2023-04-05 14:54
Информагентства
Յուն ՖԱՆ․ ՉԻՆԱՍՏԱՆԻ ԴՌՆԵՐՆ ԱՎԵԼԻ ՈՒ ԱՎԵԼԻ ԿԲԱՑՎԵՆ ՀԱՅԱՍՏԱՆԻ ՀԱՄԱՐ
Չինաստանը և Հայաստանը լավ ընկերներ և լավ գործընկերներ են։ Չինաստանը պատրաստ է ձեռք ձեռքի տված աշխատել Հայաստանի հետ և առաջ շարժվել, ներկայացնել իր զարգացման փորձը՝ ի շահ երկու երկրների և երկու ժողովուրդների: Այս մասին իր հոդվածում, որի մի մասը վերաբերում է հայ– չինական հարաբերություններին, գրել է Հայաստանում Չինաստանի արտակարգ և լիազոր դեսպան Յուն Ֆանը։
«Բարեկամության համար հեռավորություններ չկան, մտերմությունը պահպանվում է նույնիսկ հազար մղոն հեռավորության վրա։ Չինաստանի և Հայաստանի միջև փոխանակումները երկար տարիների պատմություն ունեն։ Հայաստանը գտնվում է եվրասիական տարածաշրջանի կենտրոնում և պատմականորեն կարևոր կանգառ է հանդիսացել հնագույն Մետաքսի ճանապարհին: Այս առևտրային ուղին դարձավ հին Չինաստանի և Հայաստանի ժողովուրդների միջև առևտրային և մշակութային փոխանակման կարևոր օղակ»,– գրել է նա։
Դեսպանը հիշեցրել է, որ 2009 թվականից ի վեր Չինաստանը Հայաստանի երկրորդ խոշոր առևտրային գործընկերն է։ Ըստ չինական կողմի վիճակագրության` 2022 թվականին Չինաստանի և Հայաստանի միջև առևտրի ծավալը հասել է առավելագույն ցուցանիշի՝ կազմելով 1,758 միլիարդ դոլար, տարեկան կտրվածքով աճելով 39,4 %-ով։
«Ներկայումս հաջողությամբ առաջ են մղվում այնպիսի ծրագրեր, ինչպիսիք են «Հյուսիս-Հարավ տրանսպորտային միջանցքի» կառուցումը, ենթակայանների վերափոխումը, ֆոտովոլտային էլեկտրոկայանների կառուցումը և այլն, որոնք դրական ներդրում են երկրի տնտեսական զարգացման գործում»,– հավելել է նա։
Ֆան Յոնգը նշել է, որ հանդիսանալով 1,4 միլիարդ բնակչություն ունեցող մեծ շուկա, որտեղ միջին եկամուտ ունեցող բնակչության քանակը կազմում է 400 միլիոն և ավելի, Չինաստանի դռներն ավելի ու ավելի կբացվեն, իսկ համագործակցության հնարավորությունները կընդլայնվեն։
Նա նաև հիշեցրել է, որ Հայաստանն առաջին երկրներից է, որն աջակցել և մասնակցել է «Մեկ գոտի և մեկ ճանապարհ» նախաձեռնության համատեղ կառուցմանը։
Իսկ ներկայումս, ըստ դեսպանի, Չինաստան-Հայաստան հարաբերությունները գտնվում են ավելի բարձր նոր սկզբնակետում և ստեղծում են զարգացման նոր հնարավորություններ։
Նա վստահություն է հայտնել, որ երկու կողմերի համատեղ ջանքերով Չինաստանի և Հայաստանի փոխհարաբերություններն ավելի պայծառ ապագա կունենան՝ վստահ և հասուն շեշտադրմամբ։
ПОСЛЕДНИЕ ОТ АВТОРА
-
2025-07-17 19:37Член Верховного органа АРФ "Дашнакцутюн", депутат парламентской фракции "Армения" Гегам Манукян обратился в прокуратуру с заявлением о преступлении. Об этом депутат сообщил в интервью Sputnik Армения.
-
2025-07-17 19:36Израиль продолжит политику демилитаризации на территории южнее Дамаска и не допустит причинения вреда местным друзам со стороны сирийских властей и группировок. Об этом заявил израильский премьер Биньямин Нетаньяху.
-
2025-07-17 19:32В Баку на церемонии, посвящённой азербайджанской прессе, наградили турецкие медиаструктуры TRT, İHA и Anadolu Ajansı — за «верную службу» в продвижении повестки Баку в Карабахской войне и внешней политике, пишет Telegram-канал «Кавказарь».
-
2025-07-17 19:31Власти Армении предпринимают действия, направленные на то, чтобы принизить значимость и устранить государственные институты НКР, что неприемлемо. Об этом говорится в заявлении Совет по правам армян Карабаха в ответ на иск Генпрокуратуры Армении в Административный суд с целью аннулировать право собственности на представительство НК в Ереване.