2023-07-26 08:36
Информагентства
Դավիթ ԲԱԲԱՅԱՆ․ ՓԱՇԻՆՅԱՆԸ, ԻՆՉՊԵՍ ԿՆՈՋՆ Է ԱՏԱՄՆԵՐՈՎ ՊԱՇՏՊԱՆՈՒՄ, ԱՅՆՊԵՍ ԷԼ ԹՈՂ ՀԱՅՐԵՆԻՔԸ ՊԱՇՏՊԱՆԻ (ՏԵՍԱՆՅՈՒԹ)
Փաշինյանի մամուլի ասուլիսում չկար որևէ զարմանալի բան, տարիներ շարունակ նա Արցախի մասին միշտ ասել է այն, ինչն իր սրտում ու մտքում է։ Այս մասին այսօր՝ հուլիսի 25-ին, News.am-ի հետ զրույցում ասաց Արցախի նախկին ԱԳ նախարար, այժմ՝ նախագահի խորհրդական Դավիթ Բաբայանը։
«Շատ ծանր ու վատ տպավորություն թողեց Նիկոլ Փաշինյանի ասուլիսը։ Եթե այդպես ատամներով պաշտպանում է կնոջը, այնպես էլ թող հայրենիքը պաշտպանի։ Ի՞նչ է նշանակում մատաղ։ Առանց Արցախ չի լինելու Հայաստան։ Հիմա է Արցախը դառնում մատաղ՝ մաս-մաս, պետք չէ արցախատյաց գաղափարները տարածել։ Ճշտմարտությունը քանակով չէ որոշվում։ Բոլորի աչքն է կոխում՝ վերընտրվել է, այո, ունի դրա իրավունքը։ Այդ էմոցիոնալ խոսքերը մեկնաբանելու կարիք չկա էլ։ Հիմա ժողովուրդը պետք է որոշի՝ համաձայն է նրա մտքերին, եթե այո, կնշանակի Արցախը որբ է։ Կան չէ՞ մայրեր, որ իրենց երեխաներին սպանում են, լքում են, նույնն էլ այս դեպքում»,- նշեց նա։
Բաբայանի խոսքով՝ Փաշինյանն աղավաղում էր փաստերն ու գաղափարները, անում կոնտեքստից կտրված մեջբերումներ՝ շրջանցելով, որ իրականում իր և Ալիևի անձնական քաղաքականության պատճառով է այս իրավիճակը ստեղծվել, որովհետև երբևէ ոչ մեկն Արցախն Ադրբեջանի կազմում չի ճանաչել։
«Ինքն ասաց՝ հայ ժողովուրդն առավել քան երբեք միասնական է։ Ի՞նչ է ուզում ասել, որ միասնական է արցախասպանության շուրջ։ Ես չհասկացա՝ ինքն ինչ է ակնկալում Արցախի իշխանությունից։ Շատ հեշտ է ասելը՝ մենք մեր գործն արեցինք, հիմա ինչ ուզում եք արեք։ Պետք է հասկանանք՝ սա իրո՞ք հայ ժողովրդի հավաքական կարծիքն է, եթե այո, ուրեմն հայ ժողովուրդը մուտացիայի է ենթրակվել»,- նշեց Բաբայանը։
Ի պատասխան Փաշինյանի հայտարարությանը, թե Արցախի իշխանությունը Լաչինի միջանցքի երթուղին առանց Հայաստանի փոխում էր, Բաբայանն արձագանքեց․ «Ինչի՞ մասին է խոսքը, իսկ ինքը պայմանավորվե՞լ է մեզ հետ, որ ճանաչում է Ադրբեջանի կազմում, իրավունք ունի՞։ Կամ ասում է Երևանում կազմակերպող ցույցերն ադրբեջանական են․ ամենալավ ադրբեջանական գործառույթը, որի մասին անգամ հայր Ալիևը երազել չէր կարող, Արցախն Ադրբեջանի մաս ճանաչելն է։ Ավելի լավ նվեր ոչ մեկը չի արել Ադրբեջանին»։
ПОСЛЕДНИЕ ОТ АВТОРА
-
New2025-06-09 19:53Заместитель председателя Республиканской партии Армении и политзаключённый Армен Ашотян заявил, что кампания премьер-министра Никола Пашиняна против Армянской Апостольской Церкви носит заказной характер и осуществляется «в тесной координации с Азербайджаном».
-
New2025-06-09 19:52Генпрокурор Анна Вардапетян направила в парламент ходатайство о возбуждении уголовного дела в отношении руководителя оппозиционной фракции «Армения» Сейрана Оганяна и секретаря той же фракции Арцвика Минасяна.
-
New2025-06-09 19:50Зампреду РПА Армену Ашотяну продлили домашний арест на 2 месяца.
-
New2025-06-09 19:49Министр территориального управления и инфраструктур Давид Худатян выразил надежду, что воздушная линия электропередачи между Арменией и Ираном будет запущена уже в 2026 году. Об этом он заявил во время отчета о выполнении бюджета за 2024 год.