2023-09-14 16:14
Информагентства
Ուսուցիչները ստորագրահավաք են կազմակերպել (ՏԵՍԱՆՅՈՒԹ)
Ուսուցիչները կառավարության բակում ստորագրահավաք են կազմակերպել՝ դեմ արտահայտվելով կամավոր ատեստավորմանը:
«Այնտեղ նստածները ատեստավորվա՞ծ են, ինչո՞ւ են կասկածի տակ դնում մեր տարիների փորձը, ո՞վ է իրենց իրավունք վերապահել: Եթե այսպես շարունակվի, ապա այս քայլերը կլինեն շարունակական, որովհետև այս աստիճան ստորացնել ուսուցչին, արդեն բոլորի համբերության բաժակը լցվել է»,- ասաց ուսուցիչներից մեկը:
Լրագրողների հետ զրույցում Կենսաբանության ուսուցչուհի Արմինե Ավագյանն ասաց, որ կամավոր ատեստավորման թեստերի ծավալը շատ է և ուսուցիչը չի կարող այն գրել 3 ժամում.
«Գտնում եմ, որ հարցերը կազմել են կրթությունից հեռու մարդիկ: Այդ հարցերը չեն կարող տեղավորվել 3 ժամվա մեջ: Այնտեղ կա 15-16 խնդիր ու տարբեր բարդության հարցեր: Մենք՝ ուսուցիչներս, թեմատիկ գրավոր կազմելիս հաշվի ենք առնում, որ երեխան տեղավորվի 45 րոպեի մեջ, եթե նույնիսկ 1 երեխա տեղավորվում է, ուրեմն հարցերը ճիշտ են կազմված: Հարցերը դուրս են ծրագրային նյութից, հանկարծակի է գալիս ուսուցիչը»:
Ուսուցչի խոսքով՝ այստեղ ուսուցչի ոտնահարման խնդիրն. «Մեկը բարձր է ստանում, մյուսը՝ ցածր. սխալ մոտեցում է, բոլորը պետք է հավասար բարձր աշխատավարձ ստանան, հարգանքի արժանի լինեն պետության կողմից: Այնքան խնդիրներ կան, միայն աշխատավարձը չէ, Մայրենի լեզուն է շատ ցածր վիճակում գտնվում դպրոցներում, դասագրքերի հարցն է, առանց մեզ հարցնելու մեր վերաբերյալ որոշումներն են, ինչ ուզում, ոնց ուզում են՝ անում են: Իրենք ասում են՝ աշխատավարձի բարձրացում, բայց իրականում աշխատավարձը ցածրանում է, մի տեղից պոկում ի տեղ են դնում, վերջնարդյունքում իջնում է աշխատավարձը»:
Հիշեցնենք, որ ուսուցիչները սեպտեմբերի 12-ին բողոքի ակցիա էին իրականացրել նաև ԿԳՄՍ նախարարության մոտ՝ պահանջելով փակել emis.am-ը և անցնել թղթային մատյաններին, քանի որ, ըստ նրանց, այդպիսով աշակերտների կրթական մակարդակը չի բարձրանում, իսկ իրենց աշխատանքի ծանրաբեռնվածությունը մեծանում է:
News.am
ПОСЛЕДНИЕ ОТ АВТОРА
-
2025-06-27 22:41Сторонники архиепископа Микаэла Аджапахяна решили провести шествие к зданию резиденции Ереванского суда общей юрисдикции Еревана в Нор Норке и Аване, где будет рассмотрен вопрос о мере пресечения священнослужителя.
-
2025-06-27 22:26Архиепископ Микаэл Аджапахян, возглавляющий Ширакскую епархию Армянской Апостольской церкви, отказался от выдвижения свеой кандидатуры на пост премьер-министра Армении. Заявление Аджапахяна опубликовал его адвокат.
-
2025-06-27 22:26Глава Ширакской епархии Армянской Апостольской церкви, архиепископ Микаэл Аджапахян, задержан. Об этом сообщил его адвокат Ара Зограбян в беседе с журналистами.
-
2025-06-27 22:00Фракция блока «Честь имею» готова подписаться под процессом выражения недоверия премьер-министру при кандидатуре на эту должность архиепископа Микаэла Аджапаяна, выдвинутой независимыми депутатами Овиком Агазаряном и Акопом Асланяном, в случае согласия Католикоса всех армян и самого кандидата. Об этом говорится в заявлении политической силы.