2023-04-28 14:20
Соб.инф.
ՓՈՔՐ ՎԵԴԻՆ ՏԱՐԵԿԱՆ ԿՏՆՏԵՍԻ ՇՈՒՐՋ 1 ՄԻԼԻՈՆ ԴՐԱՄ
Փոքր Վեդին Արարատի մարզի Վեդի խոշորացված համայնքի 19 բնակավայրերից մեկն է, որը գտնվում է զբոսաշրջային ակտիվ երթուղու՝ Խոր Վիրապ տանող միջպետական մայրուղու վրա։
ՏԱՐԻՆԵՐ ՇԱՐՈՒՆԱԿ ԳՅՈՒՂ ՄՏՆՈՂ ՃԱՆԱՊԱՐՀԸ ՄԹՆՇԱՂԻՑ հետո հայտնվել է խավարում՝ խնդիրներ ստեղծելով վարորդների ու հետիոտների համար: Իսկ բնակավայրում եղած լուսավորության հին համակարգը գործել է գազային ու շիկացման լամպերով, եղել ոչ արդյունավետ ու շատ ծախսատար։ Համայնքը մեծ գումարներ է ներդրել լամպերը փոխելու համար։ Նոր տեխնոլոգիաների ներդրման արդյունքում Փոքր Վեդիում խնդիրն արդեն լուծվել է: Ավելին՝ տարեկան կտնտեսվի շուրջ 1 միլիոն դրամ: Վիվա-ՄՏՍ-ն ու Վայրի բնության և մշակութային արժեքների պահպանման հիմնադրամը (FPWC) ենթակառուցվածքների արդիականացման ծրագիր են իրականացրել այս գյուղում:
Տարիների գործընկերները հավատարիմ են մնում մարզերն ուշադրության կենտրոնում պահելու որդեգրած սկզբունքներին: Փոքր Վեդիում արտաքին լուսավորության արդիականացված համակարգի համար տեղակայվել են 100 վատտ հզորությամբ էներգախնայող ԼԵԴ լուսարձակներ։ Լուսավորվել է շուրջ 2 կմ ճանապարհ՝ գյուղի գլխավոր փողոցն ու գյուղ մտնող հատվածը, ինչի նպատակով չորս հենասյան վրա տեղադրվել են լուսարձակներ:
Ժամանակակից համակարգի գործարկմանը մասնակցել են Վիվա-ՄՏՍ-ի գլխավոր տնօրեն Արմեն Ավետիսյանը, FPWC-ի հիմնադիր-տնօրեն Ռուբեն Խաչատրյանը, Վեդի խոշորացված համայնքի ղեկավար Գագիկ Սարգսյանը, ծրագրի համակարգող Մարտին Մարալչյանը և համայնքի բնակիչները։
«Առհասարակ, բոլոր երկրներում զարգացման լոկոմոտիվը հիմնականում մայրաքաղաքն է: Դա բնական է, սակայն հարկավոր է խուսափել բոլոր ծրագրերը մի տեղ կենտրոնացնելու և մայրաքաղաք-պետություն կառուցելու գայթակղությունից: Մարզերի համաչափ զարգացումը նույնքան կարևոր և լուրջ մարտահրավեր է: Վիվա-ՄՏՍ-ի կառավարման մոդելում էական տեղ է հատկացվում պատասխանատու մոտեցմանը: Տարբեր բնակավայրերում ենթակառուցվածքներ զարգացնելը բխում է այդ տրամաբանությունից: Մեր ծրագրերի շնորհիվ Հայաստանում տարեցտարի ավելանում է էներգախնայող համակարգից օգտվող գյուղերի թիվը: Լուսավորված փողոց ունենալը քաղաքի մենաշնորհը չէ: Դա քաղաքակիրթ կենսաձևի տարրական պայման է», - ասել է Վիվա-ՄՏՍ-ի գլխավոր տնօրեն Արմեն Ավետիսյանը:
«Վեդի խոշորացված ու սահմանամերձ համայնքը, մոտ գտնվելով Հայաստանի ամենակարևոր բնապահպանական տարածքներին, մեր գործընկերության թիրախում է։ Դա ենթադրում է, որ մոտ ապագայում այստեղ զարգացման տարբեր ծրագրեր ու ներդրումներ ենք անելու», - ասել է FPWC-ի հիմնադիր-տնօրեն Ռուբեն Խաչատրյանը։
Ծախսարդյունավետ ենթակառուցվածքների գործարկման համար, համադրելով տեխնոլոգիական և բնապահպանական ոլորտների նորարարական մոտեցումները, Վիվա-ՄՏՍ-ն ու FPWC-ն պարբերաբար խոշոր ծրագրեր են իրականացնում սահմանապահ, ինչպես նաև հեռավոր համայնքներում: Միայն 2022 թվականին, Վիվա-ՄՏՍ-ն այդ նպատակով ներդրել է ավելի քան 120 մլն. դրամ:
ПОСЛЕДНИЕ ОТ АВТОРА
-
2025-08-02 00:42Ներկայացնում ենք փորձագիտական կարծիք Հայաստանում հեղինակության կառավարման և հանրային կապերի խնդիրների մասին` ԱքսելՄոնդրիան ընկերության համահիմնադիր` Շուշան Հարությունյանի կողմից
-
2025-07-31 10:00Вышел в свет сборник статей «Героизм, память и диалог поколений», который включает в себя избранные публикации СМИ и фотографии о ереванских мероприятиях, проведенных в апреле-мае и посвящённых 80-летию Великой Победы и арцахскому культурному наследию. Эти мероприятия проводились Организацией ДИАЛОГ или в партнерстве с ней, имели широкий охват общественных и научно-образовательных кругов, а также арцахских соотечественников.
-
2025-07-31 08:54Эта власть не ошибается, а действует по программе, конечным результатом которой должно стать разрушение национального суверенитета, культуры, образования и систем безопасности: они – внедренные агенты, которые на самом деле не открывают двери в будущее, а снимают последние замки, за которыми пока еще живет надежда на независимость, написал на своей странице в ФБ член Совета РПА Армен Овасапян. Публикацию полностью приводим ниже.
-
2025-07-30 11:49Платформа MyInvest Америабанка запустила MyInvest Academy, предназначенную для тех, кто хочет начать свой путь в сфере инвестиций. Это первая армяноязычная образовательная платформа по инвестициям, доступная прямо в мобильном приложении и бесплатная. Академия позволяет изучать инвестиции с нуля, шаг за шагом знакомясь с основными понятиями и углубляя свои знания по каждой теме: от облигаций до акций, инвестиционных фондов, золота, нефти и т. д.