2023-05-06 09:15
Информагентства
Տոյվո Կլաար․ Սահմանազատման գործընթացում հայկական գյուղերի հարցը պետք է լուծվի
Հայ–աբրբեջանական սահմանազատման գործընթացում հայկական գյուղերի հարցերն անխուսափելիորեն պետք է լուծվեն։ Այս մասին հայտարարել է Հարավային Կովկասի հարցերով ԵՄ հատուկ ներկայացուցիչ Տոյվո Կլաարը Հանրային հեռուստաընկերության հետ զրույցում։
Հարցին ի պատասխան, թե առնվազն հրապարակային հայտարարություններով Ադրբեջանը Հայաստանից պահանջում է գյուղեր, ինչպես նաև արտատարածքային միջանցք՝ ինչպիսի՞ն է ԵՄ դիրքրոշումը այդ առնչությամբ, Տոյվը Կլաարը շատ փակագծեր չբացեց։
«Առաջին հերթին, կարծում եմ կոնկրետ գյուղերի վերաբերյալ, որոնք դուք նշում եք, Հայաստանում նույնպես տարբեր պատկերացումներ կան, թե ինչպիսին է դրանց կարգավիճակը։ Սահմանազատման գործընթացում այդ հարցերն անխուսափելիորեն պետք է լուծվեն»,–ասել է նա։
Ինչ վերաբերվում է տարանցիկ երթուղիների հարցին, Կլաարը նշեց, որ Ադրբեջանի և Նախիջևանի միջև կամ նմանատիպ երթուղի Հայաստանի տարածքում լինելու պարագայում, այն պետք է գործի Հայաստանի օրենքներով և կանոնակարգերով։
«Այդպիսի լուծում ունենալը բնական է։ Անձամբ ես վստահ եմ, որ բավականին հեշտ է կամ պետք է հեշտ լինի առաջ շարժվել Ադրբեջանի և Նախիջևանի միջև Հայաստանով անցնող տարանցիկ կապերի համաձայնեցման հարցում։ Կարծում եմ, որ սա շահեկան իրավիճակ է, առկա է շահեկան արդյունք բոլոր շահագրգիռ կողմերի համար»,–ասաց նա։
Կլաարը հույս հայտնեց, որ կկարողանան, բոլոր կողմերից որոշակի բարի կամքի դրսևորման դեպքում, իրական առաջընթաց գրանցել այս ոլորտում։ Նրա խոսքով՝ դա բխում է ոչ միայն Ադրբեջանի, այլև նաև Հայաստանի շահերից, «եթե մենք ունենանք երկաթուղի, որը Ադրբեջանից անցնում է Հայաստանով դեպի Նախիջևան, իսկ Նախիջևանից դեպի Գյումրի, և, ի վերջո, դեպի Կարս»,–ասաց նա։
Հավելենք՝ ավելի վաղ Ադրբեջանի նախագահը հայտարարել էր, որ Հայաստանը «օկուպացրել է 8 ադրբեջանական գյուղ»։
Sputnik Արմենիա
ПОСЛЕДНИЕ ОТ АВТОРА
-
New2025-06-04 16:35Международный комитет Красного Креста (МККК) в последний раз посещал удерживаемых в Баку армянских пленных в марте 2025 года. Об этом сообщила в беседе с "ФактИнфо" руководитель коммуникационных программ делегации МККК в Армении Зара Аматуни,
-
New2025-06-04 16:34Десять сотрудников МВД были уволены за употребление наркотиков. Об этом заявила на совместном заседании парламентских комиссий при представлении отчета об исполнении бюджета за 2024 год министр внунтренних дел Армении Арпине Саркисян.
-
New2025-06-04 16:32Президент Арцаха Самвел Шахраманян был допрошен по трем разным уголовным производствам, каждый допрос длился 4-5 часов. Об этом заявил его адвокат Роман Ерицян в беседе с журналистами после допроса Шахраманяна в Следственном комитете Армении.
-
New2025-06-04 16:29Глава МВД Арпине Саркисян назвала причину увольнения своего заместителя, начальника полиции Арама Ованнисяна.