2023-08-30 14:45
Информагентства
Ռուս խաղաղապահներն առաջարկել են թույլ տալ ադրբեջանական բեռնատարները մտնեն Արցախ (ՏԵՍԱՆՅՈՒԹ)
Երեկ, երբ ադրբեջանական բեռնատարները մոտեցել են, որոշակի բանակցություններ են տեղի ունեցել ռուս խաղաղապահների հետ: Այս մասին օգոստոսի 30-ին լրագրողների հետ հանդիպման ժամանակ ասել է Արցախի խորհրդարանի նախագահ Դավիթ Իշխանյանը։
«Ռուս խաղաղապահների հրամանատարի փոխարինողը նոր է ժամանել Արցախ և դեռևս քաջածանոթ չէ ներքին կացությանը: Կան որոշ դրվագներ, տարրեր, որ անհրաժեշտ է, որ ռուսական կողմն ավելի լավ տեղեկացված լինի: Բայց նրանք, որոնք վաղուցվանից այստեղ են, զորակազմի համապատասխան պաշտոնյաները, վստահ եմ՝ շատ լավ տեղեկացված են մեր և ադրբեջանական կողմի մոտեցումներին»,-ասաց նա:
Իշխանյանի խոսքով, վերը նշված քննարկումները դեռևս որևէ արդյունք չեն տվել. «Համենայնդեպս, ռուս խաղաղապահների առաջարկը, որ հնարավորություն տրվի մեքենաների մուտքն Արցախի Հանրապետության տարածք, որևէ արդյունք չի տվել: Արցախի իշխանությունների, համապատասխան կառույցների կողմից միջոցներ են ձեռնարկվել և այդ քննարկումները դեռևս ընթացքի մեջ են, դրանք ավարտված չեն: Այստեղ շատ կարևոր է Արցախի ընդհանուր դիրքորոշումը և ռուսական կողմի՝ համապատասխան բացատրություններ տալը»,-ասաց Իշխանյանը:
Նա հավելեց, որ ռուսական կողմը ևս պետք է տեղեկացված լինի այն ընդհանուր իրավիճակին, որն առկա է, և այն տեսակետներին, որ ունի արցախյան կողմը. «Ուզում եմ հույս հայտնել, որ այդ բանակցությունները փոխըմբռնման մթնոլորտում էլ կավարտվեն և կունենան իրենց տրամաբանական ավարտը: Մեր սպասելիքները պետք է որ արդարանան»,-ընդգծեց Արցախի ԱԺ նախագահը:
News.am
ПОСЛЕДНИЕ ОТ АВТОРА
-
New2025-06-27 17:18Россия готовит письмо для Армении, в котором констатирует противоречия ее норм по сближению с Евросоюзом правилам Евразийского экономического союза (ЕАЭС). Об этом сообщил вице-премьер Алексей Оверчук, отвечая на вопрос ТАСС.
-
New2025-06-27 17:16Первопрестольный Эчмиадзин подтвердил намерение предстоятеля Ширакской епархии Армянской Апостольской церкви архиепископа Микаэла Аджапахяна отправится в Ереван, чтобы предстать в Следственном комитете.
-
New2025-06-27 17:15Католикос Великого дома Киликийского Арам I осудил действия армянских силовиков в Первопрестольном Эчмиадзине и призвал с уважением относиться к святыням.
-
New2025-06-27 17:14Министр территориального управления и инфраструктур Армении Давид Худатян провел встречу с министром энергетики и природных ресурсов Турции Алпарсланом Байрактаром. Об этом он сообщил в соцсети, добавив, что находится в Турции для участия в Глобальном форуме транспортных связей (Global Transport Connectivity Forum 2025).