2023-05-16 19:33
Информагентства
Արթուր ԱԹԱՆԵՍՅԱՆ․ ՀԱՅ-ԱԴՐԲԵՋԱՆԱԿԱՆ ՀԱՐՑԵՐԻ ԿԱՐԳԱՎՈՐՄԱՆ ՌՈՒՍԱԿԱՆ ԵՎ ԱՐԵՎՄՏՅԱՆ ՄՈՏԵՑՈՒՄՆԵՐԻ ՏԱՐԲԵՐՈՒԹՅԱՆ ՄԱՍԻՆ
Արևմուտքը, առաջին հերթին ԵՄ-ն, ուղիղ կապեր է պահպանում Հայաստանի և Ադրբեջանի միջև, իսկ դա նշանակում է, որ Հայաստանը մենակ է մնում իր թշնամու հետ։ Սա պարտության բանաձևն է։ Այս մասին News.am-ի հետ զրույցում ասաց քաղաքագետ Արթուր Աթանեսյանը։
Նրա գնահատմամբ՝ Ռուսաստանը՝ ի տարբերություն եվրոպական կողմի, աջակցում է միջնորդական բանակցություններին։
«Նման մոտեցումը Հայաստանին ավելի ձեռնտու կլիներ։ Մոսկվան առաջարկել է հետաձգել Արցախի կարգավիճակի հարցի լուծումը, և այդ կոչն ուղղված է եղել հենց Հայաստանին։ Եթե մենք դրանից հրաժարվեցինք Ռուսաստանի և Արևմուտքի միջև առճակատման պայմաններում, ուրեմն Երևանը հակառուսական և հակահայկական մոտեցում ունի։ Որքան Հայաստանը վնասում է Ռուսաստանի հետ հարաբերություններին, այնքան Երևանն ինքն իրեն է վնասում։ Մենք այդ իմաստով պետք է մտածենք մեր մասին։ Ինչո՞ւ չստանալ Մոսկվայի աջակցությունը Արցախի հարցում։ Ռուս-հայկական համագործակցության միջոցով բազմաթիվ հարցեր են լուծվել, այդ թվում՝ ռազմաքաղաքական բնույթի»,-նշեց Աթանեսյանը։
Փորձագետը հավելեց, որ Հայաստանում ռուսական բազայի և Լեռնային Ղարաբաղում խաղաղապահների առկայությունը զուտ սիմվոլիզմ է և ծառայում է որպես ներկայության ցուցադրում:
«Ինչո՞ւ այդ ներկայությանը ֆունկցիոնալություն չտրվի, չաջակցվի։ Ինչո՞ւ ենք շտապում հանձնվել: Մենք ունենք վերականգնվելու բոլոր հնարավորությունները։ Մենք շատ բան ենք կորցրել, բայց շատ բան դեռ ունենք»,-կարծում է քաղաքագետը։
ПОСЛЕДНИЕ ОТ АВТОРА
-
2025-05-31 15:38В Ереване в результате наезда погибла женщина, а ее двухлетний ребенок находится в критическом состоянии. Об этом Sputnik Армения сообщили в Следственном комитете.
-
2025-05-31 15:36В районе Очамчиры в Абхазии планируют создать материально-техническую базу для российского Черноморского флота. Об этом сообщил президент республики Бадра Гунба, передает «Коммерсантъ».
-
2025-05-31 15:29Надпартийные гражданские инициативы "Мост" и "Армения — это я" подписали меморандум о сотрудничестве.
-
2025-05-31 15:26Директор музеев и архивов Первопрестольного Эчмиадзина иерей Асохик Карапетян написал о «дьявольском пире в христианской Армении».