2023-01-30 16:11
Информагентства
Լոուրենս Մարտին․ Առանց Միջազգային դատարանի գործողությունների ԼՂ-ի հայերի կյանքը վտանգված է
Առանց Միջազգային դատարանի անհապաղ գործողությունների Ղարաբաղի հայերի կյանքը վտանգված է։ Այս մասին հունվարի 30-ին նիստի ժամանակ հայտարարեց Հայաստանի հայցը ներկայացնող փաստաբաններից Լոուրենս Մարտինը։
«Լեռնային Ղարաբաղի հայերի էթնիկ բնակչությունը գրեթե ամբողջությամբ կտրված է արտաքին աշխարհից և զրկված է սննդի, դեղորայքի և կենսական անհրաժեշտության այլ իրերի հասանելիությունից:
Առանց դատարանի անհապաղ գործողությունների՝ նրանց կյանքին վտանգ է սպառնում։
2020 թվականի 44-օրյա պատերազմի ընթացքում Ադրբեջանի կողմից գրավված տարածքներից բռնի տեղահանվել են տասնյակ հազարավոր հայեր, ոչ ոք չի կարողացել վերադառնալ իր տուն»,- նշում է Լոուրենսը։
Նրա խոսքով, սակայն, Ադրբեջանն «անում է հնարավոր ամեն ինչ տարածաշրջանում մնացած էթնիկ հայերի կյանքն անտանելի դարձնելու համար»։
«Նրանք հարձակվել են հայկական գյուղերի վրա՝ խախտելով հրադադարի պայմանագիրը։ Նրանք բռնի կերպով տեղահանել են բնակիչներին (գրավյալ տարածքներից-խմբ.), բազմիցս արգելափակել են գազի, բջջային կապի և ինտերնետի հասանելիությունը»,- հավելեց նա։
Ղարաբաղում մնացել է մոտ 120 հազար էթնիկ հայ։
«Հայաստանի և արտաքին աշխարհի հետ նրանք կապված են միակ միջանցքով՝ Լաչինի միջանցքով, որն այժմ փակ է»,- պարզաբանեց փաստաբանը՝ հավելելով, որ այդ ուղղությամբ թռիչքներ նույնպես չեն իրականացվում, քանի որ «Ադրբեջանը սպառնում է խոցել ցանկացած ինքնաթիռ»։
News.am
ПОСЛЕДНИЕ ОТ АВТОРА
-
New2025-07-26 09:26Армянский стартап Denovo Sciences в сентябре начнет проект с Корнеллским университетом в США. Об этом заявил Sputnik Армения директор по интеграции экосистем венчурного фонда Alchemist Doha Маджед Лабабиди на полях инновационного форума Sevan Startup Summit 2025.
-
New2025-07-26 09:25Число компаний-экспортеров цветов в Россию из Армении увеличилось до 14, сообщает Инспекционный орган по безопасности пищевых продуктов Армении.
-
New2025-07-26 09:23Россия запросила заседание Совета Безопасности ООН по Украине на 31 июля. Об этом сообщил первый зампостпреда РФ при ООН Дмитрий Полянский.
-
New2025-07-26 09:21Дилер мобильной техники Mobile Centre Art возглавил список крупнейших налогоплательщиков Армении по итогам второго квартала 2025 года, сообщает Комитет госдоходов Армении.