2023-06-02 19:19
Информагентства
Արթուր ԽԱՉԻԿՅԱՆ․ ԱԴՐԲԵՋԱՆՑԻՆԵՐԸ ՀԱՅԱՍՏԱՆԻ 230 ԳՅՈՒՂ ՀԱՄԱՐՈՒՄ ԵՆ ԻՐԵՆՑԸ ԵՎ ԿՑԱՆԿԱՆԱՆ ՏԵՂԱՓՈԽՎԵԼ ԱՅՆՏԵՂ (ՏԵՍԱՆՅՈՒԹ)
Ադրբեջանցիները Հայաստանի 230 գյուղ համարում են իրենցը և հաջորդ փուլում կցանկանան տեղափոխվել այնտեղ։ Հետո բախումներ կլինեն հայերի հետ, ապա կգա թուրքական բանակը՝ իր ժողովրդի անվտանգությունը պաշտպանելու պատրվակով, ինչպես դա արեցին Սիրիայի 30 կիլոմետրանոց գոտում։ Այս մասին News.am-ի հետ զրույցում ասաց քաղաքագետ Արթուր Խաչիկյանը։
Նա վստահ է, որ Ադրբեջանը զիջումների չի գնում և շարունակելու է հանդես գալ ուժի դիրքից։
«Այն բանից հետո, երբ Բաքուն կմարսի Արցախը, նույնը կսկսի խոսել Սյունիքի և միջանցքի մասին։ Հետո հերթը կհասնի Հայաստանի մնացած հատվածին։ Սյունիքը կորցնելուց հետո մեզ որևէ դաշնակից որևէ օգնություն ուղարկել չի կարող։ Սա խաղաղություն չէ, այլ նվաստացում։ Մենք կամաց-կամաց ընկնում ենք մահացու ծուղակը։ Մեր զիջումները չեն փոխում Ադրբեջանի պահվածքը, նա մեզ հանգիստ չի թողնի, այլ ուզում է մեզ խեղդել։ Հիմա նրանք ասում են, որ Հայաստան պետք է վերադառնան մի քանի հարյուր հազար ադրբեջանցիներ»,-ընդգծեց քաղաքագետը։
Փորձագետը նկատեց, որ ամբողջ Արևմուտքն Ալիևին բարեկամ է համարում, չէ՞ որ Բաքուն այլընտրանքային գազ է տալիս։ Ընդ որում, նրանք ձևացնում են, թե չգիտեն, որ այդ գազի մեծ մասը ռուսական է։
«Արևմուտքի համար արցախահայության իրավունքները դարձել են ոչինչ, նրանք վաճառել են դրանք գազի և նավթի դիմաց։ Սա Ալիևի խավիարային քաղաքականության արդյունքն է։ Մեր ժողովրդին հերթական անգամ ծախեցին, և ոչ ոք դրա մասին չի խոսում՝ ո՛չ Արևմուտքը, ո՛չ Ռուսաստանը։ Սակայն չի կարելի անընդհատ մեղադրել ուրիշներին, Հայաստանում իշխանափոխություն է պետք, պետք է գան իրավասու ուժեր, որոնք կկարողանան աշխատել շահագրգիռ երկրների հետ և զսպել Թուրքիային»,-հավելեց Խաչիկյանը։
Նա հավանական համարեց առաջիկայում Երևանի և Բաքվի միջև փաստաթղթի ստորագրումը։
ПОСЛЕДНИЕ ОТ АВТОРА
-
2025-05-24 15:54Иран в субботу официально запустил первое в стране воздушное такси, открыв новую страницу в развитии национальной авиации, сообщает IRNA.
-
2025-05-24 15:52Крупное отключение электроэнергии произошло во французском департаменте Приморские Альпы, где в субботу завершается Каннский кинофестиваль, сообщает РИА Новости со ссылкой на зарубежные СМИ.
-
2025-05-24 15:49Административный суд в Ереване вновь признал недействительным кратное повышение платы за парковку в столице, но вердикт останется на бумаге.
-
2025-05-24 15:4520 мая 2025 года суд в Азербайджане приговорил Игбала Абилова к 18 годам лишения свободы по делу о госизмене. Ученого арестовали в 2024 году, когда он приехал в Азербайджан на свадьбу двоюродного брата.