S&P գործակալությունն իջեցրել Թուրքիայի վարկային վարկանիշի կանխատեսումը

S&P Global Ratings միջազգային վարկանշային գործակալությունը հաստատել է Թուրքիայի վարկային երկարաժամկետ վարկանիշը «В» մակարդակում, ինչը նշանակում է, որ այդ վարկանիշը կայունից իջեցվել է բացասականի, վկայում է գործակալության մամուլի հաղորդագրությունը։

«Բացասական կանխատեսումն արտացոլում է ռիսկերը Թուրքիայի վարկունակության համար՝ կապված այն բանի հետ, ինչը մենք համարում ենք մոնետար, ֆինանսական և տնտեսական քաղաքականության ոչ ռացիոնալ պայմաններ։ Մեր կարծիքով՝ պետական բանկերի և ձեռնարկությունների պայմանական պարտավորությունները մեծ են և շարունակում են ավելանալ, այն դեպքում, երբ վճարային հաշվեկշռի և արժութային փոխարժեքի խոցելիությունը մնում է բարձր»,- նշել է S&P-ը։

Տարվա արդյունքներով՝ գործակալության կանխատեսումների համաձայն՝ Թուրքիայի ՀՆԱ-ն կավելանա մոտ 2 տոկոսով (անցած տարի՝ 5,6 տոկոս)։ S&P-ն նաև սպասում է, որ գնաճը երկրում կմնա բարձր և միջինն ընթացիկ տարում կկազմի 45 տոկոս։

Գործակալությունը կարող է իջեցնել Թուրքիայի վարկանիշները, եթե ճնշումը ֆինանսական կայունության և բյուջեի միջոցների վրա էլ ավելի ուժեղանա, ինչը կարող է պայմանավորված լինել արժույթի արժեզրկման վերսկսմամբ։

Միևնույն ժամանակ, S&P-ն նաև կարող է բարձրացնել երկրի վարկանիշները, եթե դրամավարկային քաղաքականության կանխատեսելիությունը մեծանա։

News.am