2023-02-07 13:06
Информагентства
ԱՂՄԿԱՀԱՐՈՒՅՑ ՀԵՏԱՔՆՆՈՒԹՅՈՒՆ․ ԱԴՐԲԵՋԱՆՈՒՄ ՀԱՓՇՏԱԿԵԼ ԵՆ ՎԶԵԲ-Ի ՄԻՋՈՑՆԵՐԸ
ՎԶԵԲ-ը հետաքննություն է սկսել եվրոպական այդ ֆինանսական կառույցում Ադրբեջանի ներկայացուցչության ղեկավարի անօրինական գործողությունների հետ կապված մեքենայությունների և կոռուպցիայի գործով:
Ինչպես հաղորդում է haqqin.az-ը, բազմաթիվ փաստաթղթերի կեղծման մասին փաստերը ՎԶԵԲ-ի երկու ադրբեջանցի վարկառուներ Զամին Ալիևը և Քյանան Ռասուլովը, որոնք համապատասխանաբար գլխավորում են GemZA Group և H&M AGRO ընկերությունները, փոխանցվել են Լոնդոնում ՎԶԵԲ-ի կենտրոնակայանի հետաքննության դեպարտամենտ: Գործում առկա են շինթույլտվություններ, կեղծ բանկային քաղվածքներ, կեղծ պայմանագրեր պատվիրատուների հետ՝ վաճառքների ծավալն արհեստականորեն ուռճացնելու համար, որոնք իրականում չեն եղել և այլն։
Պարզվել է, որ երկու վարկառուներն էլ նպատակային չեն օգտագործել ՎԶԵԲ-ից ստացված վարկային միջոցները: Այսպես, Gemza Group-ի սեփականատեր Զամին Ալիևը կանխիկացրել է 14 մլն եվրո, իսկ H&M AGRO ընկերության սեփականատեր Քյանան Ռասուլովը՝ 2,4 մլն դոլար ստացված վարկային միջոցներից։ Ընդ որում, երկու ադրբեջանցի գործարարները հաջողությամբ խուսափել են բոլոր հարկային պարտավորություններից։
Սակայն հետաքննության գլխավոր ֆիգուրանտները ոչ թե Ալիևն ու Ռասուլովն են, այլ Ասիֆ Մահմուդովը՝ ՎԶԵԲ-ի կենտրոնակայանին կից Ադրբեջանի ներկայացուցչության ղեկավարը, որն էլ հենց կառուցել է այդ ֆինանսական «բուրգը»։ ՎԶԵԲ-ի աուդիտորների տրամադրության տակ են հայտնվել փաստեր, որոնց համաձայն՝ Մահմուդովը պարբերաբար կաշառք է ստացել, նախաձեռնել է «պայմանագրային» մրցույթներ, անձամբ մասնակցել է փաստաթղթերի կեղծմանը, գերագնահատել է վարկառուների գրավադրվող գույքի գնահատումը և այլ խարդախություններ:
Բանկը նաև տեղեկացել է, որ Ադրբեջանի ներկայացուցչության ղեկավար Զամին Ալիևը և Քյանան Ռասուլովը ՎԶԵԲ-ի կողմից հավատարմագրված Value & Sources ընկերությունում իրենց գրավադրված գույքի գնահատում են իրականացրել, որի սեփականատերը Ասիֆ Մահմուդովի ցուցումով մի քանի անգամ բարձրացրել է դրա իրական արժեքը: Բացի այդ, Ասիֆ Մահմուդովը, «գործնական» կապեր հաստատելով մի քանի իրավաբանական խորհրդատուների հետ, որոնք նույնպես ունեցել են ՎԶԵԲ-ի հավատարմագրում, վարկառուներից ընդունել է ակնհայտ կեղծ փաստաթղթեր։
Պարզվել է նաև, որ տվյալ հետաքննությունը փորձում են «կոծկել» ՎԶԵԲ նախագահ, ֆրանսուհի Օդիլ Ռենո-Բասսոյի գլխավորած կենտրոնակայանում գտնվող որոշ բարձրաստիճան պաշտոնյաների:
Անցյալ տարվա դեկտեմբերին Վերակառուցման և զարգացման եվրոպական բանկը լրացուցիչ վարկեր է տրամադրել Gemza Group և H&M Agro ընկերություններին: Բանկի հրապարակած տեղեկատվության մեջ ասվում է, որ Gemza Group-ին 5,6 մլն եվրոյի չափով վարկ է տրամադրվում Ադրբեջանում երեք ժամանակակից և բարձր արդյունավետությամբ չոր արտադրանքի պահեստների կառուցման համար: Gemza Group-ը ներկայացված է որպես Ադրբեջանի խոշորագույն ընկերություններից մեկը, որը տրամադրում է ինժինիրինգային ծառայություններ, այդ թվում՝ նավթագազային սարքավորումների մատակարարում։ Բանկը հայտարարել է, որ ընկերությունը փորձում է դիվերսիֆիկացնել իր եկամուտները և ներկայումս մտնում է պահեստային բիզնես: Բանկը նաև հայտնել է, որ H&M Agro ընկերությանը 2 մլն դոլարի չափով տեղական վարկ է հատկացրել ժամանակակից ջերմոցային համալիրի կառուցման համար:
ПОСЛЕДНИЕ ОТ АВТОРА
-
New2025-06-20 13:43Ереван не считает, что процесс делимитации границы между Арменией и Азербайджаном застопорился. Об этом вице-премьер Армении Мгер Григорян заявил в интервью Sputnik Армения на полях Петербургского международного экономического форума.
-
New2025-06-20 12:47В Армении продолжат укрупнение муниципалитетов по логике бывших районов Армянской ССР.
-
New2025-06-20 12:46Группа армянских туристов, застрявшая в Вифлееме на фоне ирано-израильской эскалации, уже в Армении. Об этом Sputnik Армения сообщила турменеджер JERUSALEM TRAVEL Арпине Алоян.
-
New2025-06-20 12:42Сейчас уже можно сказать, что, по крайней мере, две цели израильского нападения на Иран неделю назад не достигнуты. Об этом написал в своем Telegram-канале иранист Вардан Восканян.