2023-05-18 11:03
Информагентства
ՔԻՍԻՆՋԵՐԸ ԱՄՆ-Ն ԵՎ ՉԻՆԱՍՏԱՆՆ ԱՆՎԱՆԵԼ Է ԱՇԽԱՐՀԻ ԵՎ ՄԱՐԴԿՈՒԹՅԱՆ ԳՈՅՈՒԹՅԱՆ ԳԼԽԱՎՈՐ ՍՊԱՌՆԱԼԻՔԸ
ԱՄՆ նախկին պետքարտուղար և նախագահի ազգային անվտանգության գծով խորհրդական Հենրի Քիսինջերը The Economist պարբերականի հարցազրույցում ԱՄՆ-ն և Չինաստանն անվանել է աշխարհի և մարդկության գոյության գլխավոր սպառնալիքը, քանի որ նրանք վարում են միմյանց դեմ հակամարտության քաղաքականություն։
Քիսինջերը հույս է հայտնել, որ եթե ԱՄՆ և Չինաստանի ղեկավարները հանդիպեն, հավակնությունները թվարկելու փոխարեն ԱՄՆ նախագահը կասի. «Պարոն (Չինաստանի) նախագահ, աշխարհի գլխավոր սպառնալիքներն այժմ մենք երկուսս ենք։ Այն իմաստով, որ մենք մարդկությունը ոչնչացնելու հնարավորություն ունենք։ Կարծում եմ՝ արժե, որ մենք պայմանավորվենք այն մասին, որ փորձենք խուսափել նման իրավիճակից»,- ասել է Քիսինջերը։
Նրա կարծիքով՝ Վաշինգտոնի և Պեկինի հարաբերությունների ընթացիկ իրավիճակը չափազանց վտանգավոր է և հիշեցնում է իրադրությունն Առաջին համաշխարհային պատերազմից առաջ, երբ կողմերը «քաղաքական զիջումների զգալի հնարավորություններ չունեն, իսկ հավասարակշռության ցանկացած խախտում կարող է աղետալի հետևանքներ ունենալ»։ Նրա կարծիքով՝ Թայվանի շուրջ հնարավոր ռազմական հակամարտության հետևանքով կվերացվի ինչպես կղզին, այնպես էլ համաշխարհային տնտեսությունը, որը կզրկվի միկրոպրոցեսորների մատակարարման աղբյուրներից։
«Մենք կանգնած ենք մեծ տերությունների դիմակայության ճանապարհին։ Եվ անհանգստանալու առիթներին ավելանում է նաև այն, որ կողմերից յուրաքանչյուրն իրեն համոզել է, որ մյուսը ռազմավարական սպառնալիք է ներկայացնում»,- նշել է Քիսինջերը։
Նա խորհուրդ է տվել երկու կողմերին փորձել լիցքաթափել լարվածությունը Թայվանի շուրջ ավելի զգուշավոր հռետորաբանության և խորհրդականների խմբերի ստեղծման միջոցով։ Քիսինջերն ընդգծել է, որ ԱՄՆ-ն պարտավոր է ստուգել, թե արդյոք Չինաստանի ներկա իշխանությունները տրամադրված են ավելի արմատական, քան նախորդները, և շարունակի «պահել հավասարակշռությունն» աշխարհում։
Սպիտակ տունը պետք է երկխոսություն սկսի Պեկինի հետ, սակայն այդ մոտեցումը կարող է անհաջողության մատնվել, նախազգուշացրել է դիվանագետը։ Ուստի ԱՄՆ-ն, համենայն դեպս, պետք է բավական ուժեղ լինի ռազմական առումով, որպեսզի հաղթահարի ձախողման հետևանքները, նշել է Քիսինջերը։
ПОСЛЕДНИЕ ОТ АВТОРА
-
2025-05-17 15:28Министр образования, науки, культуры и спорта Жанна Андреасян посетила школы сел Мердзаван и Мхчян, в которых на днях произошли скандальные инциденты. Об этом сообщает пресс-служба армянского ведомства.
-
2025-05-17 15:27«С точки зрения комплектования Вооруженных сил и эффективного использования имеющегося потенциала нужно делать платной не возможность освобождения от армии или сокращение срока службы. Можно использовать уже существующие законодательные возможности – при внесении одной-двух поправок», – написал секретарь фракции «Честь имею» Национального Собрания Армении Тигран Абрамян на своей странице в социальной сети Facebook.
-
2025-05-17 15:26Поэт, член Союза писателей Армении Карен Хуршудян стал Кавалером ордена «За заслуги» Франции.
-
2025-05-17 15:25Рубен Варданян стал дедушкой, находясь в азербайджанском СИЗО, а семья лишена возможности сообщить ему радостную новость. Об этом сообщил его сын Давид в интервью GB News. Давид подчеркнул, что его дочь родилась уже после ареста Рубена.