2023-05-15 19:39
Информагентства
Պատժամիջոցները մեր կարմիր գիծն են. Փաշինյանը` ՌԴ արտահանման ծավալի աճի մասին
Ուկրաինայի իրադարձություններից հետո դեպի Ռուսաստան մատակարարվող շատ ապրանքներ տեղ են հասնում Հայաստանով և Ղազախստանով։ «Արմենպրեսի» փոխանցմամբ՝ չեխական «Respekt» ամսագրին տված հարցազրույցում ասել է ՀՀ վարչապետ Նիկոլ Փաշինյանը` մեկնաբանելով Ռուսաստանի դեմ կիրառված պատժամիջոցների պայմաններում Հայաստանից դեպի ՌԴ Ռուսաստան արտահանման աճին։
Գործադիրի ղեկավարը շեշտել է, որ ներկա իրավիճակում բեռնափոխադրումների լոգիստիկ շղթաները խաթարվել են կամ չեն գործում։ Օրինակ, խմիչքները, որոնք պատժամիջոցների ցանկում չեն, եթե մինչև 2022 թվականի փետրվարը ՌԴ էին մատակարարվում Լեհաստանով ու Բելառուսով, հիմա` Հայաստանով։
«Խոսքը միայն երթուղիների փոփոխության մասին չէ, եվրոպական փոխադրողների մեծ մասը հրաժարվում է ուղղակիորեն համագործակցել ռուսական շուկայի հետ։ Իսկ ռուսական փոխադրողները չեն կարող դրանք հասցնել Լեհաստան։ Այսպիսով, ստեղծվեցին բոլորովին նոր լոգիստիկ երթուղիներ, այդ թվում՝ նաև Հայաստանի տարածքով։ Բայց պատժամիջոցի տակ գտնվող ապրանքների մասով փորձում ենք հնարավորինս թափանցիկ լինել, համագործակցում ենք ԵՄ-ի, ԱՄՆ-ի և նույնիսկ հենց Ռուսաստանի հետ»,– ասել է Փաշինյանը։
Նա շեշտել է, որ Հայաստանը ԵԱՏՄ անդամ է և շատ սերտ տնտեսական կապեր ունի Ռուսաստանի հետ։ Հավելել է` հայկական բիզնեսը սիրում է մասնակցել այն ծրագրերին, որոնք ստեղծվել են վերջին շրջանում։
«Այնտեղ, որտեղ ազատ տեղ կա, մենք ուրախությամբ բավարարում ենք ռուսական պահանջարկը։ Պատժամիջոցները մեր կարմիր գիծն են։ Եվ մենք դա շատ հստակ ասում ենք ռուսներին. մենք չենք ուզում ձեզ վնասել, բայց մենք չենք կարող մեզ թույլ տալ ինքներս հայտնվել պատժամիջոցների տակ»,– նշել է Փաշինյանը։
Հավելենք՝ ԱՄՆ պատժամիջոցների ցանկում վերջին մեկ տարվա ընթացքում հայկական երկու ընկերություն է հայտնվել։ Ընկերությունների անվանումները ներառվել էին ԱՄՆ ֆինանսների նախարարության SDN (Specifically Designated Nationals, այսինքն` «Հատուկ նշագրված պետական սուբյեկտներ») ցանկում։
Մինչև Ուկրաինայի հակամարտությունը Հայաստանից պատժամիջոցային ցանկում ներառված էին իրանական «Մելլաթ բանկի» դուստր բանկը և իրանական ավիաընկերության Mahan Air մասնաճյուղը (Flight Travel ընկերությունը)։
Պատժամիջոցներից հետո ցանկում ներառվեցին «ՎՏԲ Արմենիան», ինչպես նաև հայկական երկու ընկերություն` «Տակոն» և «Միլոր Էլեքթրոնիքսը» (անգլերեն` Milur Electronics)։
Sputnik Արմենիա
ПОСЛЕДНИЕ ОТ АВТОРА
-
New2025-06-30 12:34Руководство "Электросети Армении" не видело проблемы в том, чтобы принять на работу брата генпрокурора страны. Об этом временно исполняющий обязанности генерального директора компании Давид Казинян заявил на пресс-конференции.
-
NewВРЕМЕННЫЕ ПОТЕРИ ДОЛЖНЫ СТАТЬ СТИМУЛОМ ДЛЯ ПРОДОЛЖЕНИЯ БОРЬБЫ: СЕГОДНЯ ДЕНЬ РОЖДЕНИЯ СЕРЖА САРГСЯНА.2025-06-30 12:18Сегодня — день рождения третьего президента Республики Армения Сержа Саргсяна. Офис президента распространил поздравительное послание:
-
New2025-06-30 12:17Ситуация в Армении - это внутренние дела страны, но нападки на церковь вызывают озабоченность, сказал глава МИД России Сергей Лавров журналистам по итогам заседания Совета министров иностранных дел ОДКБ в Кыргызстане.
-
New2025-06-30 12:15Обязательства жертв мошенничества перед банками заморозят, проценты – обнулят, сообщает пресс-служба МВД. Речь идет о гражданах, на имя которых мошенническим путем были выданы кредиты, уточнило ведомство.