2023-06-21 15:11
Информагентства
Վրաց-ադրբեջանական պետական սահմանի սահմանազատումը կրկին արդիական է
Վրաստանն ու Ադրբեջանը քննարկել են վրաց-ադրբեջանական պետական սահմանի սահմանազատման և սահմանագծման հարցը, մասնավորապես՝ երկկողմ պետական հանձնաժողովի հերթական նիստի անցկացման հնարավորությունը։ Այս մասին հայտնում է Վրաստանի արտաքին գործերի նախարարությունը։
Ըստ jnews-ի՝ սահմանզատման հանձնաժողովի շրջանակներում քննարկվում է Դավիթ Գարեջիի վանական համալիրի հարցը։ 6-րդ դարի Դավիթ Գարեջի քարանձավային համալիրը գտնվում է Արևելյան Վրաստանի կիսաանապատային սարահարթում և մասամբ գտնվում է հարևան Ադրբեջանի տարածքում։ Այն ունի մոտ 20 վանք և ավելի քան 5 հազար խուց և ձգվում է պետական սահմանի երկայնքով մոտ 25 կիլոմետր։
Վրաց-ադրբեջանական սահմանի սահմանազատման և սահմանագծման համատեղ հանձնաժողովը ստեղծվել է դեռ 1996 թվականին։ Առաջին 15 տարիների ընթացքում նա կատարել է աշխատանքի գրեթե 70%-ը, սակայն 2007 թվականից գործընթացը կանգ է առել։ Վրաստանի և Ադրբեջանի միջև ընդհանուր սահմանի երկարությունը կազմում է մոտ 440 կիլոմետր։ Դրա շուրջ մեկ երրորդը, ներառյալ Դավիթ Գարեջի համալիրով անցնող հատվածը, դեռևս մնում է չհամակարգված։
Թբիլիսին վաղուց է հայտարարել, որ համալիրի մի մասը հայտնվել է Ադրբեջանի տարածքում խորհրդային ժամանակաշրջանի վարչական սահմանազատման արդյունքում։
Ինչպես հիշեցնում է լրատվամիջոցը, 2020 թվականի աշնանը Վրաստանի դատախազությունը հետաքննություն է սկսել Վրաստանի և Ադրբեջանի տարածքների սահմանազատման հարցով։ Հետաքննության ձեռքում եղել են գործարար Դավիթ Խիդաշելիի 1937-1938 թվականների քարտեզները, որոնք նա բերել է Մոսկվայից։ Հենց դրանց հիման վրա Վրաստանի դատախազությունը սկսեց պնդել, որ սահմանազատման գործընթացն իրականացվում է ի վնաս Վրաստանի տարածքային շահերի։
Այդ կապակցությամբ մեղադրյալի աթոռին են հայտնվել Վրաստանի սահմանազատման հանձնաժողովի նախկին նախագահ Իվերի Մելաշվիլին և հանձնաժողովի նախկին անդամ Նատալյա Իլյիչևան։ Հոկտեմբերի 7-ին նրանց կալանավորել են, իսկ 8-ին պաշտոնապես մեղադրանք է առաջադրվել։
Վրաստանի դատախազության տվյալներով՝ սահմանազատման գործընթացում ամբաստանյալները չեն օգտագործել 1937-1938 թվականների քարտեզը, որն արտացոլում է երկրի պատմական սահմանները, այլ առաջնորդվել են միայն 1970-1980 թվականներին հրապարակված քարտեզների սահմանագծերով։
Այս աշխատանքի հիման վրա 2006-2007 թվականներին, այսինքն՝ Միխայիլ Սահակաշվիլիի նախագահության օրոք, Թբիլիսիի և Բաքվի միջև համաձայնություն է ձեռք բերվել վիճելի տարածքների կարգավորման վերաբերյալ։
«Վրաստանը կարող է կորցնել մինչև 3500 հեկտար տարածք»,- այն ժամանակ հայտարարել էր դատախազ Ջարջի Ցիկլաուրին։ Վրաստանի իշխանությունները խոստացել են վերանայել գործարքը։
«Փաստինֆո»
ПОСЛЕДНИЕ ОТ АВТОРА
-
New2025-05-20 05:39Последние "баталии" в Национальном собрании Армении – включая нецензурные оскорбления и рукоприкладство – укладываются в логику предвыборной борьбы. Об этом в беседе со Sputnik Армения заявил политтехнолог Виген Акопян, комментируя инцидент между депутатами правящей фракции и оппозиционного блока "Айастан" на прошлой неделе.
-
New2025-05-20 05:30После телефонного разговора с Трампом президент России Владимир Путин вышел к журналистам и сообщил, что разговор длился более 2 часов. Он назвал разговор с Трампом содержательным, откровенным и весьма полезным. Трамп отметил, что Россия выступает за мирное урегулирование кризиса на Украине, добавил Путин.
-
New2025-05-20 05:26ООН приветствует состоявшийся телефонный разговор между президентом России Владимиром Путиным и американским лидером Дональдом Трампом. Об этом заявил на брифинге в ответ на вопрос корреспондента ТАСС официальный представитель главы всемирной организации Стефан Дюжаррик.
-
2025-05-19 19:53Власти Грузии отрицают задержки грузов с армянским коньяком на своей территории и заявляют о стандартных таможенных процедурах.