2023-02-03 17:42
Информагентства
«Ձեր կեղտոտ ձեռքերը հեռո՛ւ պահեք Թուրքիայից». Սոյլուն` ԱՄՆ դեսպանին
Թուրքիայի ներքին գործերի նախարար Սուլեյման Սոյլուն Անկարայում ԱՄՆ դեսպանին հորդորել է կեղտոտ ձեռքերը հեռու պահել երկրից՝ մեղադրելով նրան հանրության հանգիստը խռովելու մեջ։ Նախարարի խոսքը մեջբերում է ՌԻԱ Նովոստին՝ հղում անելով «Habertürk» հեռուստաալիքին։
«Ամերիկացի դեսպանին ասում եմ՝ գիտեմ, թե որ լրագրողներին եք թելադրում, ձեր կեղտոտ ձեռքերը հեռո՛ւ պահեք Թուրքիայից։ Ես դա շատ պարզ եմ ասում` ձեր կեղտոտ ձեռքերը հեռո՛ւ պահեք Թուրքիայից, շատ լավ գիտեմ՝ ինչ քայլեր եք արել, ինչպես եք ուզում Թուրքիայի հասարակությանն իրար խառնել, հեռացրե՛ք ձեր կեղտոտ ձեռքերը, ձեր դիմակավորված, քթի տակ ծիծաղող դեմքերը»,- ասել է նախարարը։
Թուրքիայի ՆԳՆ ղեկավարը հայտարարել է, որ ԱՄՆ–ի յուրաքանչյուր դեսպան մտածում է, թե ինչպես վնասի Թուրքիային, և դա երկար տարիներ երկրի գլխավոր դժբախտություններից մեկն է։
«Նա (ԱՄՆ դեսպանը. խմբ.) հավաքում է մյուս դեսպաններին և փորձում է նրանց խորհուրդ տալ։ Նրանք նույնն են անում նաև Եվրոպայում, ամերիկյան դեսպանատունը ղեկավարում է Եվրոպային։ Մի՛ անհանգստացեք, եվրոպացիները չեն նեղվի դրանից։ Նրանք մտածում էին, որ կարող են նախագծել Թուրքիան, բայց մի մարդ փչացրեց նրանց խաղը՝ Ռեջեփ Թայիփ Էրդողանը», - ասել է թուրք նախարարը։
Ավելի վաղ Թուրքիայի ՆԳՆ ղեկավարը դաշնակիցներին մեղադրել էր երկրում իրավիճակն ապակայունացնելու փորձերի մեջ։
Ծայրահեղ աջերի կողմից Եվրոպայում Ղուրանի օրինակների այրման ֆոնին ԱՄՆ դեսպանատունն իր քաղաքացիներին շաբաթվա սկզբին զգուշացրել է ահաբեկչական հարձակումների վտանգի մասին։ Ստամբուլում Շվեդիայի, Նիդեռլանդների, Մեծ Բրիտանիայի, Ֆրանսիայի, Շվեյցարիայի և Գերմանիայի գլխավոր հյուպատոսությունները հայտարարել են, որ դադարեցրել են այցելուներ ընդունել։
Թուրքիայի արտաքին գործերի նախարար Մևլութ Չավուշօղլուն հյուպատոսությունների փակման հետ կապված իրավիճակը դիտավորյալ գործողություն է անվանել, որի շարժառիթներից մեկը, ըստ նրա, ընտրություններից առաջ իշխանություններին ծանր դրության մեջ դնելն է։ Նա հայտարարել է, որ արևմտյան երկրները միայն իրենց մասին են մտածում, և ափսոսանք է հայտնել, որ դիվանագետները սպառնալիքների վերաբերյալ կոնկրետ տեղեկություն չեն փոխանցում։
Sputnik Արմենիա
ПОСЛЕДНИЕ ОТ АВТОРА
-
2025-07-27 16:07В День Преображения Господня сегодня, 27 июля, в Первопрестольном Святом Эчмиадзине состоялась церемония открытия Католикосской усыпальницы и молитвенного зала для зажигания свечей, построенных во дворе Кафедрального Собора под председательством Католикоса Всех Армян Гарегина Второго.
-
2025-07-27 10:00В Армении сегодня отмечают праздник Преображения Господня — Вардавар. Это один из пяти больших праздников Армянской Апостольской церкви и один из самых любимых в народе.
-
2025-07-27 09:53Священник отец Мхитар Алоян опубликовал публикацию под названием «От семинарских лет до католикосата: свидетельство из сердца».
-
2025-07-27 09:48В программе «Есть вопросы» Aysor.am политический деятель Давид Шахназарян прокомментировал распространяемые сообщения о том, что Армения согласилась делегировать контроль над дорогой в Сюнике американской компании. Премьер-министр Армении не опроверг эту информацию, отметив, что не возражает против такого шага.