2023-03-29 16:57
Информагентства
Ալեն ՂՈՒԼՅԱՆ․ ԻՆՉՈ՞Ւ ՄԻՆՉԵՎ ՀԻՄԱ ՉԻ ԲԱՐՁՐԱՁԱՅՆՎՈՒՄ ՍԱՐՍԱՆԳԻ ՋՐԱՄԲԱՐԻ ՋՐԻ ՄԱԿԱՐԴԱԿԻ ԻՋԵՑՄԱՆ ԽՆԴԻՐԸ
Արցախցի օգտատեր Ալեն Ղուլյանը գրում է.
«Հարգելի մոզգեր և տեղեկատվական գուրուներ...
3 ամիս է՝ թորքի հանցավոր գործունեության պատճառով Սարսանգի ջրամբարի ջրի մակարդակը իջնում ա, ու դա ահռելի վնասներ է հասցնելու Արցախի էկոհամակարգին։
Այն, ինչ դուք չեք օգտագործում թշնամու դեմ, իրենք գեղեցիկ փաթեթավորում են ու կոխում ձեր համապատասխան տեղը...
Ինչո՞ւ մինչև հիմա չի բարձրաձայնվում այս խնդիրը միջազգային ատյաններում, քանի՞ անգամ եք խոսել սրա մասին, քանի՞ անգամ եք լուսանկարել ու տարածել աշխարհով մեկ...Ո՞վ ա պատասխանատուն և ինչու՞ է ամեն անգամ ինչ-որ մեկի (կամ մի քանիսի) անգործության պատճառով տուժում երկիրը ու այդ ինչ-որ մեկի (կամ խմբի) արարքին (ներին) ո'չ քրեաիրավական գնահատական է տրվում, ո'չ էլ զբաղեցրած պաշտոններից են հեռացվում...»։
Հունվարի 9-ից գերծանրաբեռնված ռեժիմով է աշխատում Սարսանգհէկը: Սարսանգի ջրամբարում ջրի մակարդակն աննախադեպ իջել է՝ ավելի քան 20 մետր: Ստեղծված իրավիճակում հիդրոկայանն օգտագործում է արտադրական ամբողջ հզորությունը, որ երկիրն էներգետիկ ճգնաժամի չմատնվի: Արցախհեկի գլխավոր ինժեներն ասել էր՝ այս տարի ջրամբարում աննախադեպ շատ ջուր էին կուտակել: Ջրային կոմիտեի նախագահ Գեորգի Հայրիյանի խոսքով, եթե չվերականգնվի Շինուհայր-Ստեփանակերտ էլէկտրագծի անխափան աշխատանքը, ամռանը Սարսանգից ջուր բաց թողնելու հնարավորություն չի լինելու։ Ջրամբարը լցնելու համար մի քանի տարի է պահանջվելու:
2020 թվականի պատերազմի հետևանքով ադրբեջանական վերահսկողության տակ է մնացել 30 հիդրոէլեկտրակայան: Դա է պատճառը, որ տեղական էլեկտրաէներգիայի արտադրությունը գրեթե ամբողջությամբ մնացել է Սարսանգի ջրամբարի վրա կառուցված հէկ-ի հույսին:
Ադրբեջանի՝ Արցախի Հանրապետության ու Հայաստանի Հանրապետության նկատմամբ 2020 թվականի սեպտեմբերին լայնամասշտաբ ագրեսիայի ընթացքում և հետո Ադրբեջանի իշխանություններին հաջողվեց, բացի Արցախից պոկած-գրաված տարածքների, գրավել նաև Արցախ-Հայաստան սահմանակից մարզեր, ինչի պատճառով թշնամական Ադրբեջանի կողմից շրջափակված Արցախի Հանրապետության միակ կապը ՀՀ հետ իրականացվում էր մի միջանցքով։
Ըստ Եռակողմ հայտարարության՝ Ադրբեջանը պիտի ապահովեր, ինչը նույնն է՝ չխոչընդոտեր Արցախի միջանցքով հաղորդակցությունը, իսկ ՌԴ խաղաղապահ զորքերը պիտի վերահսկեին այդ անխոչընդոտ կապը։
Սակայն, շարունակելով հայասպան քաղաքականությունը, Ադրբեջանը կազմակերպեց, այսպես կոչված, «բնապահպանների» բողոք-ցույց, ումով էլ Արցախի (Լաչինի) միջանցքը փակեց։
100 օրից ավելի է` Արցախի Հանրապետությունը գտնվում է տոտալ շրջափակման մեջ, իսկ ադրբեջանցի «բնապահպանները», որոնց թվում են Ադրբեջանի հատուկ ծառայությունների գործակալներ, Ապրիլյան պատերազմի մասնակից,... դարձել են անձեռնմխելի՝ նոր բախման շանտաժով։
ПОСЛЕДНИЕ ОТ АВТОРА
-
2025-07-27 10:00В Армении сегодня отмечают праздник Преображения Господня — Вардавар. Это один из пяти больших праздников Армянской Апостольской церкви и один из самых любимых в народе.
-
2025-07-27 09:53Священник отец Мхитар Алоян опубликовал публикацию под названием «От семинарских лет до католикосата: свидетельство из сердца».
-
2025-07-27 09:48В программе «Есть вопросы» Aysor.am политический деятель Давид Шахназарян прокомментировал распространяемые сообщения о том, что Армения согласилась делегировать контроль над дорогой в Сюнике американской компании. Премьер-министр Армении не опроверг эту информацию, отметив, что не возражает против такого шага.
-
2025-07-26 14:32Несмотря на то, что власти подавляли митинги и акции народа Арцаха угрозами и шантажом применения силы, ситуация не изменилась, заявил депутат Национального собрания Армении Тигран Абрамян.