2023-05-19 08:51
Информагентства
ԵՄ-ն կրկնապատկել է Սյունիքին տրամադրվող օժանդակության չափը՝ դարձնելով 116 մլն եվրո
Եվրամիությունը կրկնապատկել է «Դիմակայուն Սյունիք թիմ Եվրոպա» նախաձեռնության շրջանակում Սյունիքի մարզում իրականացվող ծրագրերի բյուջեն։ Եվրոպայի օրվան նվիրված միջոցառման շրջանակում այսօր՝ մայիսի 18-ին, այս մասին ասաց Հայաստանում Եվրոպական միության դեսպան Անդրեա Վիկտորինը՝ նշելով, որ նախաձեռնության հնգամյա բյուջեն 51 միլիոնից դարձել է 116 միլիոն եվրո։
«40 միլիոնը լինելու է դրամաշնորհների տեսքով, 76 միլիոնը՝ վարկային միջոցների։ Ես համոզված եմ, որ հընթացս նոր անդամ –պետություններ կմիանեն մեզ՝ բաց հատվածները լրացնելու աջակցությամբ։ Իմ սրտում Սյունիքի համար շատ ջերմ անկյուն կա՝ հատկապես վերջին երկու տարիներին, երբ Սյունիքի համար շատ ծանր ժամանակներ են»,- ասաց Անդրեա Վիկտորինը։
Նախաձեռնության հիմնական նպատակը Սյունիքի մարզի կայուն սոցիալ-տնտեսական և ինստիտուցիոնալ զարգացումն է՝ տեղական զարգացման առաջնահերթություններին համապատասխան: «Թիմ Եվրոպա» նախաձեռնությունը մեկնարկել է այս տարվա հունվարին։
Դեսպանի խոսքով՝ ընտրվել են թիրախային ոլորտներ եվրոպական համատեղ ուժերով դրանց ուղղությամբ աշխատելու համար։ Աջակցությամբ հնարավորություն է ստեղծվում տրամադրելու դրամավարկային միջոցներ, վարկեր և դրամաշնորհներ, համատեղելու տեխնիկանական աջակցությունը և փորձագիտական ներուժը։
«Մենք հաջորդիվ աջակցելու ենք փոքր և միջին ձեռնարկությունների կարողությունների զարգացմանը։ Ներդրումներ ենք անելու փոքրածավալ համայնքային կրթության, զարգացման, կանաչ գյուղատնտեսության ոլորտներում, բնական ռեսուրսների ենթակառուցվածքներում։ Ես լիահույս եմ, որ այս ամենը դրական ազդեցություն կունենա մարզի համար»,- ընդգծեց Վիկտորինը։
Սյունիքի մարզպետ Ռոբերտ Ղուկասյանը նշեց, որ ծրագրերը դեռ չեն իրականացվել, շուրջ մեկ տարի հստակեցվել են աշխատանքների կոնկրետ ուղղությունները։ Ըստ նրա՝ հավանաբար շաբաթներ անց Ավստրիայի զարգացման գործակալությունն իր գրասենյակը կբացի Կապանում և կմեկնարկեն ծրագրերը։
«Հասկանում ենք, որ մեզ շատ բարդ աշխատանք է սպասվում առջևում, որովհետև մեզ համար շատ կարևոր և սկզբունքային է, որ մենք այս աջակցությամբ կարողանանք իրականացնել այնպիսի ծրագրեր, որոնք կլինեն հնարավորինս արդյունավետ և թիրախային, որովհետև սա վերաբերում է Սյունքի մարզի դիմադրողականության բարձրացմանը»,- ասաց Ռոբերտ Ղուկասյանը։
News.am
ПОСЛЕДНИЕ ОТ АВТОРА
-
2025-06-26 20:14Страны ЕАЭС и Индия приняли решение начать консультации по проекту торгового соглашения. Об этом министр по торговле Евразийской экономической комиссии Андрей Слепнев заявил на брифинге в рамках Евразийского экономического форума, проходящего в Минске.
-
2025-06-26 20:11По приглашению начальника Генерального штаба ВС Турецкой Республики генерала армии Метина Гюрака делегация Азербайджана во главе с первым заместителем министра обороны – начальником Генерального штаба ВС Азербайджана генерал-полковником Керимом Велиевым прибыла с визитом в Турцию.
-
2025-06-26 20:05Депутат фракции «Армения» Национального собрания Лилит Галстян написала:
-
2025-06-26 20:03Центральный комитет АРФ Дашнакцутюн Канады осуждает кампанию преследований, развязанную действующим режимом Армении против АРФД в Армении и оппозиционеров.