօրյա պատերազմի հետեւանքով Հայաստանը հասավ դիվանագիտական հաղթանակի, որը Նիկոլը վաճառեց Դուշանբեում։ Իշխանության գալուց հետո Փաշինյանը սկսեց զինվորական պաշտոններում նշանակել բացառապես լոյալ կադրեր, վարկաբեկեց բանակը, գնեց խաղալիք ինքնաթիռներ։ Փաշինյանն ասում է, որ 1999 թվականից Հայաստանի զինված ուժերում բարեփոխումներ չեն իրականացվել, թեեւ ինքն էլ գիտի, թե այս ընթացքում ինչքան բան է արվել։ Իսկ ինչո՞ւ էր Տավուշի դեպքերի ժամանակ պարծենում այս մարտունակ բանակով»,- ասաց Աշոտյանը։
Ինչ վերաբերում է Արեւմուտքի հետ հարաբերություններին, ապա Հայաստանում ԵՄ գրասենյակը, նրա խոսքերով, թաքցնում է պաշտոնական Երեւանի անգրագիտությունն ու անգործությունը SEPA-ի վերաբերյալ, որտեղ գրված է, որ Ղարաբաղի խնդրի կարգավորման հիմքում ընկած է ժողովրդի ինքնորոշման իրավունքը։ ԵՄ-ի եւ Հայաստանի միջեւ առանց վիզայի ռեժիմի հարցում որեւէ առաջընթաց չկա։
News.am
ПОСЛЕДНИЕ ОТ АВТОРА
-
New2025-07-16 05:09В первую очередь мы должны констатировать, что Азербайджану удалось создать международный консенсус по так называемому «Зангезурскому коридору». Об этом в беседе с Новости Армении – NEWS.am заявил научный сотрудник исследовательского центра «АПРИ Армения» востоковед Сергей МЕЛКОНЯН.
-
New2025-07-16 05:00Политическая сила бизнесмена Самвела Карапетяна может мобилизовать ту часть общества, которая разочарована как в действующей власти, так и в оппозиции. Об этом заявил в интервью Sputnik Армения политтехнолог Виген АКОПЯН.
-
2025-07-15 19:36Магазины Армении с 1 августа должны будут делать уточнения к цене, пересчитывая ее на килограммы или литры. Об этом заявил Sputnik Армения член Комиссии по конкуренции Армении Тигран Маркосян, комментируя изменения в законе "Об экономической конкуренции", которые вступают в силу с 1 августа.
-
2025-07-15 19:33Верховная Рада продлила на три месяца – до 5 ноября 2025 года – военное положение и мобилизацию в Украине.