2023-06-16 17:44
Информагентства
Պուտին․ ԵԱՏՄ երկրների հետ հաշվարկների շուրջ 90%-ն արվում է ռուբլով
Ռուսաստանի Դաշնության նախագահ Վլադիմիր Պուտինը նշել է արտաքին առևտրում ազգային արժույթների օգտագործման նկատելի առաջընթացը:
«Այսօր Եվրասիական տնտեսական միության երկրների հետ հաշվարկների մոտ 90 տոկոսը մեզ մոտ ռուբլով է արվում։ Չինաստանի հետ հաշվարկների ավելի քան 80 տոկոսը ռուբլով և յուանով է», –ասել է Պուտինը՝ ելույթ ունենալով Սանկտ Պետերբուրգի միջազգային տնտեսական համաժողովում։
ՌԴ նախագահը նշել է, որ «այլանդակ նեոգաղութատիրական միջազգային համակարգն» այլևս գոյություն չունի. աշխարհում փոփոխություններն անդառնալի, խորքային են:
«Այս պայմաններում անհրաժեշտ է միայն առաջ շարժվել, իսկ դա նշանակում է, որ մեզ անհրաժեշտ է ակտիվ տնտեսական քաղաքականություն, որը կարող է կառուցվել և իրականացվել գործարար համայնքի ներկայացուցիչների, մեր գործարարների հետ սերտ կապի միջոցով։ Ըստ էության, խոսքը զարգացման որակապես նոր մակարդակի անցնելու մասին է, ինքնիշխան տնտեսության մասին, որը ոչ միայն արձագանքում է շուկայական իրադրությանը և հաշվի է առնում պահանջարկը, այլև ինքն է ձևավորում այն», - ասել է ՌԴ առաջնորդը։
Նախագահը նշել է, որ տարբեր շուկաներում Ռուսաստանն ունի ոչ միայն գործընկերներ և բարեկամներ, այլև չարակամներ, որոնք չեն ցանկանում, որ աշխարհի մյուս երկրներն այլընտրանք ունենան իրենց ինքնաթիռներին, նավերին, դեղամիջոցներին, բանկային համակարգերին, տեխնոլոգիաներին և այլ ապրանքներին ու ծառայություններին: Այս համատեքստում նա ընդգծել է, որ Ռուսաստանը ներգրավված է եղել և շարունակելու է լինել համաշխարհային տնտեսության մեջ:
Նշենք, որ Սանկտ Պետերբուրգի միջազգային տնտեսական համաժողովն անցկացվում է հունիսի 14-17-ը։
Sputnik Արմենիա
ПОСЛЕДНИЕ ОТ АВТОРА
-
2025-05-23 19:30Бывший президент Армении обвиняется в получении взятки примерно в $3 млн., сообщает Антикоррупционный комитет республики.
-
2025-05-23 19:21Баку с нуля создает "исторический Азербайджан", а Армения отказывается от собственной истории, сказал в интервью Sputnik Армения политолог Карен Игитян.
-
2025-05-23 19:13По состоянию на 17 часов 23 мая на особо охраняемые территории в столице и регионах доставлены 217 транспортных средств участников мероприятий «Последний звонок», 127 из которых управляли несовершеннолетние. Об этом сообщает пресс-служба полиции МВД.
-
2025-05-23 19:07Ложь и фальсификация никогда не смогут стать правдой, как бы часто и восторженно они ни повторялись. Об этом говорится в заявлении Первопрестольного Святого Эчмиадзина в ответ на последние заявления главы Управления мусульман Кавказа Шейха уль-ислама Аллахшукюра Пашазаде.