2023-09-22 15:55
Информагентства
Դավիթ Բաբայան․ Արցախին Ադրբեջանի կողմից որևէ հումանիտար օգնություն չի տրամադրվել
Ադրբեջանական լրատվամիջոցներն իրար հերթ չտալով՝ հայտարարում են, թե երկրի Արտակարգ իրավիճակների նախարարությունը որոշել է մարդասիրական նպատակներով սննդամթերքի բեռ ուղարկել Արցախ: Ըստ նույն տեղեկության՝ 20 տոննայանոց 2 բեռնատար է ուղարկվել Արցախ՝ տարբեր պարենային ապրանքներով և հիգիենայի պարագաներով, և 2 մեքենայով էլ՝ հաց։
168.am-ի հետ զրույցում Արցախի Հանրապետության նախագահի խորհրդական, հատուկ հանձնարարությունների գծով ներկայացուցիչ, ԱԳ նախկին նախարար Դավիթ Բաբայանն ասել է. «Արցախին Ադրբեջանի կողմից որևէ հումանիտար օգնություն չի տրամադրվել, Արցախն ակնկալում է, որ իրենց հումանիտար օգնություն հասնի Հայաստանից՝ Բերձորի միջանցքով»,- նշեց Դավիթ Բաբայանը։
Դավիթ Բաբայանը նաև մեզ հայտնեց, որ տվյալ պահին Արցախում իրավիճակը կայուն է, սակայն բարդ է։
«Հիմա, իհարկե, վերականգնվում են որոշ բաներ, մենք ակնկալում ենք՝ Բերձորի միջանցքով Հայաստանից հումանիտար բեռներ գան։ Սպասում ենք, որ հիմա առաջին հումանիտար բեռը պաշարված Արցախ մտնի Գորիսից և Բերձորի միջանցքով հասնի Ստեփանակերտ»,- շեշտեց Դավիթ Բաբայանը։
Նա նաև ընդգծեց, որ այս ամենից զատ՝ պետք է Արցախում որոնողական աշխատանքներ իրականացվեն՝ ադրբեջանական ագրեսիայի հետևանքով զոհերին, անհետ կորածներին գտնելու համար։
Ինչ վերաբերում է Նիկոլ Փաշինյանի՝ երեկ ուղիղ եթերում հնչեցրած հայտարարությանը, թե «Արցախի ժողովրդին Ադրբեջանի կողմից չկա ուղիղ սպառնալիք», Դավիթ Բաբայանը չցանկանկացավ ընդհանրապես որևէ կերպ մեկնաբանել։
«Ես իսկապես չեմ ուզում մեկնաբանել այդ հայտարարությունները, ինչ պետք է ասեմ՝ մարդիկ տեղահանված, զոհվածներ, անհայտ կորածներ ունենք, շրջափակման մեջ գտնվող մարդիկ, այդ թվում՝ զոհված երեխաներ, ինչ ասեմ, չեմ էլ ուզում մեկնաբանել»,- եզրափակեց Դավիթ Բաբայանը։
News.am
ПОСЛЕДНИЕ ОТ АВТОРА
-
New2025-07-11 19:30Союз «Арцах» направил ноту протеста правительствам стран, президенты или другие высокопоставленные представители которых приняли участие в 17-м саммите Организации экономического сотрудничества (ОЭС) в оккупированном Степанакерте на прошлой неделе. Об этом говорится в заявлении союза.
-
New2025-07-11 19:23В Абу-Даби не было подписано никакого документа, поскольку у Азербайджана другие ожидания, другие требования - возвращение азербайджанцев, утверждение азербайджанской общины в Ереване, а некоторые церкви должны стать албанскими. Об этом заявил в беседе с корреспондентом Новости Армении – NEWS.am политолог Артур Хачикян.
-
New2025-07-11 17:42Управление Верховного комиссара ООН по правам человека (УВКПЧ) заявило в пятницу, что с начала поставок помощи в Газу зафиксировало как минимум 798 убийств как у пунктов помощи, организованных при поддержке США и Израиля, так и вблизи гуманитарных конвоев других организаций, включая ООН.
-
New2025-07-11 17:40Высокая степень пожарной опасности ожидается в течение ближайших 5 дней в Араратской долине и долинах Сюника, предупреждает Министерство окружающей среды РА в Facebook-е.