2023-08-17 09:11
Информагентства
ԵՄ․ Աղդամով ճանապարհը չպետք է դիտարկել Լաչինի միջանցքը չբացելու պատճառ
Աղդամով անցնող ճանապարհը չպետք է դիտարկել Լաչինի միջանցքը չբացելու պատճառ։ ՄԱԿ-ի Անվտանգության խորհրդի նիստում այս հայտարարությունն արեց Եվրամիության ներկայացուցիչ Սիլվիո Գոնցատոն։
«Հաշվի ենք առնում Աղդամի միջոցով մարդասիրական մատակարարումներ ապահովելու Ադրբեջանի պատրաստակամությունը, բայց դա չի կարելի դիտարկել որպես Լաչինի միջանցքը չբացելու պատճառ։ Լեռնային Ղարաբաղի բնակչությունն իրավունքների և անվտանգության երաշխիքների կարիք ունի։ ԵՄ-ն կրկին կոչ է անում ուղիղ երկխոսություն սկսել Լեռնային Ղարաբաղի հայերի և Բաքվի միջև, դա կարևոր է վստահության հաստատման համար»,- հավելեց նա։
Գոնցատոյի խոսքով՝ իրավիճակը սրում են նաև պարբերական գնդակոծությունները, և ԵՄ մոնիտորինգային խմբերը հայտնում են այդ մասին:
Նա հիշեցրեց՝ Լաչինի միջանցքն արգելափակված է արդեն 8 ամիս՝ չնայած ՄԱԿ-ի Արդարադատության միջազգային դատարանի որոշմանը։ Միակ բացառությունը բուժման նպատակներովտարհանումն է: Դիվանագետը նշեց, որ բնակչությունը տառապում է պարենամթերքի սղությունից։ Բրյուսելում նաև կարծում են, որ հումանիտար հասանելիությունը չի կարելի օգտագործել որպես քաղաքական մեխանիզմ։ Պետք է անհապաղ բացել Լաչինի միջանցքը՝ համաձայն ՄԱԿ-ի Միջազգային դատարանի հայտարարությունների, և ադրբեջանական իշխանությունները պետք է ապահովեն անվտանգությունն ու տեղաշարժի ազատությունը, որպեսզի ճգնաժամը չվերածվի էսկալացիայի։
Գոնցատոն նշեց, որ Եվրոպական խորհրդի նախագահ Շառլ Միշելի միջնորդությամբ եռակողմ հանդիպման ժամանակ ընդգծվել է տարածքային ամբողջականության և ինքնիշխանության պահպանման կարևորությունը, Ալմա Աթայի հռչակագրի դրույթների անխախտելիությունը՝ որպես սահմանազատման սկզբունքների սահմանման հիմք: Նրա կարծիքով՝ պետք է վերջ դնել ապատեղեկատվությանը, նորմալ պայմաններ ստեղծել բանակցությունների համար, պետք է վերադառնալ երկխոսության։
«Ցավոք, հումանիտար իրավիճակի վատթարացումը խաթարում է կողմերի՝ խաղաղ կարգավորման տրամադրվածությունը»,– ասաց նա` շեշտելով, որ անհրաժեշտ է շտապ քայլեր ձեռնարկել վստահության ամրապնդման համար։
Դիվանագետը վերահաստատեց՝ ԵՄ-ն հավատարիմ է կողմերի միջև երկխոսության հաստատմանը՝ ի շահ տարածաշրջանի բոլոր ժողովուրդների։
Sputnik Արմենիա
ПОСЛЕДНИЕ ОТ АВТОРА
-
2025-06-28 17:24Первопрестольный Эчмиадзин строго осуждает решение суда об аресте предстоятеля Ширакской епархии Армянской Апостольской церкви архиепископа Микаэла Аджапахяна. Об этом говорится в заявлении Первопрестольного Эчмиадзина.
-
2025-06-28 17:15Учитывая происходящее, можно четко заявить, что Армения – авторитарное государство. Об этом заявил бывший министр иностранных дел Армении Вардан Осканян. По его словам, власти игнорируют Конституцию и законы. Он выразил уверенность, что все это упирается в проблему Арцаха.
-
2025-06-28 17:14Если бы блицкриг против Ирана удался, очевидно, что была попытка Азербайджана и Турции прорвать так называемой Зангезурский коридор, поэтому они и проводили учения в Нахиджеване. Об этом в гостях у Новости Армении – NEWS.am на передаче «Фактор силы» заявила востоковед, специалист по Ирану Карине Геворкян.
-
2025-06-28 15:37Facebook заблокировал пост Никола Пашиняна некорректного содержания о Католикосе всех армян и других священнослужителях.