2023-05-16 08:40
Информагентства
ՀՅԴ․ Ադրբեջանի տարածքային ամբողջականությունը չի ներառում ԼՂՀ-ն
Հայաստան-Ադրբեջան բանակցային գործընթացի վերջին զարգացումների ժամանակ արհամարհվել են Ղարաբաղյան հակամարտության կարգավորման վերաբերյալ միջազգայնորեն ճանաչված հիմնական ձևաչափի՝ ԵԱՀԿ Մինսկի խմբի համանախագահությամբ ամրագրված և բազմիցս հայտարարված սկզբունքները։ Այս և մի շարք այլ խնդրահարույց հարցեր է բարձրացրել ՀՅԴ Հայաստանի Գերագույն մարմինը։
Նշենք, որ Բրյուսելում տեղի ունեցած եռակողմ հանդիպումից հետո Եվրոպական խորհրդի նախագահ Շառլ Միշելը պաշտոնապես հայտարարել է, որ Հայաստանը ճանաչել է Ադրբեջանի տարածքային ամբողջականությունը 1991 թ. Ալմա Աթայի հռչակագրի հիման վրա՝ 86.6 հազար քառ. կմ տարածքով։
Ընդգծվում է, որ հայտարարությունը տեղի է ունեցել Ադրբեջանի կողմից Հայաստանի և Արցախի հանրապետությունների նկատմամբ ուժի շարունակական կիրառման և ագրեսիայի, ինչպես նաև արցախահայության տեղահանման, էթնիկ զտման և ցեղասպանության ենթարկելու ահագնացող սպառնալիքների պայմաններում:
Մասնավորապես նշվում է, որ հայտարարությամբ հաշվի չի առնվել, որ Ադրբեջանի Հանրապետության տարածքային ամբողջականությունը չի ներառում Լեռնային Ղարաբաղի Հանրապետությունը։ Ադրբեջանն ու Հայաստանը ԽՍՀՄ-ից անկախացել են տվյալ պահին գործող օրենսդրական ընթակարգերին համապատասխան: Ավելին՝ Ադրբեջանն իր անկախությունը հայտարարել է 1918-1920 թթ. Ադրբեջանի Դեմոկրատական Հանրապետության իրավահաջորդության հիման վրա, որի կազմում Լեռնային Ղարաբաղը չի եղել:
Արհամարհվել են նաև Հայաստանի և ԵՄ միջև կնքված «Համապարփակ և ընդլայնված գործընկերության համաձայնագիրը»:
Ընդգծվում է, որ ՀՀ վարչապետ Նիկոլ Փաշինյանն իրավասու չէ տալ համաձայնություն՝ անտեսելով Արցախի ժողովրդի ինքնորոշման իրավունքը, խախտելով Հայաստանի Հանրապետության Անկախության հռչակագիրը, Սահմանադրությունը, ինչպես նաև Հայաստանի Գերագույն խորհրդի 1992 թ. հուլիսի 8-ի որոշմամբ ստանձնած հանձնառությունները։ Բացի այդ, ըստ որոշման, Հայաստանի Հանրապետության համար անընդունելի է միջազգային կամ ներպետական ցանկացած փաստաթուղթ, որտեղ ԼՂՀ-ն կնշվի Ադրբեջանի կազմում:
«Հայաստանի ներպետական օրենսդրության նշված պահանջները ապօրինի շրջանցելով, Նիկոլ Փաշինյանը գերազանցում է իր լիազորությունները, օժանդակում է Արցախի հայաթափման և արցախահայության հայրենազրկման` ալիևյան ռեժիմի քաղաքականությանը, առերևույթ կատարում է առանձնապես ծանր հանցագործություններ»,–նշված է հաղորդագրության մեջ:
Ընդգծվում է, որ նշված հանգամանքների ներքո տրված համաձայնությունները (նախատեսվող պայմանագրերը) Միջազգային պայմանագրերի իրավունքի մասին Վիեննայի կոնվենցիայի ուժով առ ոչինչ են:
«Դիմելով միջազգային հանրությանը՝ կոչ ենք անում մասնակից չդառնալ և թույլ չտալ 21-րդ դարի մարդկության դեմ ուղղված հերթական միջազգային հանցագործությունների իրականացմանը: Ինքնորշումն Արցախի ժողովրդի անքակտելի իրավունքն է, որը չունի այլընտրանք»,–նշված է հաղորդագրության մեջ։
Sputnik Արմենիա
ПОСЛЕДНИЕ ОТ АВТОРА
-
New2025-05-15 05:33Проливной дождь в Араратской области затопил не только село Кахцрашен, но и ряд прилегающих к нему населенных пунктов - Нарек, Норашен, Двин и другие. В городе Арташате возникли проблемы с водоводами. Об этом сообщил Sputnik Армения начальник отдела сельского хозяйства и охраны природы общины Арташат Нарек Галстян.
-
New2025-05-15 05:27По меньшей мере один человек погиб, ещё 11 получили ранения в результате взрыва на митинге "Пакистанской народной партии" (ПНП) в городе Кветта, сообщает телеканал ARY News со ссылкой на источники.
-
New2025-05-15 05:22В Армении многократно повысили штрафы за производство и импорт сигарет без картинок, предупреждающих о вреде курения. Проект соответствующих изменений, исходящих из техрегламентов Евразийского экономического союза, был одобрен парламентом республики во втором и окончательном чтении.
-
New2025-05-15 05:20Страны ЕАЭС планируют ввести институт уполномоченных экспортеров, что упростит внешнеэкономическую деятельность, сделает ее прозрачнее, снизит издержки для бизнеса и ускорит экспортные процедуры. Об этом в интервью @SputnikLive заявила член Ассоциации таможенных юристов Оксана Курочкина.