2023-01-24 17:46
Информагентства
ԵԱՀԿ ԽՎ հատուկ ներկայացուցիչը կոչ է անում վերսկսել երկխոսությունը
Հարավային Կովկասում ԵԱՀԿ ԽՎ հատուկ ներկայացուցիչ Պերե Խուան Պոնսը մտահոգություն է հայտնել Լաչինի միջանցքի շրջափակման հումանիտար հետևանքների վերաբերյալ և կոչ է արել վերսկսել Հայաստանի և Ադրբեջանի միջև կառուցողական երկխոսությունը։
«Ես ուշադիր հետևում եմ Լաչինի միջանցքի շուրջ զարգացումների մասին լուրերին և շատ մտահոգված եմ, թե ինչպես են այդ իրադարձություններն ազդում տեղացի բնակիչների առօրյա կյանքի վրա, քանի որ մի քանի շաբաթ սահմանափակված է առաջին անհրաժեշտության ապրանքների և ծառայությունների հասանելիությունը: Բարձր գնահատելով մասնավորապես ԿԽՄԿ-ի՝ Լաչին տանող ճանապարհին շարունակվող բողոքի ակցիայի հետևանքները մեղմելու ջանքերը, ես կոչ եմ անում բոլոր կողմերին ակտիվացնել իրենց ջանքերը՝ իրավիճակի շուտափույթ կարգավորման համար»,- ասել է նա։
Փոխնախագահը միացել է նաև ԵԱՀԿ գործող նախագահ Բույար Օսմանիի կոչին, որը բոլոր կողմերին կոչ է արել թուլացնել լարվածությունը և սկսել կառուցողական և արդյունավետ երկխոսություն՝ ուղղված Հայաստանի և Ադրբեջանի միջև հարաբերությունների բարելավմանն ու վստահության ամրապնդմանը։
Փոխնախագահի խոսքով՝ «որքան երկար է այս վեճը մնում չլուծված, այնքան ավելի բացասաբար է ազդում ոչ միայն փխրուն խաղաղ գործընթացի վրա, այլև խաթարում է տարածաշրջանում ապագա խաղաղ գոյակցության հիմքերը»:
Հատուկ ներկայացուցիչը հիշեցրել է, որ ԵԱՀԿ-ն ունի ներկայիս ճգնաժամը հաղթահարելու գործիքներ, սակայն կողմերից է կախված, թե որքանով դրանք ամբողջությամբ կօգտագործվեն, ինչպես նաև այլ երկրների կառավարություններից և խորհրդարաններից, որպեսզի անկանխակալ սատարեն այս գործընթացին և ապահովեն Հելսինկյան եզրափակիչ ակտի սկզբունքների վրա հիմնված կառուցողական բանակցությունների առաջմղումը։
ԵԱՀԿ Խորհրդարանական վեհաժողովը պատրաստ է աջակցել այս գործընթացին ամենուր, որտեղ դա անհրաժեշտ է և օգտակար է համարվում, ընդգծել է Պոնսը։
News.am
ПОСЛЕДНИЕ ОТ АВТОРА
-
2025-06-28 17:24Первопрестольный Эчмиадзин строго осуждает решение суда об аресте предстоятеля Ширакской епархии Армянской Апостольской церкви архиепископа Микаэла Аджапахяна. Об этом говорится в заявлении Первопрестольного Эчмиадзина.
-
2025-06-28 17:15Учитывая происходящее, можно четко заявить, что Армения – авторитарное государство. Об этом заявил бывший министр иностранных дел Армении Вардан Осканян. По его словам, власти игнорируют Конституцию и законы. Он выразил уверенность, что все это упирается в проблему Арцаха.
-
2025-06-28 17:14Если бы блицкриг против Ирана удался, очевидно, что была попытка Азербайджана и Турции прорвать так называемой Зангезурский коридор, поэтому они и проводили учения в Нахиджеване. Об этом в гостях у Новости Армении – NEWS.am на передаче «Фактор силы» заявила востоковед, специалист по Ирану Карине Геворкян.
-
2025-06-28 15:37Facebook заблокировал пост Никола Пашиняна некорректного содержания о Католикосе всех армян и других священнослужителях.