2023-06-03 09:39
Информагентства
Կհաղթահարենք միայն ազգային միաբանությամբ. կաթողիկոսի գլխավորությամբ քննարկում է անցկացվել
Մայր Աթոռում այսօր տեղի է ունեցել նորաստեղծ «Գավիթ» հարթակի անդրանիկ քննարկումը, որի ժամանակ քննարկվել են Հայաստանին և Արցախին առնչվող հարցեր։ Տեղեկությունը հայտնում է Մայր Աթոռի տեղեկատվական համակարգը։
Նիստն անցկացվել է հունիսի 2-ին Ամենայն հայոց կաթողիկոս Գարեգին Երկրորդի նախագահությամբ։
Քննարկմանը մասնակցել են եկեղեցականներ, ազգային, հասարակական, քաղաքական գործիչներ և տարբեր ոլորտների այլ ներկայացուցիչներ։
Քննարկումները մեկնարկել են տերունական աղոթքով, ինչից հետո հարթակի համակարգող, Շիրակի թեմի առաջնորդ Գերաշնորհ Տ. Միքայել արքեպիսկոպոս Աջապահյանը ներկայացրել է հարթակի ձևավորման պատմությունը, նպատակը և ձևաչափը։ Հարթակի մեկնարկային օրը մասնակիցները քաննարկել են «Հայաստանը և Արցախը շրջադարձային խաչմերուկում. մարտահրավերներ և հաղթահարման ուղիներ» թեման։
Կաթողիկոսը հույս է հայտնել, որ Հայաստանի և Արցախի առաջ ծառացած մարտահրավերների շուրջ կկարողանան կառուցողական առաջարկներ ձևակերպել։
«Դրանք կարևորությամբ պետք է նկատի առնվեն ինչպես իշխանությունների, այնպես էլ քաղաքական տարբեր ուժերի ու գործիչների կողմից։ Ամենքս գիտակցում ենք՝ միայն համազգային միաբանությամբ կարող պիտի լինենք հաղթահարել ազգի առջև ծառացած ծանր ու դժվարին փորձությունը»,- ասել է Վեհափառ հայրապետը։
Նա նաև ընդգծել է, որ հայոց եկեղեցին ինչպես դարեր շարունակ, այնպես էլ հիմա, պետք է շարունակի իր կարողությունները, հայրենիքի ու սփյուռքի իր ողջ ներուժը ծառայեցնել հանուն հայոց պետականության զորացման։
Թեմայի շրջանակում զեկույցով հանդես է եկել արևելագետ, բ. գ. թ., պ. գ. դ., պրոֆեսոր Ռուբեն Մելքոնյանը։ Զեկուցողն անդրադարձել է հայ-թուրքական հարաբերությունների կարգավորման գործընթացին և այն նախապայմաններին, որոնք Թուրքիան ներկայացրել է Հայաստանին դեռևս 1990-ականներին։ Արևելագետը նշել է, որ այդ նախապայմաններն այժմ սպառնալիք են։
«Հայ-թուրքական հարաբերությունների կարգավորման ճանապարհին Թուրքիայի ներկայացրած նախապայմանների բավարարումն էական հարված կհասցնի հայկական ինքնությանը և պետականությանը», - նշել է Մելքոնյանը։
Քննարկումների ժամանակ մեկ այլ զեկույցով հանդես է եկել կ.գ.թ., դոցենտ Շավարշ Քոչարյանը։ Իր զեկույցում Քոչարյանն անդրադառնալով հայրենիքի առջև ծառացած մարտահրավերների հաղթահարմանը`ընդգծել է, որ պետք է ձերբազատվել «փրկիչների» փնտրտուքից։ Նա վստահեցրել է` փրկություն կարող է լինել ժողովրդի հավաքական կամքի դրսևորման արդյունքում։
Զեկույցների ավարտից հետո ծավալվել են քննարկումներ, եղել են ելույթներ Հայաստանում, Արցախում և տարածաշրջանում տիրող բարդ իրավիճակի շուրջ։
Ներկաները նաև հույս են հայտնել, որ հարթակի քննարկումները շարունակական կլինեն։
Sputnik Արմենիա
ПОСЛЕДНИЕ ОТ АВТОРА
-
New2025-07-09 15:19Секретарь фракции "Честь имею", член Республиканской партии Армении Тигран Абрамян призвал не забегать вперед в вопросе объединения вокруг создаваемой бизнесменом Самвелом Карапетяном новой силы.
-
New2025-07-09 15:16Мы поддерживаем контакты с азербайджанской стороной на тот счет, в том числе по линии правоохранительных органов. Об этом на брифинге 9 июля заявила официальный представитель МИД России Мария Захарова, отвечая на вопрос о том, как РФ оценивает перспективы налаживания отношений с Азербайджаном после ситуации вокруг задержания российских журналистов.
-
New2025-07-09 15:14Те, кто знаком с иеромонахом Асогиком Карапетяном, знают, что более милосердного и гуманного человека найти трудно. Об этом написал на своей странице в «Facebook» бывший министр обороны, член Республиканской партии Армении Виген Саркисян.
-
New2025-07-09 15:11Буквально несколько минут назад мне сообщили, что с 11 июля (через 2 дня) я буду уволен с должности заместителя директора Центра по работе со студентами ЕГУ. Об этом на своей странице в Facebook написал заместитель директора Центра по работе со студентами ЕГУ Хачик Абаджян.