2023-07-05 18:13
Информагентства
Չլդրանում նախապատրաստվում են հացահատիկայինների բերքահավաքին
Մարտակերտի շրջանի Չլդրան համայնքում հացահատիկային մշակաբույսերից՝ ցորենի, գարու, հաճարի հունձը կմեկնարկի 10-15 օրից:
Այս մասին «ԱՐՑԱԽՊՐԵՍ»-ի հետ զրույցում տեղեկացրել է համայնքապետ Աշոտ Ղուլյանը՝ հավելելով, որ վերջին երկու ամիսներին տեղացած կարկուտը բավականին վնասներ է հասցրել բոլոր տեսակի մշակաբույսերի ցանքսերին՝ այդ թվում հացահատիկայինների:
«Մարտակերտի շրջվարչակազմին ներկայացրել ենք հայտ, ըստ որի՝ յուրաքանչյուր հողօգտագործողի համապատասխան հեկտարի չափով հնձի աշխատանքներում ներգրավված տեխնիկայի վառելիք ձեռք բերելու հնարավորություն կընձեռվի»,-հայտնել է մեր զրուցակիցը:
Նրա խոսքով՝ գյուղի բնակիչները շրջափակման ընթացքում սկսել են առավել ակտիվ զբաղվել հողագործությամբ։
« Ելնելով շրջափակման նախորդ ամիսների փորձից, երբ խիստ պակասում էին պտուղ-բանջարեղենն ու այլ գյուղմթերքներ, չդրանցիները գիտակցում են, որ պետք է ինչ-որ չափով ապահովեն գոնե իրենց ընտանիքների պահանջարկը և ընդգրկուն ցանքս են կատարել:
Արցախի Հանրապետության Գյուղի և գյուղատնտեսության հիմնադրամի կողմից ձեռք ենք բերել կարտոֆիլի սերմեր: Այդուհանդերձ՝ կարկուտը վնասեց նաև բանջարաբոստանային որոշ մշակաբույսեր»,-մանրամասնել է Ա. Ղուլյանը՝ հավելելով, որ արդեն դիմել են կառավարությանը վնասների աջակցության համար և իրականացվել է դրանց չափերի գնահատում:
Ըստ համայնքապետի՝ գյուղի տարածքի բարձրադիր լինելու, ինչպես նաև տեղումների պատճառով, այս տարի որոշ մրգատեսակներ չեն ունենա, իսկ բանջարաբոստանային մշակաբույսերի՝ մասնավորապես կարտոֆիլի, լոբու, վարունգի և լոլիկի բերքահավաքը կուշանա, որը նախատեսվում է օգոստոս ամսին։
Անդրադառնալով անասնապահությանը, մեր զրուցակիցը նշել է, որ Չլդրանում գրեթե բոլոր բնակիչները զբաղվում են գյուղատնտեսության այդ ճյուղով՝ հիմնականում իրենց ընտանիքների ու գյուղի պահանջարկն ապահովելու համար։ Ներկայում գյուղում զբաղված են խոտհարքով:
Համայնքի ղեկավարի գնահատմամբ՝ ձմռանը որոշ չափով անասնակերի պակաս կունենան, քանի որ տեղումները բացասաբար են անդրադարձել նաև խոտատարածքների վրա:
ПОСЛЕДНИЕ ОТ АВТОРА
-
2025-06-28 17:24Первопрестольный Эчмиадзин строго осуждает решение суда об аресте предстоятеля Ширакской епархии Армянской Апостольской церкви архиепископа Микаэла Аджапахяна. Об этом говорится в заявлении Первопрестольного Эчмиадзина.
-
2025-06-28 17:15Учитывая происходящее, можно четко заявить, что Армения – авторитарное государство. Об этом заявил бывший министр иностранных дел Армении Вардан Осканян. По его словам, власти игнорируют Конституцию и законы. Он выразил уверенность, что все это упирается в проблему Арцаха.
-
2025-06-28 17:14Если бы блицкриг против Ирана удался, очевидно, что была попытка Азербайджана и Турции прорвать так называемой Зангезурский коридор, поэтому они и проводили учения в Нахиджеване. Об этом в гостях у Новости Армении – NEWS.am на передаче «Фактор силы» заявила востоковед, специалист по Ирану Карине Геворкян.
-
2025-06-28 15:37Facebook заблокировал пост Никола Пашиняна некорректного содержания о Католикосе всех армян и других священнослужителях.