2023-09-19 18:57
Информагентства
Կոնստանտին ԶԱՏՈՒԼԻՆ․ ԱԴՐԲԵՋԱՆԸ ԿՐԱԿՈՒՄ Է ՀԱՅԵՐԻ ՎՐԱ, ԲԱՅՑ ԴԻՊՉՈՒՄ Է ՄՈՍԿՎԱՅԻՆ
Այսօր Լեռնային Ղարաբաղում սկսված ռազմական գործողությունները, ի թիվս այլ բաների, ուղղված են Ռուսաստանին «Կովկասից վտարելուն», ասել է ՌԴ Պետդումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը, «Մոսկվան խոսում է» ռադիոկայանի եթերում։
Նրա խոսքով, Ադրբեջանի գործողությունները խախտում են պայմանավորվածությունները և զինադադարը, ինչպես նաև սպառնում են ոչ միայն Լեռնային Ղարաբաղի բնակիչներին, այլև ռուս խաղաղապահներին։
«Այո, դա սպասելի էր։ Բայց դա չի ստիպում, որ տեղի ունեցողը դադարի լինել պայմանավորվածությունների խախտում, հրադադարի խախտում և սպառնալիք ոչ միայն Լեռնային Ղարաբաղի հայ բնակչության, այլև այս տարածաշրջանի ռուս խաղաղապահների համար։ Այն, ինչ հիմա տեղի է ունենում, սպառնում է ոչ միայն Լեռնային Ղարաբաղի հայերին, այլև սպառնում է Ռուսաստանին Կովկասում։ Որովհետև Ադրբեջանը կրակում է հայերի վրա, բայց դիպչում է Մոսկվային և Ռուսաստանին։ Որովհետև սա ոչ միայն հայերին Լեռնային Ղարաբաղից, այլև Ռուսաստանին Կովկասից հեռացնելու ձևավորվող ծրագրի մի մասն է: Սա իմ խորին համոզմունքն է։
Ռուսաստանի Դաշնությունը պետք է անհապաղ պահանջի դադարեցնել ռազմական գործողություններն ու հրետակոծությունները, որոնք ներկայումս տեղի են ունենում։ Ես կարդացի Ադրբեջանի ՊՆ հայտարարությունը, որտեղ այն կոչվում է «հակաահաբեկչական գործողություն»։ Սա բավականին տարօրինակ գործողություն է, որի ժամանակ հրետանային հարվածներ են հասցվում տարածքների ու օբյեկտների վրա։ Ակնհայտ է, որ սա ընդամենը շղարշ է»,- ասաց Կոնստանտին Զատուլինը։
Պատգամավորը նշեց, որ Ադրբեջանը, դիտարկելով Ռուսաստանի Դաշնության և Փաշինյանի «փչացած» հարաբերությունները, որոշել է, որ Ռուսաստանը չի միջամտի հակամարտությանը։
«Ադրբեջանն այսպիսով գնահատում է իրավիճակը, կարծում է, որ Ռուսաստանը չի միջամտի, կարծում է, որ Փաշինյանն արդեն բավական փչացրել է հարաբերությունները Ռուսաստանի հետ, ուստի Ռուսաստանը մոտիվացված չէ։ Չնայած հարցը Փաշինյանը չէ, Փաշինյանը վաղուց է հրաժարվել Լեռնային Ղարաբաղից. Հարցը տասնյակ հազարավոր մարդիկ են, որոնք շարունակում են ապրել Լեռնային Ղարաբաղում և ապրել այնտեղ դարեր շարունակ։ Նկատի ունեմ հայ բնակչությանը»,- նշեց նա։
ПОСЛЕДНИЕ ОТ АВТОРА
-
New2025-07-17 19:37Член Верховного органа АРФ "Дашнакцутюн", депутат парламентской фракции "Армения" Гегам Манукян обратился в прокуратуру с заявлением о преступлении. Об этом депутат сообщил в интервью Sputnik Армения.
-
New2025-07-17 19:36Израиль продолжит политику демилитаризации на территории южнее Дамаска и не допустит причинения вреда местным друзам со стороны сирийских властей и группировок. Об этом заявил израильский премьер Биньямин Нетаньяху.
-
New2025-07-17 19:32В Баку на церемонии, посвящённой азербайджанской прессе, наградили турецкие медиаструктуры TRT, İHA и Anadolu Ajansı — за «верную службу» в продвижении повестки Баку в Карабахской войне и внешней политике, пишет Telegram-канал «Кавказарь».
-
New2025-07-17 19:31Власти Армении предпринимают действия, направленные на то, чтобы принизить значимость и устранить государственные институты НКР, что неприемлемо. Об этом говорится в заявлении Совет по правам армян Карабаха в ответ на иск Генпрокуратуры Армении в Административный суд с целью аннулировать право собственности на представительство НК в Ереване.