2023-06-14 09:55
Информагентства
ԵԽ-ի անդամը խստորեն քննադատել է ԵՄ-ին՝ Ադրբեջանի հետ կապված պասիվության համար
Եվրախորհրդարանի անդամ Ֆրանսուա-Քսավիե Բելամին այսօր՝ հունիսի 13-ին, Ադրբեջանի կողմից Լեռնային Ղարաբաղի շրջափակման շուրջ ստեղծված իրավիճակի քննարկման ժամանակ խստորեն քննադատել է Եվրամիության կառույցների անգործությունը:
«Լաչինի միջանցքը փակ է արդեն 6 ամիս, և Լեռնային Ղարաբաղի հայերը հայտնվել են պաշարման մեջ։ Այդ պաշարումը հանգեցրել է գրեթե ամեն ինչի կորստի՝ ընդհուպ մինչև խմելու ջրի կորստի, և ոչինչ չի կատարվում Եվրամիությունում»,-նշել է նա։
Բելամիի խոսքով՝ Եվրախորհրդարանում իրենց առջև հստակ խնդիր է դրված՝ դատապարտել այդ բոլորովին անընդունելի իրավիճակը։
Սակայն Եվրահանձնաժողովը լռում է։ Եվրախորհրդն, ըստ էության, օրհնում է մեղավոր կողմի և զոհի միջև բանակցությունները, ընդգծել է նա։
«Թվում է, թե բռնությունն օրենքից վեր է, և թվում է, թե տարրական արդարությունը կպարտվի»,-նշել է նա։
Բելամին հիշեցրել է, որ ՄԱԿ-ի Միջազգային դատարանը դատապարտել է Ադրբեջանի շրջափակումը, սակայն այդ պետական ահաբեկչությունը չի հանգեցրել Բաքվի դեմ որևէ պատժամիջոցների:
«Եվրախորհուրդը և Եվրահանձնաժողովը կարծես թե ի վիճակի չեն պատշաճ կերպով դատապարտել Լեռնային Ղարաբաղի ժողովրդի հիմնարար իրավունքների այս շատ լուրջ խախտումը: Ես Ձեզնից ակնկալում եմ հզոր խոսքեր և հզոր գործողություններ՝ համոզվելու համար, որ Ադրբեջանը հետ կկանգնի իր հանցավոր գործողություններից»,-ասել է Բելամին՝ դիմելով ԵՄ դիվանագիտության ղեկավար Ժոզեպ Բորելին։
News.am
ПОСЛЕДНИЕ ОТ АВТОРА
-
New2025-07-16 12:12Идея пантюркизма никогда не получала и сейчас не получает однозначного одобрения всех сверхдержав с учетом вытекающих из этого необратимых последствий. Об этом на своей странице в «Facebook» написал бывший министр юстиции Армении Геворк Даниелян.
-
New2025-07-16 11:40Генпрокуратура Армении намерена отобрать у правительства Нагорного Карабаха здание представительства НК в Ереване.
-
New2025-07-16 11:38В Армении в результате сильного ветра вечером 15 июля зафиксировали 10 чрезвычайных происшествий. Об этом сообщает Спасательная служба МВД.
-
New2025-07-16 11:38Министр окружающей среды Армении Акоп Симидян освобожден от занимаемой должности. Соответствующий указ подписал президент Армении.