2023-04-03 18:06
Информагентства
Սոչիում «Հայաստան-Ռուսաստան. մշակույթների երկխոսություն» խորագրով համերգ է կայացել
«Հայաստանի օրերը ՌԴ մարզերում» նախագծի շրջանակում Սոչիի Ձմեռային թատրոնում «Հայաստան–Ռուսաստան. մշակույթների երկխոսություն» խորագրով համերգ է կայացել։ Տեղեկությունը հայտնում է ՌԴ–ում ՀՀ դեսպանությունը։
Միջոցառմանը ներկա է եղել ՌԴ–ում ՀՀ դեսպան Վաղարշակ Հարությունյանը։ Նա նշել է, որ Կրասնոդարի երկրամասում Հայաստանի օրերի անցկացումը կարևոր նախաձեռնություն է՝ ուղղված երկու երկրների ժողովուրդների միջև պատմական և հոգևոր-մշակութային կապերի ամրապնդմանը։ Դեսպանն ընդգծել է, որ Հայաստանի և Ռուսաստանի ժողովուրդներին միավորում են բարեկամական սերտ հարաբերությունները, բազմադարյա պատմական և մշակութային ժառանգությունն ու ընդհանուր հաղթանակները։
ՌԴ-ում ՀՀ դեսպանն անդրադարձել է նաև հայ-ռուսական դաշնակցային փոխգործակցությանը՝ ընդգծելով դրա առանցքային նշանակությունը ժամանակակից պայմաններում։
Սոչիի վարչակազմի ղեկավարի տեղակալ Ելենա Կոնյուկը վստահություն է հայտնել, որ մեկնարկած ծրագիրը կնպաստի Սոչիի և Հայաստանի քաղաքների միջև մշակութային ու հումանիտար համագործակցության զարգացմանը։
Երեկոն շարունակվել է Ռուսաստանի պետական ակադեմիական Մարիինյան թատրոնի, Ս․Փարաջանովի անվ․ մոսկովյան թատրոնի, Ա․Բաբաջանյանի հիշատակի միջազգային հիմնադրամի մենակատարների և «Արարատ Բենդ» ազգային երաժշտական գործիքների համույթի կատարումներով։
Միջոցառման շրջանակներում ՌԴ-ում դեսպանության շնորհակալագրեր են հանձնվել Սոչիի վարչակազմի ղեկավարի տեղակալ Ելենա Կոնյուկին և Սոչիի հայ համայնքի ղեկավար Իլարիոն Վարվաշտյանին։
Sputnik Արմենիա
ПОСЛЕДНИЕ ОТ АВТОРА
-
New2025-07-14 19:39Управление по делам о конфискации незаконного имущества Генеральной прокуратуры представило в суд иск о конфискации недвижимости и денежных средств у бывшего замминистра иностранных дел Армении Авета Адонца. Об этом сообщает Генпрокуратура Армении.
-
New2025-07-14 19:37В России продолжаются аресты азербайджанских бизнесменов, связанных с диаспорскими организациями.
-
New2025-07-14 18:39Лица, занимающиеся цветочным бизнесом, провели акцию протеста. Они перекрыли цветами трассу Эчмиадзин-Ереван. Протестующие возмущены тем, что не могут экспортировать свои цветы в Россию.
-
New2025-07-14 18:37Вооруженные отряды напали на ряд поселений друзов в сирийской провинции Сувейда. Уже второй день идут ожесточенные бои.