2023-09-22 10:22
Информагентства
Բայրամովը Արցախի դեմ ցեղասպանական գործողություններն արդարացնելու համար մեջբերեց Փաշինյանին
Ադրբեջանը Լեռնային Ղարաբաղի հարցով ՄԱԿ-ի ԱԽ հրատապ նիստին «ձմերուկով տորթերի» նկարների սլայդշոուն փոխարինել էր ռազմական տեխիկայի արբանյակային լուսանկարներով, սակայն փաստարկները մնացել էին «տորթային մակարդակի», հռետորաբանությունը՝ ագրեսիվ։
Երկրի ԱԳ նախարար Ջեյհուն Բայրամովը, ինչպես և սպասվում էր,որպես Ադրբեջանի ցեղասպան գործողությունները անպաշտպան արցախահայության նկատմամբ արդարացնելու հիմք օգտագործում էր շաբաթներ շարունակ երկրի պաշտպանական գերատեսչության կողմից նախապատրաստվող տեղեկատվական ֆոնը՝ «հրադադարի ռեժիմի խախտումների» և «ամրաշինական աշխատանքների կատարման» վերաբերյալ։
Բայրամովը պնդում էր՝ քաղաքացիական օբյեկտներ չեն թիրախավորվել և որպես ասածների ապացույց մեջբերեց Փաշինյանի՝ վերջին ուղերձում արված հայտարարությունը, որ Արցախում քաղաքացիական բնակչության շրջանում զանգվածային զոհերի մասին տեղեկությունները չեն համապատասխանում իրականությանը և որ իր գնահատականով՝ ԼՂ քաղաքացիական բնակչությանը ուղիղ սպառնալիք չկա․ «Հիշեցնեմ՝ սա Հայաստանի վարչապետի կողմից մի քանի ժամ առաջ արված հայտարարություն է»,- ասաց Բայրամովը։
Ադրբեջանի ԱԳ նախարարը նշել է, որ իրենք հասել են «հակաահաբեկչական միջոցառումների շրջանակում դրված բոլոր նպատակներին, եթե Հայաստանը կատարեր եռակողմ հայտարարության շրջանակում ստանձնած պարտավորությունները, ապա դրան կարելի էր վաղուց և խաղաղ ճանապարհով հասնել»։
Բայրամովը ասել է, որ «չնայած Հայաստանի ապակառուցողական դիրքորոշումից բխող բոլոր լուրջ մարտահրավերներին, Ադրբեջանը կրկին հաստատում է անկեղծ երկխոսության և բանակցությունների իր պատրաստակամությունը՝ հիմնված երկու երկրների օրինական շահերի հավասար և փոխադարձ հարգանքի վրա»։
News.am
ПОСЛЕДНИЕ ОТ АВТОРА
-
2025-06-26 20:14Страны ЕАЭС и Индия приняли решение начать консультации по проекту торгового соглашения. Об этом министр по торговле Евразийской экономической комиссии Андрей Слепнев заявил на брифинге в рамках Евразийского экономического форума, проходящего в Минске.
-
2025-06-26 20:11По приглашению начальника Генерального штаба ВС Турецкой Республики генерала армии Метина Гюрака делегация Азербайджана во главе с первым заместителем министра обороны – начальником Генерального штаба ВС Азербайджана генерал-полковником Керимом Велиевым прибыла с визитом в Турцию.
-
2025-06-26 20:05Депутат фракции «Армения» Национального собрания Лилит Галстян написала:
-
2025-06-26 20:03Центральный комитет АРФ Дашнакцутюн Канады осуждает кампанию преследований, развязанную действующим режимом Армении против АРФД в Армении и оппозиционеров.