2023-05-05 15:47
Информагентства
Ծնողին տվել են 3 ձեռք, ասել՝ դա ձեր որդին է. Թագուհի Թովմասյանը պատմեց փակ հանդիպումից (ՏԵՍԱՆՅՈՒԹ)
Անհետ կորած զինծառայողների հարազատները հանդիպում են պահանջում ՔՊ-ական պատգամավորների հետ հանդիպում։ Այսօր ԱԺ-ում լրագրողների հետ զրույցում այս մասին ասաց ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը՝ անդրադառնալով անհետ կորած զինծառայողների հարազատների հետ փակ հանդիպման մանրամասներին։
«Ծնողներն ուզում են հանդիպել, նրանց առջև կանգնել ու ասել, որ նրանք պարբերաբար ստում են ԱԺ ամբիոնից»,– ասաց նա։
Պատգամավորը նշեց նաև, որ ծնողներն արդեն ահռելի քննչական աշխատանք են արել, կարելի է ասել՝ քննչականից ավելի շատ փաստեր են հավաքել իրենց որդիների մասին, և երբ այդ բոլոր տվյալներն ամփոփվում են, հասկացել են, որ տղաներն առնվազն չհաստատված գերիների ցանկում պետք է լինեն։
«Ծնողները շատ վրդովված են, որ ՀՀ պատկան մարմիններն ընդամենը 33 գերիների մասին են խոսում այն դեպքում, երբ շատ ավելին են գերիները։ Ծնողներն ունեն փաստեր, թե ինչպես են իրենց որդիները գերեվարվել։ Պատկան մարմինները ոչինչ չեն անում կամ բավարար աշխատանք չեն անում, որ տղաները պատշաճ հանձնվեն ծնողներին»,- ասաց Թագուհի Թովմասյանը։
Նա նշեց, որ ծնողները կառավարությունից այլևս հույս ու սպասելիք չունեն։ Նրա խոսքով` այն, ինչ իրենք պետք է անեին, արդեն չեն արել։
«Այժմ ես պատրաստվում եմ միջազգային կազմակերպություններում բարձրաձայնել այս հարցը։ Ծնողների հետ կրկին կհանդիպեմ, ավելի փաստարկված զեկույցներ կպատրաստենք ամեն երեխայի մասով և կուղարկենք տարբեր միջազգային կառույցների»,– հայտնեց պատգամավորը։
Թագուհի Թովմասյանը նշում է, որ ծնողներն ամենից շատ նեղսրտած են անորոշությունից։ Օրինակ` իրենց տվել են մասունքներ, որոնք վստահություն չեն ներշնչում։
«Պատկան մարմինները տվել են ծնողներին երեք ձեռք, ասել են՝ դա ձեր որդին է, ու դրա համար մարդիկ հրաժարվել են հուղարկավորել դրանք։ Օրինակ` ծնողներից մեկին, որպես իր 1.82 սմ հասակ ունցող տղայի մասունք, որը 43 համարի կոշիկ է հագնում, տվել են մի ձեռք, որի ԴՆԹ–ն համապատասխանել է 1.60 սմ հասակով տղայի ԴՆԹ-ին»,– ասաց նա։
Ծնողները վստահեցնում են, որ շատ անհամաձայնություններ ու անճշտություններ կան, որոնք պետք է քննարկման առարկա դառնան։
Sputnik Արմենիա
ПОСЛЕДНИЕ ОТ АВТОРА
-
New2025-05-21 16:01ЕС намерен продолжать оказывать давление на Россию в украинском вопросе и уже работает над следующим санкционным пакетом, который станет "еще более жестким", сообщили РИА Новости во внешнеполитической службе Евросоюза.
-
New2025-05-21 15:59В Москве состоялась презентация переиздания знаменитого «Атласа исторической картографии Армении», созданного одним из самых выдающихся армянских картографов XX века Затиком Ханзатяном.
-
New2025-05-21 15:58Армения не собирается пересматривать союзнические отношения с Россией, заявил глава МИД Армении Арарат Мирзоян на пресс-конференции с российским коллегой Сергеем Лавровым в Ереване. По словам Мирзояна, обязательства стран по отношению друг у другу изложены на бумаге, подписаны и ратифицированы и их никто не собирается аннулировать.
-
New2025-05-21 14:53Уже бывший глава административного района Нор Норк Еревана Тигран Тер-Маркарян принял акт по благоустройству территории парка, которая омрачена коррупцией, незавершенными и некачественными работами. Выделены средства для работы, которая не предполагала подобного объема. Об этом заявил активист Артур Чахоян в видеоматериале, обнародованном на его странице в «Facebook».