2023-02-22 18:01
Информагентства
Աղվան ՎԱՐԴԱՆՅԱՆ․ 2020-ԻՑ ՀԵՏՈ ԱՐՑԱԽԻ ՆԱԽԱԳԱՀԻ ԲՈԼՈՐ ԳՈՐԾՈՂՈՒԹՅՈՒՆՆԵՐԸ ՄԻԱՅՆ ՎԱՏԹԱՐԱՑՐԵԼ ԵՆ ԱՐՑԱԽԻ ՎԻՃԱԿԸ (ՏԵՍԱՆՅՈՒԹ)
Կարծես թե Արցախում հանգուցալուծումը մոտենում է, բայց մենք այդպես էլ չգիտենք, թե խորքում ինչ է կատարվում: Այս մասին այսօր՝ փետրվարի 22-ին, ԱԺ-ում լրագրողների հետ զրույցում նշեց «Հայաստան» խմբակցության պատգամավոր Աղվան Վարդանյանը:
«Ի վերջո ակնհայտ է, որ նև Ադրբեջանի պահանջն է, որ Ռուբեն Վարդանյանը հեռանա և հայտնի չէ, թե ռուս-ադրբեջանական քննարկումները այս թեմայով ինչի են վերաբերում: Ի վերջո, որքան ինձ հայտնի է, Ռուբեն Վարդանյանը հայտնվեց Արցախում ոչ միայն իր անձնական ցանկությամբ, այլև Արցախի ներկայիս ղեկավարության ցանկությամբ ու հորդորով: Եթե իրենք չեն կարողանում հաշվարկել հետագա անելիքները և ինչ ենք ստանալու, սա խնդիր է: Եթե մենք տեղյակ չենք, թե այս ընթացքում Ադրբեջանի դրած պայմանները ինչ պայմաններ են և ամբողջությամբ ընդունվել են Արցախի կողմից, թե չեն ընդունվել, դարձյալ դժվար է գնահատական տալ:
Որքան հասկանում եմ՝ Արցախում ներքին իրավիճակն այնպիսին է, որ բացահայտ հակադրություն չեն ուզում ստեղծել, և եթե անգամ ազատվի պաշտոնից Ռուբեն Վարդանյանը, նա ցանկություն ունի մնալու Արցախում և ինչ-որ դերակատարություն ունենալու: Ո՞րն է լինելու այդ դերակատարությունը, դարձյալ անհայտ է:
Նույնը վերաբերում է Հայաստանին, մենք չգիտենք՝ ինչ առաջարկներ են ներկայացրել Ադրբեջանին, հասարակությունը, քաղաքական ուժերը տեղեկացված չեն: Ինձ համար ակնհայտ է, որ 2020 թվականից հետո Արցախի նախագահի բոլոր գործողությունները միայն վատթարացրել են Արցախի վիճակը»,-հայտարարեց նա:
Աղվան Վարդանյանը հայտարարեց, որ այսօր Արցախում պետք է համախմբում ու կոնսոլիդացիա. «Եվ նախկին դերակատար դեմքերը, և այսօրվա իշխանությունները պետք է կարողանային գտնել լուծում, որտեղ հստակ լիներ Արցախի մեկ ձայնով խոսելը: Ցավոք, ներքին բաժանումներն այնքան շատ են, որ այդ ձայնով խոսելը չի ստացվում: Ես չեմ բացառում, որ Ռուբեն Վարդանյանին ավելի շուտ կազատեին աշխատնքից, եթե նրա գործունեությունը հասարակության որոշակի շրջանակներում դրական արձագանքներ չունենար»,-ընդգծեց ընդդիմադիր պատգամավորը:
ПОСЛЕДНИЕ ОТ АВТОРА
-
2025-05-17 15:28Министр образования, науки, культуры и спорта Жанна Андреасян посетила школы сел Мердзаван и Мхчян, в которых на днях произошли скандальные инциденты. Об этом сообщает пресс-служба армянского ведомства.
-
2025-05-17 15:27«С точки зрения комплектования Вооруженных сил и эффективного использования имеющегося потенциала нужно делать платной не возможность освобождения от армии или сокращение срока службы. Можно использовать уже существующие законодательные возможности – при внесении одной-двух поправок», – написал секретарь фракции «Честь имею» Национального Собрания Армении Тигран Абрамян на своей странице в социальной сети Facebook.
-
2025-05-17 15:26Поэт, член Союза писателей Армении Карен Хуршудян стал Кавалером ордена «За заслуги» Франции.
-
2025-05-17 15:25Рубен Варданян стал дедушкой, находясь в азербайджанском СИЗО, а семья лишена возможности сообщить ему радостную новость. Об этом сообщил его сын Давид в интервью GB News. Давид подчеркнул, что его дочь родилась уже после ареста Рубена.