Սուրեն ՍԱՐԳՍՅԱՆ․ ԱՄՆ-Ն ՇԱՐՈՒՆԱԿԵԼՈՒ Է ԻՐ ԳԻԾԸ` 1 ՏԵՂԻՑ ԿԱՌԱՎԱՐԵԼՈՎ ԿՈՎԿԱՍՅԱՆ ԱՄԲՈՂՋ ՊՈՐՏՖԵԼԸ
ԱՄՆ–ն շարունակելու է իր քաղաքական գիծը, այսինքն` նույն կենտրոնից է կառավարելու կովկասյան ամբողջ պորտֆելը` ներառելով հայ–ադրբեջանական հարաբերությունների կարգավորման գործընթացը, ինչպես նաև Վրաստանի խնդիրը։ Sputnik Արմենիայի հետ զրույցում այս տեսակետը հայտնեց Ամերիկյան հետազոտությունների հայկական կենտրոնի տնօրեն, քաղաքագետ Սուրեն Սարգսյանը։
ԱՄՆ Պետքարտուղարությունը փետրվարի 2-ին հայտարարել է, որ Կովկասում բանակցությունների հարցով ԱՄՆ պետքարտուղար Էնթոնի Բլինկենի նոր ավագ խորհրդական Լուիս Բոնոն ներկայացնելու է ԱՄՆ-ն ԵԱՀԿ Մինսկի խմբի համանախագահության ձևաչափում, ինչպես իր նախորդները։
«Թեև ԵԱՀԿ–ում դեռ չկա միասնական որոշում Մինսկի խմբի հետագա համատեղ գործունեության վերաբերյալ, բայց դա չի նշանակում, որ համանախագահությունը գոյություն չունի։ Ռուս–ուկրաինական հակամարտության պատճառով ԱՄՆ–ի ու ՌԴ–ի հարաբերությունները սրվել են, հետևաբար նման պայմաններում Մինսկի խմբի համանախագահությունը չի կարող արդյունավետ գործել։ Այդուհանդերձ, միայն Մինսկի խումբն ունի ղարաբաղյան կոնֆլիկտի կարգավորմամբ զբաղվելու մանդատ»,– նշեց Սարգսյանը։
Նրա դիտարկմամբ` բանակցությունների ակտիվացման առումով շատ բան կախված է նաև Հայաստանի դիրքորոշումից։ ՀՀ ղեկավարությունը պետք է հասկանա, թե ինչ է ուզում, ինչի է ունակ և հաշվի առնի Հայաստանի կենսական շահերը։ Ըստ Սարգսյանի` դեռ պարզ չէ՝ ՀՀ իշխանությունը պատրա՞ստ է սպասարկել այդ շահերը ստեղծված իրավիճակում։ Միացյալ Նահանգներին անհրաժեշտ է հայ–ադրբեջանական հարաբերությունների և արցախյան հիմնախնդրի կարգավորում, իսկ թե ինչպիսին կլինի հարցի լուծումը, կախված է կողմերի ցանկություններից ու կարողություններից։
«ԱՄՆ–ի նախորդ ներկայացուցիչը նշանակվել էր հենց Մինսկի խմբի համանախագահ ու թեև զբաղվում էր նաև ուկրաինական խնդրով, սակայն հիմա նույն մոտեցումը չի պահպանվել։ Ե՛վ Ռիկերը, և՛ Բոնոն պրոֆեսիոնալ կադրեր են։ ԱՄՆ–ն միշտ էլ կադրային դիվանագետներ է նշանակում մեր տարածաշրջանի երկրների խնդիրներով զբաղվելու համար, այսինքն` տվյալ նշանակումները քաղաքական չեն»,– պարզաբանեց մեր զրուցակիցը։
Քաղաքագետի կարծիքով` գերտերություններն առհասարակ ուշադրություն են դարձնում դիվանագիտական աշխատանքի բոլոր ուղղությունների վրա։ Այլ հարց է, որ Վաշինգտոնում գուցե Հարավային Կովկասը չունի կենսական այն նշանակությունը, ինչպես Մերձավոր Արևելքը կամ Կենտրոնական Ասիան, բայցևայնպես անկարևոր ուղղություններ չկան։
Հիշեցնենք, որ նախկինում Լուիս Բոնոն եղել է ՄԱԳԱՏԷ-ում և ՄԱԿ-ի կազմակերպություններում ԱՄՆ ներկայացուցչի պաշտոնակատար Վիեննայում, ինչպես նաև զբաղեցրել է ԱՄՆ պետքարտուղարի առաջին տեղակալի խորհրդականի և պետքարտուղարի տնտեսական ու գործարար հարցերով տեղակալի պաշտոնը:
ПОСЛЕДНИЕ ОТ АВТОРА
-
2024-05-24 19:58
Суд опубликовал приговор по делу Нарине Асатрян, которая 10 апреля прошлого года бросила зонт в премьер-министра Армении Никола Пашиняна в селе Малишка. Женщина была признана виновной в совершении преступления, предусмотренного статьями 44-452 УК Армении, и приговорена к 2 годам лишения свободы условно.
-
2024-05-24 19:55
В Котайкской области 24 мая создалась чрезвычайная ситуация. Как сообщает фотожурналист Гагик Шамшян, мужчина, вооруженный гранатой или гранатами, вошел в здание «Ардшинбанка», расположенное на улице 23 Августа в городе Абовян, и угрожает его взорвать.
-
2024-05-24 19:52
В МИД Армении не стали комментировать решение Москвы вызвать для консультаций посла России в Республике Армения Сергея Копыркина.
-
2024-05-24 19:51
Уголовное производство, возбужденное по факту похищения бывшего члена фракции "Мать Армения" Нарине Айрапетян (более известной как Наре Сосе), прекращено. Об этом сообщает пресс-служба Следственного комитета Армении.