2023-07-10 13:41
Информагентства
Մարտակերտի Վարնկաթաղում հողերի մեծ մասը չեն կարողանում մշակել՝ հակառակորդի նշանառության տակ գտնվելու պատճառով
Մարտակերտի շրջանի Վարնկաթաղ համայնքում հողերի մեծ մասը չեն կարողանում մշակել՝ ադրբեջանական դիրքերի դիտարկման տակ գտնվելու պատճառով։
Այս մասին «Արցախպրես»-ի թղթակցի հետ զրույցում ասել է համայնքի ղեկավար Հրանտ Բախշիյանը՝ մանրամասնելով, որ գյուղի բնակիչներն այդ տարածքներն անվտանգ չեն համարում, ուստի այս տարի իրենց վարելահողերի մի փոքր մասն են կարողացել միայն մշակել։
«Անվտանգության նկատառումներից ելնելով, հողօգտագործողներն այդ տարածքները չեն կարողանում մշակել։ Ճիշտ է, գյուղամերձ տարածքներից հողամասեր ենք տրամադրել նրանց, սակայն բնակիչ ունենք, ով մի քանի տասնյակ հեկտարի հասնող վարելահող ունի, որ գտնվում է թշնամու նշանառության ներքո»,- նշել է համայնքապետը:
Նրա տեղեկատվությամբ՝ այնուամենայնիվ գյուղամերձ հատվածներում այս տարի կարողացել են ինչ-որ չափով հացահատիկայինների ցանքս կատարել, բացի այդ նախորդ տարիների համեմատ ընդլայնել են բանջարաբոստանային մշակաբույսերի ցանքատարածքները:
«Արցախի Հանրապետության Գյուղի և գյուղատնտեսության հիմնադրամի ու Կարմիր խաչի կողմից ստացել ենք կարտոֆիլի և մի շարք մշակաբույսերի սերմեր։ Բնակիչ ունենք, ով կարողացել է կարտոֆիլի այնքան ցանքս կատարել, որ բերքի մի մասն իրացնում է հարևան բնակավայրերում, սակայն տրանսպորտային վառելիքի սղության պատճառով չի կարողանում նաև Ստեփանակերտ հասցնել»,- ներկայացրել է Հ․ Բախշիյանը՝ հավելելով, որ արդեն մեկնարկել է բանջարաբոստանային մշակաբույսերից՝ կարտոֆիլի, լոբու և վարունգի բերքահավաքը:
Ըստ համայնքապետի՝ կարկուտի պատճառով այս տարի վնասվել են մրգատու այգիները: Այդուհանդերձ, թթի բերք որոշ չափով կարողացել են ստանալ, որից նախատեսում են դոշաբի և օղու պատրաստել:
Մեր զրուցակցի խոսքով՝ Վարնկաթաղում հետպատերազմյան ժամանակահատվածում քիչ թվով բնակիչներ են զբաղվում անասնապահությամբ՝ ապահովելով իրենց ընտանիքների, որոշակիորեն նաև գյուղի պահանջարկը:
Հրանտ Բախշիյանի գնահատմամբ՝ մեկնարկած խոտհարքի արդյունքները հույս են ներշնչում, որ ձմռանն անասնակերի պակաս չեն ունենա:
News.am
ПОСЛЕДНИЕ ОТ АВТОРА
-
2025-06-28 17:24Первопрестольный Эчмиадзин строго осуждает решение суда об аресте предстоятеля Ширакской епархии Армянской Апостольской церкви архиепископа Микаэла Аджапахяна. Об этом говорится в заявлении Первопрестольного Эчмиадзина.
-
2025-06-28 17:15Учитывая происходящее, можно четко заявить, что Армения – авторитарное государство. Об этом заявил бывший министр иностранных дел Армении Вардан Осканян. По его словам, власти игнорируют Конституцию и законы. Он выразил уверенность, что все это упирается в проблему Арцаха.
-
2025-06-28 17:14Если бы блицкриг против Ирана удался, очевидно, что была попытка Азербайджана и Турции прорвать так называемой Зангезурский коридор, поэтому они и проводили учения в Нахиджеване. Об этом в гостях у Новости Армении – NEWS.am на передаче «Фактор силы» заявила востоковед, специалист по Ирану Карине Геворкян.
-
2025-06-28 15:37Facebook заблокировал пост Никола Пашиняна некорректного содержания о Католикосе всех армян и других священнослужителях.