2023-08-30 13:14
Информагентства
Մետաքսե ՀԱԿՈԲՅԱՆ․ ԱՐՑԱԽԻ ՀԱՅԵՐԸ ԹՈՒՅԼ ՉԵՆ ՏԱ, ՈՐ ԻՇԽԱՆՈՒԹՅՈՒՆՆԵՐԸ ԲԱՑԵՆ ԱՂԴԱՄԻ ՃԱՆԱՊԱՐՀԸ
Ադրբեջանական այսպես կոչված՝ «մարդասիրական» բեռները թույլ չենք տալու, որ մտնեն Ստեփանակերտ: Այս մասին News.am-ի հետ զրույցում ասաց ԱՀ Ազգային ժողովի «Արդարություն» խմբակցության պատգամավոր Մետաքսե Հակոբյանը։
«Գիշերը Ստեփանակերտից մարդկանց մեծ հոսք գնաց այդ հատված, սակայն ասկերանցիները առաջարկել են, որպեսզի իրենք հսկեն և ասել են, որ թույլ չեն տալու՝ որևիցե մեկը մտնի: Ասկերանցիներն այս պահին վրաններով հերթապահություն են անում: Ռուսական կողմն էլ խոստացել է, որ իրենք թույլ չեն տալու, որ որևէ մեքենա անցնի դեպի Ասկերան: Մենք ունենք մենք որոշումը, և որևէ բան չի փոխվել»,- ասաց Մետաքսե Հակոբյանը։
Հակոբյանը շեշտեց, որ Արցախի հայերը թույլ չեն տալու Արցախի իշխանությունները բացեն Աղդամի ճանապարհը. «Չեմ կարծում, որ Արցախի իշխանությունները կգնան նման արկածախնդրությանը»:
Անդրադառնալով Ֆրանսիայի կողմից դեպի Կոռնիձորի ուղղությամբ ուղարկվող հումանիտար բեռներին՝ Արցախի պատգամավորն ասաց.
«Մենք իրականում հոգնել ենք, մեզ մոտ բացի զայրույթից այլ զգացում չկա: Այն գործիքակազմը, որն ունեն սկսած ՀՀ իշխանություններից վերջացրած տարբեր երկրներով ու, մասնավորապես, Ֆրանսիայով, իրենք այդ գործիքակազմը կարող են օգտագործել, որպեսզի ի վերջո գործնական քայլեր կատարվեն, այսինքն՝ օրինակ Ադրբեջանի նկատմամբ սանկցիաներ կիրառվեն: Այդ բեռներն ուղարկողները շատ լավ հասկանում են, որ դրանք այդտեղ անժամկետ մնալու են: Այսօր նրանք խաղում ենք արցախցիների զգացմունքների հետ, որովհետև շատերը չեն էլ պատկերացնում այդ քաղաքական իրավիճակը»:
ПОСЛЕДНИЕ ОТ АВТОРА
-
New2025-05-16 15:17Госсекретарь США Марко Рубио проводит в Стамбуле встречу с советниками по национальной безопасности стран «евротройки» (Великобритания, Германия и Франция), они обсуждают ситуацию вокруг Ирана и Украины. Об этом сообщило агентство Reuters.
-
New2025-05-16 15:14Переговоры между делегациями России, Украины и Турции стартовали в Стамбуле, сообщает РИА Новости.
-
New2025-05-16 15:13Акоп Асланян и Овик Агазарян предлагают кандидатуру Эдмона Марукяна на пост премьер-министра Армении. Об этом написал на своей странице в Facebook депутат Овик Агазарян.
-
New2025-05-16 15:09В рамках 6-го саммита Европейского политического сообщества в Тиране состоялась краткая беседа премьер-министра Армении Никола Пашиняна с президентом Турции Реджепом Тайипом Эрдоганом.