2023-01-23 18:08
Рубен МАРГАРЯН
ԵՐՋԱՆԻԿ ՄԱՐԴԸ՝ ԶՈՒԳԱՀԵՌ ԻՐԱԿԱՆՈՒԹՅՈՒՆԻՑ
Արցախի շրջափակման ընթացքում Ադրբեջանն արդեն չորրորդ անգամ անջատում է չճանաչված հանրապետության գազը։ Մուկնուկատու են խաղում. անջատում են մի քանի օրով, սառեցնում մարդկանց, հետո միջազգային հանրության ճնշման տակ և ռուսական խաղաղապահ զորախմբի հրամանատարության հետ բանակցությունների արդյունքում նորից միացնում՝ ցուցադրելով իրենց «խաղաղասիրական տրամադրվածությունը»։ Վերջին՝ երեկվա անջատումը, պետք է ենթադրել, Ալիևի արձագանքն է Արցախի Պաշտպանության բանակի ապամոնտաժման, ռուս խաղաղապահների անցակետում ադրբեջանցի սահմանապահների ներկայության, կառավարությունում Բաքվի թելադրած կադրային փոփոխությունների իրականացման իր պահանջները կատարելուց Ստեփանակերտի հրաժարմանը։
Այս պայմաններում, երբ Բաքուն շարունակում է ցուցադրաբար անտեսել Արցախի շրջափակումը դադարեցնելու միջազգային հանրության կոչերը, առանձնակի ակներև է դառնում համայն հայության ջանքերի միավորման անհրաժեշտությունը՝ հակառակորդին դիմագրավելու համար, որը մտադիր է էթնիկ զտումներ անցկացնել Արցախում, որպեսզի հետո զբաղվի «Արևմտյան Ադրբեջանը վերադարձնելով», ինչի մասին բաց տեքստով խոսում է Ալիևը։
Արցախը մտադիր չէ հանձնվել, և այս պայմաններում չճանաչված հանրապետության յուրաքանչյուր բնակչի համար կարևոր են իր պայքարին սատարող ոչ միայն գործերը, այլև պարզ խոսքերը։ Անկախ նրանից, թե ումից են բխում դրանք. միջազգային կառույցներից, թե առանձին հայտնի հրապարակային անձանցից, ինչպիսին, օրինակ, թենիսիստ Կարեն Խաչանովն է, որն իր հերթական հաղթանակը կրկին եզրափակեց Արցախին սատարող խոսքերով։
Վերջապես ավելի ակտիվ քայլեր է ձեռնարկում Սփյուռքը։ Այդտեղ դեռ շատ անելիքներ կան, քանի որ Արցախին սատարելու նրա ակցիաների ներուժը շատ ավելի մեծ է, քան այն, ինչ տեսնում ենք այսօր, բայց որոշակի առաջընթաց կա։ Այսօր Ֆրանսիայի նախագահ Էմանուել Մակրոնը հանդիպում կունենա Ֆրանսիայի հայկական կազմակերպությունները համակարգող խորհրդի համանախագահներ Արա Թորանյանի և Մուրադ Փափազյանի հետ: Խոսակցությունը կվերաբերի այն քայլերին, որոնք Փարիզը ձեռնարկում է Լեռնային Ղարաբաղի հակամարտության կարգավորման, Արցախի շրջափակումը դադարեցնելու համար։ Ելիսեյան պալատի մամլո հաղորդագրության համաձայն, «հանրապետության նախագահը կօգտվի այս հնարավորությունից՝ նշելու Ֆրանսիայում հայկական կազմակերպությունների դերը, հիշեցնելու Հայաստանի անվտանգությանն ու կայունությանը իր անսասան կողմնակցության և վերահաստատելու Ֆրանսիայի հանձնառությունը՝ աջակցելու հայ ժողովրդին»:
Ցուցանշական է, որ Մակրոնի զրուցակիցներից մեկը նույն այն Մուրադ Փափազյանն է, որին, ինչպեսև Սփյուռքի և Ռուսաստանի հասարակական-քաղաքական շրջանակների մի շարք այլ ներկայացուցիչներին, արգելված է մուտքը Հայաստան՝ հանրապետության վարչապետի հասցեին քննադատական արտահայտությունների պատճառով։
Զարմանալի բան, իհարկե, առանձնապես չկա։ Վարչապետն ու իր մտերիմներն ապրում են իրենց կյանքով, Հայաստանն ու Արցախը՝ իրենց։ Վարչապետն իր աշխարհընկալումն ունի, ինչպեսև Հայաստանի և Արցախի առջև ծառացած խնդիրների ուրույն ըմբռնումը։ Այսպես, զորանոցում բռնկված հրդեհից ընդամենը երկու օր անց, որի հետևանքով զոհվեց 15 զինծառայող, վարչապետը չգտավ ավելի լավ բան, քան խնջույքի մասնակցել իր ծննդավայրում։ Պարեկային ծառայության նոր ստորաբաժանումների ձևավորմանը նվիրված բանկետի: Ուրախանալ այդ իրադարձության առթիվ, ուտել-խմել... Հուսով ենք, որ ոչ միայն խմել:
Դե, իսկ 15 զինվորի մահվան առնչությամբ Փաշինյանը խորիմաստ հայտարարեց, թե խնդիրները «մակերեսին երևացողներ չեն»։ «Դրանք, եթե կարելի է ասել, ԴՆԹ մակարդակի խնդիրներ են»,- ասաց մեր անհավանական վարչապետը, հավանաբար հասկանալով, որ սա այն դեպքը չէ, երբ կարելի է ողջ մեղքը բարդել «նախկինների» կամ ռուսների վրա։ Այստեղ պետք է ավելի խորը փորել. «ԴՆԹ-ի մակարդակի»։
Երջանիկ մարդ, որն իր համար ապրում է զուգահեռ իրականությանում, մինչ ադրբեջանական հատուկ նշանակության ստորաբաժանումները հերթական զորավարժություններն են անցկացնում՝ ուղղված բնակելի կառուցապատված տարածքում մարտերի նախապատրաստմանը: Եվ, հավանաբար, այդ երջանիկ մարդն իրավունք ունի նման պահվածքի, եթե «անհաշտ ընդդիմության» առաջնորդները, ցուցադրելով իրենց հիասթափությունն ընտրազանգվածից, որոշել են Փաշինյանի քաղաքականության դեմ իրենց բողոքը սահմանափակել սոցիալական ցանցերի շրջանակներով։
ПОСЛЕДНИЕ ОТ АВТОРА
-
2025-07-30 08:58Никол Пашинян ушел в отпуск: с сегодняшнего дня по 15-ое августа… Даже трудно представить, чтобы наш живчик на столько дней оставил все дела. Наверное, попытается использовать отпуск, чтобы снова вернуться к теме проведения в Эчмиадзине митинга с требованием отставки Католикоса. К теме организации такого митинга в качестве не премьера, а «рядового прихожанина» …
-
2025-07-29 10:40Хокку Жаркий вечер. О грустной доле Заплакал летний фонтан. То, что ему будут вставлять палки в колеса, мэр Гюмри Вардан Гукасян наверняка ожидал. То, что методы будут разные, предполагал. То, что, по его же словам, нет судебной инстанции, где бы не рассматривалось то или иное связанное с ним дело, его не особо удивляет. Как и то, что под разными предлогами замораживают счета Гукасяна, чтобы не дать возможности оплачивать кредиты: понятно. Но вряд ли предполагал, что его обвинят в репертуаре поющих фонтанов Гюмри.
-
2025-07-29 09:39Наверное, Никол Пашинян считает себя дальновидным политиком. Наверное, искренне желает сделать Армению конкурентной в регионе, а потому стремится быть гибким на внешнеполитической арене, не боится «разрывать шаблоны», как учил армянского премьера еще Джон Болтон. Политику на «разрыв шаблонов» премьер аргументирует своим прошедшим опытом. Дескать, анализ поражений привел его к единственно возможному выводу о смене внешнеполитических приоритетов. Ну не он же виноват, в самом деле? Исключительно – неправильные приоритеты. Какой-то «чужой» Арарат, когда есть свой Арагац…
-
2025-07-29 09:27Участию Пашиняна в Международной экологической конференции на Алтае в официальных СМИ уделено мало места. Оно и понятно, на поверхности визит не примечателен. Но это на поверхности. О роли поездки Пашиняна на Алтай в принятом Ереваном решения отказать американцам в аренде коридора через Сюник говорили. Но визит примечателен и в контексте российско-армянских отношений в целом.