2023-03-13 17:24
Информагентства
Մարինա ԿԱԼՅՈՒՐԱՆԴ. ՏԵՂՅԱԿ ԵՆՔ ՄՏԱՀՈԳՈՒԹՅՈՒՆՆԵՐԻ ՄԱՍԻՆ՝ ԼՐԱԳՐՈՂՆԵՐԻ ՄԱՍՆԱԳԻՏԱԿԱՆ ԳՈՐԾՈՒՆԵՈՒԹՅԱՆ ՆԿԱՏՄԱՄԲ ՈՐՈՇԱԿԻ ՍԱՀՄԱՆԱՓԱԿՈՒՄՆԵՐԻ ՄԱՍԻՆ
«Մենք պետք է լինենք անկեղծ և բարձրաձայնենք մտահոգությունների մասին: Օրինակ՝ ցանկացած զարգացում, որը վտանգի տակ է դնում ժողովրդավարական կառավարության հիմնարար սկզբունքները, պետք է կանխվի: Մենք տեղյակ ենք քաղհասարակության մտահոգությունների մասին»,-Եվրամիություն-Հայաստան խորհրդարանական գործընկերության կոմիտեի 3-րդ նիստի ժամանակ հայտարարեց ԵՄ-Հայաստան խորհրդարանական գործընկերության հանձնաժողովի համանախագահ Մարինա Կալյուրանդը:
Նա նկատեց՝ Հայաստանը վերջին տարիներին մեծ առաջընթաց է գրանցել՝ դառնալով տարածաշրջանային առաջնորդ ժողովրդավարության և լավ կառավարման հարցում: Նա նաև նշեց, որ ՀՀ-ԵՄ համաձայնագիրը (CEPA) լավ հիմք է տալիս համագործակցության համար:
Խոսելով մտահոգությունների մասին՝ ԵՄ-Հայաստան խորհրդարանական գործընկերության հանձնաժողովի համանախագահը նշեց. «Մենք տեղյակ ենք քաղհասարակության մտահոգությունների մասին՝ կապված քաղաքական հնարավոր միջամտության մասին դատական համակարգում, ինչպես նաև անկախ պետական մարմինների գործունեության և լրագրողների մասնագիտական գործունեության նկատմամբ որոշակի սահմանափակումների մասին: Ես ևս մեկ անգամ կարևորում եմ դատական համակարգի անկախության և մամուլի ազատության ապահովումը»:
Կրկին անդրադառնալով հայ-ադրբեջանական հարաբերություններին՝ Մարինա Կալյուրանդը նշեց. «Երբեմն մենք դիմում ենք կոչով երկու կողմերին, բայց վերջին տարիներին մենք հիմնականում դիմում ենք Բաքվին՝ հատկապես հայ ռազմագերիների վերադարձի, մշակութային ժառանգության պահպանման հարցերով, 2022-ի սեպտեմբերի իրադարձությունների հարցով, ինչպես նաև ՀՀ ինքնիշխան տարածքից ադրբեջանական զորքերի դուրսբերման և Լաչինի միջանցքի ապաշրջափակման հարցերով: Հաճախ այս պատճառով մեր կառույցի, ինչպես նաև Եվրոպական խորհրդարանի պատգամավորների վրա Բաքվի կողմից լինում են հարձակումներ:
Մինչդեռ այդ հարձակումների փոխարեն Բաքուն պետք է ավելին անի՝ ցույց տալու համար իր հանձնառությունը խաղաղության հասնելու հարցով: Մենք Ադրբեջանին կոչ ենք անում համաձայնել ԵՄ առաքելության ներկայությանը իր սահմանին, ինչպես նաև միջազգային փաստահավաք առաքելությանը և դեպի Լեռնային Ղարաբաղ ՅՈՒՆԵՍԿՕ-ի առաքելության հարցում: Իսկ եթե Բաքուն հրաժարվում է, ուրեմն նրանց համար մեր մտահոգությունները չպետք է լինեն զարմանալի»:
Մարինա Կալյուրանդը հայտարարեց, որ Հայաստանի հետ կնքվելիք ԵՄ-Հայաստան բանաձևում, որը շուտով դրվելու է քվեարկության, կոչ է արվում ստեղծել անցումային արդարադատության մեխանիզմներ՝ կազմված երկու կողմերի հանձնաժողովների կողմից: Նա կարևորեց այն, որ Ադրբեջանը հաշվետվողական լինի: Այս առիթով նա փաստեց՝ այդպես էլ տեղեկություն չկա, թե ինչ ցույց տվեց Բաքվի ուսումնասիրությունը հայ զինծառայողների նկատմամբ անմարդկային հանցագործության հարցով:
Տաթև ՀԱՐՈՒԹՅՈՒՆՅԱՆ, Aravot.am
ПОСЛЕДНИЕ ОТ АВТОРА
-
New2025-06-19 21:52Коллектив компании "Электрические сети Армении" выражает свою полную поддержку и солидарность с предпринимателем, владельцем компании Самвелом Карапетяном. Об этом говорится в заявлении компании "Электрические сети Армении" и профсоюзной организации. Ранее премьер-министр Армении Никол Пашинян заявил, что те сотрудники "Элсетей" которые откажутся подчиниться незаконным указаниям и сообщат об этом правоохранителям, дадут конкретные показания, будут защищены государством. И после национализации "Элсетей" эти люди продолжат там работать. Лица же, которые станут принуждать к участию в акциях, будут привлечены к уголовной ответственности.
-
New2025-06-19 19:39Второй президент Армении Роберт Кочарян назвал национальным позором уголовное дело и арест бизнесмена, владельца ГК "Ташир" Самвела Карапетяна.
-
New2025-06-19 19:37Вмешательство США в противостояние между Ираном и Израилем вызовет расширение географии конфликта и приведет к новой опасной эскалации. Об этом заявил официальный представитель Кремля Дмитрий Песков, передает «Известия».
-
New2025-06-19 19:36Иран нанес удары по "военным целям" и "промышленным центрам, связанным с военной промышленностью" в Хайфе и Тель-Авиве. Об этом говорится в заявлении Корпуса стражей исламской революции (КСИР, элитные подразделения ВС) Ирана.