2023-09-21 17:20
Информагентства
Դավիթ ԲԱԲԱՅԱՆ. ՑԱՆԿԱՑԱԾ ՊԱՀԻ ՆՐԱՆՔ ԿԱՐՈՂ ԵՆ ՄԵԶ ՈՉՆՉԱՑՆԵԼ, ՄԵՐ ԴԵՄ ՑԵՂԱՍՊԱՆՈՒԹՅՈՒՆ ԿԱԶՄԱԿԵՐՊԵԼ
Արցախը մենակ է մնացել։ Ռուս խաղաղապահները գրեթե չեն կատարում իրենց պարտավորությունները, ժողովրդավար Արևմուտքը երես է թեքել մեզնից, երես է թեքել նաև Հայաստանը։ Այս մասին Reuters-ի հետ զրույցում ասել է Արցախի նախագահի խորհրդական Դավիթ Բաբայանը։
Նրա խոսքով՝ արցախահայությունն իրեն լքված է զգում Ռուսաստանի, Արևմուտքի և Հայաստանի կողմից։ Նա նշել է, որ շատ կարևոր հարցեր դեռևս համաձայնեցված չեն Ադրբեջանի հետ։ «Ռազմական գործողությունները դադարեցնելու պայմանավորվածություն ունենք, բայց սպասում ենք վերջնական համաձայնության ՝ բանակցություններն ընթանում են, կտեսնենք»,-ասել է նա։
Նա նշել է, որ վերջնական համաձայնություն դեռ չկա։
Ռուս խաղաղապահների միջնորդությամբ կրակի դադարեցման պայմանավորվածության համաձայն ՝ պաշտպանության բանակը պետք է արձակվի, իսկ բոլոր զենքերը հանձնվեն։
Սակայն պատասխանելով զենքից հրաժարվելու մասին հարցին ՝ Բաբայանն ասել է, որ Արցախի ժողովրդին առաջին հերթին անհրաժեշտ են անվտանգության երաշխիքներ: «Մի շարք հարցեր դեռ պետք է լուծվեն։ Մենք չգիտենք, թե անվտանգության ինչ երաշխիքներ կստանա մեր ժողովուրդը, այդ հարցը պետք է լուծվի։ Ցանկացած պահի նրանք կարող են մեզ ոչնչացնել, մեր դեմ ցեղասպանություն կազմակերպել։ Արևմուտքը լռում է, Ռուսաստանը լռում է, Հայաստանը լռում է»,-ասելէ նա։
Բաբայանը քննադատել է աշխարհին՝ իր ժողովրդին Ադրբեջանի ողորմությանը հանձնելու համար։ «Սա նման է 1453 թվականի Կոստանդնուպոլիսին. մենք պաշարված ենք և շրջափակված։ Այստեղ մարդկանց ճնշող մեծամասնությունը չի ցանկանում ապրել Ադրբեջանի կազմում։ Ես չգիտեմ, թե ինչ կլինի: Ղարաբաղը մենակ է մնացել։ Ռուս խաղաղապահները գրեթե չեն կատարում իրենց պարտավորությունները, ժողովրդավարական Արևմուտքը երես է թեքել մեզնից, երես է թեքել նաև Հայաստանը»,-ասել է նա։
ПОСЛЕДНИЕ ОТ АВТОРА
-
2025-06-08 10:05От фракции «Честь имею» НС представлено предложение о выражении недоверия премьер-министру, а в качестве кандидата на пост премьер-министра выдвинут член Совета РПА Давид Амбарцумян.
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.
-
2025-06-07 15:14Более 14 тыс человек пострадали в первый день Курбан-байрама, получив ранения во время закалывания жертвенных животных, сообщил в X министр здравоохранения страны Кемаль Мемишоглу.