2023-09-05 19:51
Информагентства
Բողոքի ակցիա Ֆրանկֆուրտում՝ ի պաշտպանություն Արցախի
Սեպտեմբերի 2-ին՝ Արցախի Հանրապետության անկախության հռչակման օրը, ինչպես Երևանում, այնպես էլ՝ սփյուռքի տարբեր գաղթօջախներում անցկացվել են հանրահավաքներ, բողոքի ակցիաներ՝ նախ պահանջելով Արցախի ապաշրջափակում, այնուհետև՝ Արցախի ինքնորոշման իրավունքի ճանաչում։
Գերմանիայի Ֆրանկֆուրտ քաղաքում հայկական համայնքը նույնպես հանրահավաք է անցկացրել՝ կոչ անելով ողջ հայությանը հանուն Արցախի ոտքի կանգնել։
Հանրահավաքի ժամանակ ելույթ է ունեցել Գերմանահայոց Կենտրոնական խորհրդի վարչության անդամ Սամվել Լուլուկյանը` հայտարարելով, որ հայությունը պետք է ակտիվանա, քանի որ արցախահայությունը բոլորի կարիքն ունի։
«Պատկերացնում եմ, 44-օրյա պատերազմից հետո բոլորի մոտ հիասթափություն կա, որ ամեն ինչ կորցրել ենք և անիմաստ է. Ո՛չ, մենք ավելի վատ վիճակում ենք եղել մեր պատմության մեջ։ Կոչ եմ անում բոլորին՝ ոտքի կանգնել ու միասնական պայքարել»,- իր խոսքում ասել է Սամվել Լուլուկյանը։
Նա ներկաներին տեղեկացրել է նաև, որ վերջերս իրականացվել է մի նախաձեռնություն, Եվրոպայի 12 երկրների հայկական համայնքների ատենապետները միավորվելով՝ ստեղծել են մի հարթակ, որը կոչվում է «Եվրոպահայությունն Արցախի համար»։
«Մենք ասել ենք, որ պայքարելու ենք Արցախի ինքնորոշման իրավունքի համար, սա հստակ է։ Շատ շուտով տեղի են ունենալու տարբեր գործողություններ, ցույցեր, նախատեսում ենք Բրյուսելում հոկտեմբերի 1-ին կազմակերպել մեծ ցույց։ Այս պահին 12 երկրներ են, բայց շուտով, հավանական է, որ կդառնա 15 երկիր։ Իմ խնդրանքն ու կոչն է՝ լինել միասնական ու պայքարել, այդ ժամանակ մենք հաջողության կհասնենք»,- հավելել է Սամվել Լուլուկյանը։
Նա նաև ուրախությամբ արձանագրել է, որ հայությունն Արցախի հարցում ցուցաբերում է միասնականություն։
«Ուզում եմ, որ բոլորս գիտակցենք՝ ուղղակի նստելով՝ հարցը չի լուծվում, սրանք գեղեցիկ խոսքեր չեն, մենք պետք է ոտքի կանգնենք՝ ինչպես 1988 թվականին։ Այն ժամանակ ես ուսանող եմ եղել, միասնականություն կար, որի շնորհիվ հասանք հաջողության։ Իսկապես ծայրահեղ օրհասական վիճակում ենք գտնվում, եթե ամեն ինչ կազմակերպված անենք, հաջողության կհասնենք:
Բողոքի ակցիային հաջորդել է մասնակիցների կողմից նամակի հանձնում Գերմանիայի կառավարությանը՝ պահանջելով Արցախի հարցում դիմել կոնկրետ քայլերի, վերանայել նաև Ադրբեջանի հետ Գերմանիայի հարաբերությունները։
Նշենք, որ բողոքի ակցիա է տեղի ունեցել նաև Բեռլինում։
News.am
ПОСЛЕДНИЕ ОТ АВТОРА
-
New2025-06-28 14:59Предстоятель Ширакской епархии Армянской Апостольской церкви архиепископ Микаел Аджапахян арестован сроком на 2 месяца, одновременно наложены ограничения на его контакты, напомнила соучредитель Международного центра развития парламентаризма, правозащитник и специалист по конституционному праву Гоар Мелоян.
-
New2025-06-28 13:34Конгрегация мхитаристов в Венеции выражает солидарность с Армянской Апостольской церковью. Об этом говорится в заявлении ордена на его официальной странице в соцсети.
-
New2025-06-28 13:32Антикоррупционный суд по требованию генпрокуратуры Армении 26 июня начал дело о конфискации незаконного имущества в отношении близких экс-главы Службы национальной безопасности Армении Карлоса Петросяна. Эту информацию Sputnik Армения подтвердили в суде.
-
New2025-06-28 13:30«В конце сентября, начале октября, премьер-министр Армении Пашинян будет присутствовать на сессии ПАСЕ, у него будет возможность выступить перед Ассамблеей и ответить на вопросы», — заявил на пресс-брифинге глава Парламентской ассамблеи Совета Европы (ПАСЕ) Теодорос Русопулос, отвечая на вопрос об арестах представителей духовенства и оппозиции и непосредственного вмешательства главы армянского государства в судебный процессы.