2023-10-06 10:38
Информагентства
ԻՆՉՊԵ՞Ս ՀԱՍԿԱՆԱԼ, ԹԵ ԱՐԴՅՈՔ ԳԱՂՏՆԱԼՍՈՒՄ ԵՆ ՁԵՐ ՀԵՌԱԽՈՍԸ
Կան մի քանի նշաններ, որոնք կարող են վկայել այն մասին, որ ձեր սմարթֆոնը գաղտնալսվում է, օրինակ՝ հեռախոսի հանկարծակի վերագործարկումը, այս մասին ասել է EdgeЦентр-ի գլխավոր տնօրեն Միխայիլ Շուրիգինը։
Փորձագետի կարծիքով՝ գաղտնալսման մասին կարող է վկայել սմարթֆոնի անսովոր պահվածքը, օրինակ՝ եթե սարքն ինքն իրեն անջատվում է կամ վերագործարկվում։
Ձեր հեռախոսում լրտեսող ծրագրերի առկայության մասին կարող է վկայել նաև մարտկոցի լիցքի կտրուկ նվազումը, նույնիսկ այն ժամանակ, երբ այն չեք օգտագործում, նշել է նա։
Գաղտնալսման մասին երրորդ տագնապալի ազդանշան է համարվում անհասկանալի աղմուկը՝ արձագանք, խշշոց և այլ տարօրինակ հնչյուններ հեռախոսազրույցի ժամանակ։ Բացի դրանից, լրտեսող ծրագրերի ակտիվությունը նաև արտահայտվում է օգտագործված ինտերնետ տրաֆիկի կտրուկ աճով, զգուշացրել է Շուրիգինը։
Ի՞նչ անել, եթե ձեր հեռախոսը գաղտնալսում են
Եթե կասկածում եք, որ ձեր սմարթֆոնում լրտեսող ծրագիր կա, ապա Միխայիլ Շուրիգինը մի քանի խորհուրդ է տալիս նման իրավիճակի համար։ Նախ պետք է օգնության դիմել մասնագետներին, եթե ձեր տեխնիկական գիտելիքները բավարար չեն խնդիրը կարգավորելու համար: Մասնագետը կսկանավորի ձեր հեռախոսը և կպարզի՝ արդյոք անցանկալի ծրագրեր կան, թե ոչ և անհրաժեշտության դեպքում կհեռացնի դրանք:
«Մեկ այլ տարբերակ․ օգտագործեք հակավիրուսային ծրագիր կամ թարմացրեք ձեր հեռախոսի ծրագրակազմը: Թարմացումները հաճախ ներառում են անվտանգության շտկումներ, որոնք կարող են օգնել՝ պաշտպանելու ձեր հեռախոսը վնասակար ծրագրերից»,- բացատրել է Շուրիգինը:
Մեկ այլ տարբերակ է հեռախոսի գործարանային վիճակի բերելը։ Դա անելու համար հարկավոր է մտնել Settings մենյու և սեղմել Factory reset հրահանգը: Սակայն այս դեպքում կջնջվեն բոլոր այն տվյալները, որոնք պահվում են անմիջապես հեռախոսի վրա, այլ ոչ թե ամպում։
Ի դեպ, եթե վստահ եք, որ ձեր հեռախոսը գաղտնալսվում է, ապա կարող եք դիմել նաև ոստիկանություն, քանի որ դա հանցագործություն է (եթե, իհարկե, չկա դատարանի որոշում)։
ПОСЛЕДНИЕ ОТ АВТОРА
-
2025-07-26 14:32Несмотря на то, что власти подавляли митинги и акции народа Арцаха угрозами и шантажом применения силы, ситуация не изменилась, заявил депутат Национального собрания Армении Тигран Абрамян.
-
2025-07-26 14:31Представитель МИД Армении Ани Бадалян обвинила армянскую службу «Радио Свобода» в распространении дезинформации о дороге, проходящей через Сюник, и её возможной передаче под контроль США. Она отметила, что ложные тезисы были опубликованы параллельно с материалами российского телеканала «Россия сегодня».
-
2025-07-26 14:29После ремонта газопровода, с 13:40 субботы возобновлена подача газа в Армению. Об этом сообщает "Газпром Армения".
-
2025-07-26 14:27Новоназначенный заместитель директора по сбыту компании «Электросети Армении» (ЭСА), директор по обслуживанию электроснабжения Еревана Арман Смбатян получил должность благодаря тому, что катался на велосипеде с премьер-министром Николом Пашиняном и сблизился с ним, пишет газета «Грапарак».