2023-08-18 16:23
Информагентства
ՄԱԿ-ՈՒՄ ՀՂՈՒՄ ԱՐՎԵՑ ԼՂ ԻՆՔՆԱՎԱՐ ՄԱՐԶԻՆ. ՕՍԿԱՆՅԱՆԸ ԼԱՎԱՏԵՍՈՒԹՅԱՆ «ՀԱՏԻԿ» Է ԳՏԵԼ
Միջազգային հանրությունը բաց է պահում այսօրվա բանակցային օրակարգը փոխելու հնարավորությունը։ ՄԱԿ-ի Անվտանգության խորհրդի նիստից հետո նման կարծիք է հայտնել նախկին արտգործնախարար Վարդան Օսկանյանը, որի մասին գրել է իր ֆեյսբուքյան էջում։
Օգոստոսի 16-ին Նյու Յորքում կայացավ Հայաստանի խնդրանքով հրավիրված ՄԱԿ Անվտանգության խորհրդի նիստը, որտեղ ՄԱԿ անդամ մի շարք երկրների ներկայացուցիչներ հորդորեցին Ադրբեջանին բացել Լաչինի միջանցքը։
Օսկանյանն ընդգծել է, որ ՄԱԿ-ի Անվտանգության խորհրդի նիստը, որը հայ հասարակության մոտ լավատեսություն և հույսեր էր առաջացրել, ավարտվեց հուսախաբությամբ, չընդունվեց որևէ բանաձև կամ հայտարարություն, և հարցական է, արդյոք երբևէ միջազգային իրավունքի ուժով որևէ բանաձև կլինի, որը Ադրբեջանին կպարտադրի բացել Լաչինի միջանցքը։
Սակայն այդ նիստից նախկին նախարարը «լավատեսության մի հատիկ» է գտել, որի իրականություն դառնալու հնարավորությունը կախված է միայն «Հայաստանի իշխանությունների դիրքից ու գործելակերպից կամ նրանց հրաժարականից»։
«Անվտանգության խորհրդի հինգ մշտական անդամներից որևէ մեկն իր ելույթում հատուկ շեշտադրում չարեց այն փաստին, որ Հայաստանն Արցախը վաղաժամկետ ճանաչել է Ադրբեջանի մաս։ Ներկայի բանակցություններում հիմնական միջնորդներից Եվրամիության ներկայացուցիչը հղում արեց Լեռնային Ղարաբաղի Ինքնավար Մարզին, ինչը, կարծում եմ, պատահականություն չէ։ Միջազգային հանրությունը թերևս բաց է պահում այսօրվա բանակցային օրակարգը փոխելու հնարավորությունը»,–նշել է Օսկանյանը։
Այնուհետև նախկին արտգործնախարարը նշել է, թե իր կարծիքով ինչի մաիսն պետք է ԱԽ–ում խոսեր Արարատ Միրզոյանը։
Օսկանյանի դիտարկմամաբ, Միրզոյանը պետք է նշեր, որ Ադրբեջանը չարաշահում է հայկական կողմի բարի կամքի դրսևորումները, որ Ադրբեջանի տարածքային ամբողջականության վերաբերյալ 2022-ի հոկտեմբերի 6-ի Պրահայի հայտարարությունում ներառված արտահայտությունը ոչ այլ ինչ էր, քան Հայաստանի փորձը՝ բարենպաստ պայմաններ ստեղծելու Ադրբեջանի հետ բանակցային գործընթացում։
Իսկ խորհրդային տարիներին ԼՂ ունեցած ինքնավար կարգավիճակը պետք է լինի նվազագույն այն հենքը, որի վրա կկառուցվի Լեռնային Ղարաբաղի ժողովրդի ճակատագրի և կարգավիճակի վերաբերյալ ցանկացած քննարկում։
Վերջում Օսկանյանը հավելել է, որ թեպետ հնարավոր չի իրադարձությունները հետ պտտել, հայկական կողմն այդ հնարավորությունը կորցրել է, բայց նշված մոտեցումները, դիրքորոշումները, քաղաքականություն հնարավոր ճանապարհներից մեկն է փոխելու այսօրվա շատ վտանգավոր և փակուղու ու պատերազմի տանող բանակցային նարատիվը։
«Այս մոտեցումներով միայն հնարավոր կլինի բանակցային ճանապարհով հասնելու արդար և երկարատև խաղաղության երկու ժողովուրդների միջև»,–գրել է նա։
ПОСЛЕДНИЕ ОТ АВТОРА
-
New2025-06-09 05:55Правительство Армении может сделать больше для освобождения армянских пленных. Об этом в интервью NEWS.am заявил председатель Центрального совета армян Германии Джонатан Шпангенберг.
-
New2025-06-09 05:50«Враждебность Азербайджана по отношению к Армении никогда не была результатом нагорно-карабахского конфликта; это был просто предлог, который Баку представлял поколениям западных дипломатов. Корень неприятия Азербайджана лежал как в идеологии, так и в необходимости для президентов Азербайджана отвлекать свое население от собственных неудач и коррупции, пишет Майкл Рубин, старший научный сотрудник Американского института предпринимательства, в статье, опубликованной в Washington Examiner.
-
2025-06-08 10:05От фракции «Честь имею» НС представлено предложение о выражении недоверия премьер-министру, а в качестве кандидата на пост премьер-министра выдвинут член Совета РПА Давид Амбарцумян.
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.