2023-07-25 13:40
Информагентства
Ասկերանի ղեկավարի օգնական․ Դաշտերը չորանում են, չենք կարողանում մշակել, որովհետև վառելիք չունենք
Արդեն 70 օր է՝ Ասկերանի շրջան սնունդ և առաջին անհրաժեշտության պարագաներ չեն մտել։ Այս մասին NEWS.am-ի հետ զրույցում ասաց Ասկերանի շրջանի վարչակազմի ղեկավարի օգնական Անահիտ Պետրոսյանը։
Ասկերանի շրջանը պատերազմից առաջ ընդգրկում էր 48 համայնք, այժմ այդ համայնքների թիվը 23 է։
«Ինչպես ախտորոշման դեպքում են ասում՝ մարդկանց վիճակը կայուն ծանր է։ Փորձում ենք հարմարվել իրավիճակին։ Հիմա ամենամեծ խնդիրներից մեկը վառելիքն է, այլևս հանրային տրանսպորտ էլ չենք օգտագործում։ Ընդհանուր առմամբ շրջանում շարժը կանգ է առել, մարդիկ իրենց մարդատար մեքենաներն էլ չեն օգտագործում, միայն հազվադեպ ժամանակ, երբ շատ հեռու վայր պետք է գնան։ Անգամ դաշտերն են ոտքով գնում։ Բայց դաշտերը չորանում են, չենք կարողանում մշակել, որովհետև վառելիք չունենք տեխնիկայի համար»,- նշեց Պետրոսյանը։
Անահիտ Պետրոսյանի խոսքով՝ ծայրահեղ ծանր հիվանդներին հասնելու համար պահեստային վառելիք կա, սակայն դա էլ շատ երկար ծառայել չի կարող։ Վերջին անգամ շրջան սնունդ և առաջին անհրաժեշտության պարագաներ են հասել հունիսի 15-ին։
«Հացի հետ կապված խնդիր այս պահին չունենք։ Հացը մարդիկ կարողանում են գնել անսահմանափակ քանակությամբ, միայն թե երբեմն, երբ որ հոսանքազրկումներ են լինում, հերթեր են գոյանում, մինչև հոսանքը նորից գա, արտադրամասում շարունակեն աշխատանքը։ Մրգերի ու բանջարեղենի գները տասնապատկվել են, և գյուղացին է բերքը բարձր գնով վաճառում, հետո էլ վերավաճառողը՝ շուկայում։ Մենք փորձում ենք վերահսկել դաշտը, բայց ամբողջապես չի ստացվում։ Դեղատները կիսադատարկ են, խանութների մեծ մասն էլ փակ, որովհետև ոչինչ չկա վաճառելու»,- ասաց Անահիտ Պետրոսյանը։
ПОСЛЕДНИЕ ОТ АВТОРА
-
2025-06-08 10:05От фракции «Честь имею» НС представлено предложение о выражении недоверия премьер-министру, а в качестве кандидата на пост премьер-министра выдвинут член Совета РПА Давид Амбарцумян.
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.
-
2025-06-07 15:14Более 14 тыс человек пострадали в первый день Курбан-байрама, получив ранения во время закалывания жертвенных животных, сообщил в X министр здравоохранения страны Кемаль Мемишоглу.