2023-01-20 09:34
Информагентства
Դավոսի համաժողովն առանց ՀՀ–ի
Դավոսի Համաշխարհային տնտեսական համաժողովում Հայաստանի բացակայության թեման քննարկման առարկա է դարձել Ադրբեջանի նախագահ Իլհամ Ալիևի և Վրաստանի վարչապետ Իրակլի Ղարիբաշվիլիի մասնակցությամբ պանելային քննարկումներից մեկի ժամանակ։
Մասնավորապես պատասխանելով Հարավային Կովկասում կայունության և անվտանգության մասին հարցին` Ղարիբաշվիլին կրկին անդրադարձել է Հայաստանի և Ադրբեջանի հարաբերությունների կարգավորման հարցում Վրաստանի միջնորդական դերին` նշելով իրենց անշահախնդրությունն ու չեզոքությունն այդ հարաբերություններում։
Նա նաև անդրադարձել է Թբիլիսիում Վրաստանի և Հայաստանի առաջնորդների մասնակցությամբ եռակողմ հանդիպում անցկացնելու վերաբերյալ Ադրբեջանի նախագահ Իլհամ Ալիևի ակնարկին։
«Մեր շահերից է բխում, որ կայանա առաջնորդների (Փաշինյանի, Ալիևի, Ղարիբաշվիլիի. խմբ.) եռակողմ հանդիպումը, քանի որ այս տարածաշրջանը պատկանում է Հայաստանին, Ադրբեջանին և Վրաստանին», – ասել է Ղարիբաշվիլին։
Վրաստանի վարչապետի խոսքով` միայն համատեղ ջանքերով է հնարավոր Հարավային Կովկասը դարձնել հնարավորությունների, խաղաղության և բարիդրացիության տարածաշրջան։
Վրաստանի վարչապետի ելույթից առաջ Ադրբեջանի առաջնորդը մեղադրանքներ է հնչեցրել Հայաստանի հասցեին։ Պատասխանելով հայ–ադրբեջանական կարգավորման մասին հարցին` Ալիևը հայտարարել է, որ գործընթացը անապատի մեջտեղում է մնացել։ Նրա խոսքով` Հայաստանը չի պատասխանել խաղաղության համաձայնագրի վերաբերյալ Ադրբեջանի առաջարկներին։
Ինչ վերաբերում է Դավոսի համաժողովում Երևանի բացակայությանը, Ալիևն այդ փաստը կապել է Վրաստանի մասնակցությամբ եռակողմ ձևաչափով հանդիպումից Երևանի հրաժարվելու հետ, հանդիպում, որի շրջանակում կարող էր տեղի ունենալ առաջնորդների հանդիպումը։
Նա նաև շնորհակալություն է հայտնել Ղարիբաշվիլիին Հայաստանի և Ադրբեջանի արտգործնախարարների հանդիպումը կազմակերպելու համար։
«Մենք առաջարկել էին Թբիլիսիում առաջնորդների հանդիպում անցկացնել, քանի որ պատմականորեն առաջնորդները հանդիպում են Թբիլիսիում։ Սակայն Հայաստանը պատրաստ չէ, և դա պոտենցիալ ռիսկերից մեկն է», – ասել է Ալիևը։
Հարավային Կովկասի անվտանգության գրավականը, ըստ Ալիևի, բոլոր երեք երկրների ջանքերի համախմբումն է։
Հիշեցնենք, որ այս տարի Հայաստանը չի մասնակցում Դավոսի Համաշխարհային տնտեսական համաժողովին։ ՀՀ վարչապետը համաժողովին մասնակցել է միայն 2019 թվականին։ 2022 թվականին Հայաստանը ներկայացնում էր նախագահը։
Համաշխարհային տնտեսական համաժողովի նստաշրջանը կորոնավիրուսի համավարակի պատճառով երկու տարվա ընդմիջումից հետո երկուշաբթի բացվել է շվեյցարական լեռնադահուկային հանգստավայրերից մեկում։ Համաժողովին մասնակցում են պետությունների և կառավարությունների ավելի քան 50 ղեկավարներ, կենտրոնական բանկերի 19 ղեկավարներ, առևտրի 30 նախարարներ և 35 արտգործնախարարներ, ինչպես նաև ՄԱԿ–ի, Արժույթի միջազգային հիմնադրամի և Համաշխարհային առևտրային կազմակերպության ղեկավարները։
Նախատեսվում է, որ համաժողովին կմասնակցեն ՄԱԿ–ի գլխավոր քարտուղարը, Եվրահանձնաժողովի ղեկավարները, Իսպանիայի վարչապետը, Լեհաստանի և Լիտվայի նախագահները, ԳԴՀ–ի կանցլերը, Հարավային Կորեայի, Իրաքի, Ադրբեջանի նախագահները, Նիդեռլանդների, Հունաստանի, Վրաստանի, Սերբիայի և Ալբանիայի վարչապետները։
Sputnik Արմենիա
ПОСЛЕДНИЕ ОТ АВТОРА
-
New2025-05-14 06:25Президент Франции Эммануэль Макрон в интервью BFMTV заявил, что Крым, скорее всего, останется российским.
-
New2025-05-14 06:21Сельхозпроизводители стран Евразийского экономического союза (ЕАЭС) в марте этого года по сравнению с аналогичным месяцем прошлого года повысили цены на свою продукцию на 10,5%. Об этом сообщает Евразийская экономическая комиссия (ЕЭК).
-
New2025-05-14 06:16Во время своего выступления в Саудовской Аравии президент США Дональд Трамп сообщил, что госсекретарь Марко Рубио отправится в четверг в Турцию для участия в переговорах между Россией и Украиной, передает NBC News.
-
New2025-05-14 06:15Канцлер Германии Фридрих Мерц во вторник предупредил Россию, что Европейский союз введет против нее более жесткие санкции, если Москва на этой неделе не предпримет никаких шагов для достижения мира на Украине, сообщает DW.