2023-01-26 13:15
Информагентства
Ջերմուկում հանգստացողների թիվը 3 անգամ նվազել է. կառավարությունը կփոխհատուցի ծախսերը
2022 թվականի սեպտեմբերին Ջերմուկի ուղղությամբ Ադրբեջանի իրականացրած ագրեսիայի հետևանքով տուժած հանգստարանային քաղաքն առայսօր չի կարողանում վերադառնալ կյանքի բնականոն հուն։
Կառավարության ուսումնասիրության համաձայն` հատկապես տուժել է զբոսաշրջային բիզնեսը` հյուրանոցներն ու հյուրատները։
Այս ոլորտի տնտեսվարողներին աջակցելու համար կառավարությոսւնը որոշել է փոխհատուցել Ջերմուկի շուրջ 20 հյուրանոցների ու հյուրատների գազի ու էլեկտրաէներգիայի ծախսը` 50 մլն դրամի շրջանակում։
Նախագծի հեղինակ Էկոնոմիկայի նախարարությունը հիշեցնում է, որ ռազմական հարձակման հհետևանքվ Ջերմուկի հյուրանոցները 2 ամիս ընդհանրապես դադարեցրել էին աշխատանքը։ Այսօր էլ անվտանգային պատճառներից ելնելով՝ Ջերմուկը զբոսաշրջիկների համար շարունակում է մնալ ոչ գրավիչ։ Պետական եկամուտների կոմիտեի կողմից տրամադրած տեղեկատվության համաձայն՝ մոտ 3 անգամ նվազել է Ջերմուկ համայնքում հյուրանոցային, հյուրատնային գործունեություն իրականացնող տնտեսվարողների շրջանառությունը՝ 670 մլն դրամից դառնալով 294 մլն դրամ։
Հանգստացողներին գրավելու համար հյոուրանոցների և հյուրատների մեծ մասը 2 անգամ նվազեցրել է նախկինում գործող ծառայությունների արժեքը։ Ինքնարժեքի նվազեցմանն ուղղված քայլերի հետևանքով հաճախ տուժում է ծառայությունների որակը։
Այս իրավիճակում անհրաժեշտություն է առաջացել որոշակի չափով նվազեցնել նշված կազմակերպությունների ֆինանսական բեռը` նպաստելով մատուցվող ծառայությունների որակի պահպանմանը։
Sputnik Արմենիա
ПОСЛЕДНИЕ ОТ АВТОРА
-
2025-07-25 19:46Грузия в двенадцатый раз принимает многонациональные военные учения Agile Spirit. Официальное открытие учений состоялось в Совместном учебно-оценочном центре НАТО–Грузия в Крцаниси.
-
2025-07-25 19:45Внешнеторговый оборот Армении в январе-июне 2025 года сократился на 45% по сравнению с аналогичным периодом предыдущего года, составив 9 млрд 668 млн долларов США.
-
2025-07-25 19:42На территории автовокзала Аштарака состоялась акция протеста. Жители города жалуются на компанию «Мульти транспорт», говорят о плохой работе транспорта и росте цен за проезд.
-
2025-07-25 19:40Сотрудники МВД Армении усилят дежурство в день праздника Вардавар, который будет отмечаться 27 июля. Об этом сообщили в пресс-службе полиции.