2023-01-19 12:08
Информагентства
Քյարամյանը մանրամասներ հայտնեց զորամասում բռնկված հրդեհի առնչությամբ
ՀՀ ՊՆ զորամասերից մեկի ինժիներասակրավորային վաշտերից մեկում բռնկված հրդեհի առնչությամբ կա նախնական վարկած, որ հրդեհը տեղի է ունեցել ջեռուցման հետ կապված հարցում անվտանգության կանոների խախտման պատճառով։ Կառավարության նիստի մեկնարկից առաջ այս մասին ասաց ՀՀ ՔԿ ղեկավար Արգիշտի Քյարամյանը։
«Այս պահի դրությամբ` այդ վարկածը բավականին հիմնավորվել է»,–ասաց նա։
Քյարամյանի խոսքով` դեպքի առթիվ վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասով` շրջապատի համար վտանգ ներկայացնող նյութերի հետ վարվելու կանոնների խախտում, որն անզգուշությամբ առաջացրել է 2 և ավելի անձի մահ։
ՔԿ նախագահը հայտնեց, որ դեպքի վայրում են քննչական խմբի անդամները, որոնք ողջ գիշեր աշխատել են, ներգրավվել են փորձագետներ։
ՀՀ վարչապետ Նիկոլ Փաշինյանը հայտնեց, որ ՆԳՆ հրշեջ ծառայությունը պատշաճ ժամանակում հասել է, թեև հեռավորությունն, իհարկե, բավականին մեծ է եղել։
Հիշեցնենք` դեպքի մասին այսօր հայտնել էր ՀՀ ՊՆ–ն։
Նշվում էր, որ հունվարի 19-ին՝ ժամը 01:30-ի սահմաններում, դեռևս չպարզված հանգամանքներում հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում։
Հաղորդվել էր, որ չնայած դեպքի վայրում ծավալվել են հրդեհաշիջման աշխատանքներ, հրդեհի հետևանքով կա 15 զոհ և 3 վիրավոր։
Դեպքի առնչությամբ արդեն պաշտոնանկություններ են եղել։
Sputnik Արմենիա
ПОСЛЕДНИЕ ОТ АВТОРА
-
New2025-05-24 14:02Вооруженные силы России нанесли групповой удар высокоточным оружием по предприятию ВПК Украины, сообщает Минобороны РФ.
-
New2025-05-24 13:56«Я сейчас очень боюсь, что внеочередными или даже очередными выборами в Национальное Собрание в 2026 года Пашинян и стоящие за ним силы заставят народ легитимизировать так называемый мирный договор», – заявил политолог, руководитель аналитического центра «Восканапат» Грант Мелик-Шахназарян в эфире программы «Есть вопросы» на Aysor.am.
-
New2025-05-24 12:49Секретарь Совета безопасности Республики Армения Армен Григорян не примет участия в XIII Международной встрече ответственных высоких представителей по вопросам безопасности, которая 27-29 мая пройдет в столице Российской Федерации Москве.
-
New2025-05-24 12:47Министр иностранных дел Венгрии Петер Сийярто будет в Армении находиться с рабочим визитом 27 мая, сообщает пресс-служба армянского внешнеполитического ведомства.