2023-01-28 09:48
Информагентства
Ստեփանակերտում դիմավորել են Երևանից Կարմիր խաչի միջնորդությամբ վերադարձած 15 երեխաներին
Ստեփանակերտում, «Մենք ենք, մեր սարերը» հուշակոթողի տարածքում, հունվարի 27-ին դիմավորել են Երևանից Կարմիր խաչի միջնորդությամբ և ուղեկցությամբ վերադարձած 15 երեխաներին և նրանց ուղեկցող մանկավարժներին, ովքեր Արցախի շրջափակման հետևանքով շուրջ 47 օր բաժանված էին ընտանիքներից:
«Արմենպրես»-ի թղթակցի հաղորդմամբ՝ տուն վերադարձած երեխաները Ստեփանակերտի մանկապատանեկան ստեղծագործական կենտրոնի երգչախմբի սաներն են, որոնք մինչև Ադրբեջանի կողմից Արցախի շրջափակումը մեկնել էին Երևան՝ «Մանկական Եվրատեսիլ-2022» երգի մրցույթին ներկա գտնվելու համար:
«Երեխաների վերադարձի լուրն առնելուն պես՝ երեկվանից, ամեն րոպեն տարի է թվացել, ամեն րոպեն՝ 47 օրից ավելի երկար»,- մեզ հետ զրույցում ասաց վերադարձած երեխաներից Մովսեսի մայրը՝ Արցախի Հանրապետության Ազգային ժողովի պատգամավոր Մետաքսե Հակոբյանը:
Նրա բնորոշմամբ՝ այս ընթացքում զգացողությունները հակասական էին. հոգում պայքարում էին մայրն ու քաղաքական գործիչը:
«Գիտակցում էի, որ իմ որդին ևս պետք է պայքարի մասնակից լինի և ես պետք է զգացմունքներս շատ հեռու պահեմ»,-հավելեց նա՝ նշելով, որ, այդուհանդերձ, 47-օր սպասումով են ապրել ու կարոտով:
Պատմում է, որ որդին հաստատակամ էր՝ դիմանալու ամեն դժվարության, բայց միայն ընտանիքի հետ և Ստեփանակերտում:
Տուն վերադարձած երեխաներից Արմինե Գասպարյանի համար էլ այս օրերի սպասումներն ու տունդարձը կրկնակի խորհուրդ ունեն. ընտանիքը սպասում է նրա քույրիկի ծննդյանը: «Մտահոգվում էի մայրիկի համար, և, որ կծնվի քույրս, իսկ ես դեռ տնից և ընտանիքից հեռու կլինեմ: Հյուրանոցում էինք, երբ տղաները եկան ու ասացին, որ վաղն առավոտյան ճանապարհվում ենք տուն»,- ասաց Արմինեն: Նրան դիմավորելու էին եկել նաև դասընկերները.«Մեր 2 դասընկեր էին մնացել Հայաստանում: Նրանցից Արմինեն վերադարձավ, իսկ այժմ սպասում ենք Սուսաննային»:
Ստեփանակերտի մանկապատանեկան ստեղծագործական կենտրոնի սաներին դիմավորելու էր եկել նաև Արցախի Հանրապետության կրթության, գիտության, մշակույթի և սպորտի նախարար Հասմիկ Մինասյանը:
ПОСЛЕДНИЕ ОТ АВТОРА
-
New2025-05-24 05:47В Ереване рабочий погиб, упав с 12 этажа строящегося здания, сообщает сайт криминальной хроники Shamshyan.com.
-
New2025-05-24 05:43Сын бывшего мэра Гюмри Самвела Баласаняна, Хачатур Баласанян, ответил на заявление Вардана Гукасяна о Черной крепости.
-
New2025-05-24 05:37В Баку прошло еще одно заседание в рамках «суда» против удерживаемых в Азербайджане армянских пленных. Как сообщили местные СМИ, бывший президент Арцаха Араик Арутюнян, отвечая на вопросы в ходе заседания, сообщил о своем участии во встрече руководства Арцаха с властями Армении в июне 2020 года.
-
New2025-05-24 05:33Армения и Азербайджан взаимно поддержали проведение саммитов Европейского политического сообщества (ЕПС) в двух странах, сообщил премьер-министр Армении Никол Пашинян.